هو فيه إيه العربيه تتسرق 3 مرات في شهر!!!!

[yoko]

إحنا عندنا عربيتين 128 الاوله البطاريه إتسرقت جبنا واحده جديده البطاريه إتسرقت تاني كل ده خلال إسبوع
النهارده البواب شاف واحد بيحاول يطفش العربيه التانيه أول ما زعق الواد جري وكل ده الساعة 12 الظهر!!!!
هو ده بقى العادي ولا إحنا حد مستقصدنا ولا فيه إيه؟

[Land_Cruiser]

للأسف الحراميه بقت بجحه جدا و مبفرقش معاها ليل و لا صبح و حاول تركب جهاز انذار لو مكنش فيها و يكون صوته مزعج على قد ما تقدر و ممكن تشوف مكان تانى تركن فيه و ربنا يستر ان شاء الله

[yoko]

للأسف الحراميه بقت بجحه جدا و مبفرقش معاها ليل و لا صبح و حاول تركب جهاز انذار لو مكنش فيها و يكون صوته مزعج على قد ما تقدر و ممكن تشوف مكان تانى تركن فيه و ربنا يستر ان شاء الله

أنا راكن العربيات قدام باب العمارة أعمل إيه أكتر من كده؟

[mahmoud_afifi]

أنا راكن العربيات قدام باب العمارة أعمل إيه أكتر من كده؟

اركنها جوه العماره
خلي البواب يمسك شومه ولما يلاقي حد بيعمل حاجه في العربيه مش يزعقله !! خليه يمسكه يعجنه

[wassim_nasser]

قلبى معاك يا باشمهندس .. بس حاجه من 2 يا تركب انذار يا تعمل كمين لأن واضح ان ده حد متابعكم و حاطط عينه عليها من فترة

[Medicalist]

انا رأيى تحط قمبلة فى البطارية وتكون بريموت واول ما تتسرق فجرها

[yoko]

اركنها جوه العماره
خلي البواب يمسك شومه ولما يلاقي حد بيعمل حاجه في العربيه مش يزعقله !! خليه يمسكه يعجنه

أصلا الي مسكه مش بواب العمارة عمارتنا مفيهاش بواب ده بتاع عمارة بعدينا بعمارتين وشافه بالصدفة

قلبى معاك يا باشمهندس .. بس حاجه من 2 يا تركب انذار يا تعمل كمين لأن واضح ان ده حد متابعكم و حاطط عينه عليها من فترة

الإنذار بيتفك في ثواني دلوقتي

انا رأيى تحط قمبلة فى البطارية وتكون بريموت واول ما تتسرق فجرها

هههههههه طب إزاي دي
أنا الي بفكر أعمله فعليا أكهرب جسم العربيه

[Col. Eng. Khaled]

خد دي

زميل لنا في المنتدى معاه نيو أكسنت

اللوحة المعدنية الأمامية .... الأمامية بس

إتسرقت مرتين في شهر واحد بس و هي تحت البيت

طبعا في المرتين الراجل يروح يفحص

آخر ما زهق شال اللوحتين

حط واحدة عالتابلوه الأمامي و التانية بين الأستوب الخلفي و البرابريز .

[wassim_nasser]

باقولك ايه يا باشمهندس .. هل الايموبيلايزر immobiliser فيه حاجه تبطله زي ما بيفكوا الإنذار كده؟

[MohssenRashed]

حاول ركب انزار و زرار الفصل كان في ناس كتير بتكلم عليه في المنتدى.

بس حرامي غريب قوي عايز يسرق 128 يعمل بيها ايه بعني؟؟؟ لو سرقت اسرق جمل هههه

[yoko]

باقولك ايه يا باشمهندس .. هل اﻻيموبيﻼيزر immobiliser فيه حاجه تبطله زي ما بيفكوا اﻹنذار كده؟

لحد دلوقتي الي اعرفة انه ﻷ خصوصا انه بيعتمد علي ال ecu

حاول ركب انزار و زرار الفصل كان في ناس كتير بتكلم عليه في المنتدى.

بس حرامي غريب قوي عايز يسرق 128 يعمل بيها ايه بعني؟؟؟ لو سرقت اسرق جمل هلههه

ما ده الي انه مستغربه انا جبت كلبش للعربيه وفكين البطارية وخدتها معايا البيت والتانيه من ساعة ما اتسرقت البطاريه مرتيين سايبها من غير بطاريه وفيها كلبش من زمان

[wassim_nasser]

متشكرين يا باشمهندس ربنا يزيدك علم

[khaled_bibo]

طب عندنا اللي اكتر من 10 عربيات من ضمنهم 6 128 و واحده بتاعتي اتسرقت بطاريتهم و الكلام ده من شهر و لغاية دلوقتي مستني حد يجبلي بطاريه هديه او اشوف اللي سرقها عشان اديلوا الضمان حرام برضه ديه لسه فيها شهرين :d

[sha2e]

هوا ايه حكاية بطاريات 128 ؟
انا أعرف أتنين معاهم 128 واتسرقت البطاريات من عربياتهم برضو
اشمعنا بطاريات 128 ؟ أكيد فيه حاجه بتستوعب البطاريات المسروقه دي
هيا بطاريات 128 بتركب في التكاتك ؟؟

[yoko]

http://www.nilemotors.net/Nile/266198-a.html

الجزء التاني