هام جدااااااااااااااا نفق الاكاديمية

[mrwho1982]

هام جدا للي بياخد نفق الاكاديمية كانك رايح عالتجمع وكارفور ..اللي هو اول نفق بعد نفق العاشر وفي ناس بتسمية نفق زهراء مدينة نصر

في عربية طوب مقلوبة عاشمال اخر النفق وقافلة كل الحارات ماعدا اخر 2 يمين وفيهم مية بزيت

العربية متتشافش غير وانت طالع من النفق وطبعا كولو بيطلع بكل سرعتة لذللك وجب التنبية ونمشي براحة ..انا عربيتي كانت هتعوم مني بس ربنا سترها

وكلمت 122 قالولي في اخبارية لسه جايالهم وهم رايحين لمكان الحادثة وقالولي شكرا ومقلقش

فياريت نخلي بالنا وربنا يستر طريقنا جميعا

[أحمد كمال]

جزاك الله خير انا نازل الشغل دلوقتي و كنت هالبس كده ........ هاخرم من طريق تاني

[mrghost]

الحمد لله العربيه اتشالت على جنب انا كنت فى توكيل تويوتا بتاع التجمع الخامس والعربيه اتشالت خلاص

[ABDULLAH AHMED]

وانا راجع النهارده من التجمع الساعة 12 الظهر شفت العربية النقل مقلوبة والمنظر صعب
شكل العربية النقل غريييب ,,, ان شاء الله ما يكنش حصل اي وفيات او اصابات
وربنا يستر علينا من بتوع النقل