استشارة عاجلة من مهندسى الكهرباء

[ashraf122]

السلام عليكم
كنت عايز اعرف من حضراتكم ما هو الفرق بين staplizer و transformer المشكلة بأختصار انى جالى جهاز بلاى ستيشن من الصين بس للاسف 110 فولت والادبتر مكتوب علية
input :ac 100-127 v
output : dc 12 v 10.83 a

و لما رحت راديو شيك قالو لى دة محتاج استبليزر 2 كيلو مش عارف حاسس انها اشتغالة
كنت عايز اعرف من حضرتكم الاحسن استخدم استبليزر ولا ترانسفورمر و سعة كام

[Eng_hatemfathy]

السلام عليكم الفارق بين الاستبليزر والترانس(المحول ) يتمثل ببساطه فيما يلى:
1- المحول له نسبة تحويل ثابته اى يتغير الخرج بتغير الدخل زياده ونقصان يعنى لو المحول 110:220 تعنى ان نسبة التحويل 1:2 اى اذا ارتفع الداخل ل 240 يرتفع معها الخرج بنفس النسبه فيصبح 120 واذا انخفض الى 200 ينخفض الخرج الى 100
2- الاستبلايزر يعمل على ثبات الخرج عند قيمه معينه اذا تغير الدخل فى حدود معينه بمعنى اذا كان الخرج 110 والدخل من 180 الى 240 فهذا يعنى ان الخرج ثابت على 110 مهما تغبر الدخل فى حدود القيمه المذكوره والمشكله هنا ان توقيت الاستجابه للتغير يختلف باختلاف الانواع وزمن التغير وقد يتواجد استبلايزر ويتلف الجهاز بالرغم من ذلك وهذا ان حدث تغير سريع فى مستوى الفولت فى الشبكه بسرعه تتجاوز سرعة استجابة الاستابليزر
وبالطبع يتم اختيار نظام التغذية تبعا لحساسية الحمل (الجهاز) فعند وجود حمل حساس ومهم فالاولى تركيب onlinr UPS وهذا نظام يعتمد على تحوبل التيار المتردد لتيار مستمر بصفه دائمه ثم تخليق تيار متردد من جديد بصفات قياسية من تردد وقيمة الجهد وفلتره من الترددات التوافقيه الاخرى
ارجوا ان اكون قد افدت حضرتك والاولى للبلاى استيشن شراء استابليزر مناسب لقدرة الجهاز وهى مكتوبه على العليه بالتاكيد

[أحمد كمال]

مش مكتوب عالمحول الدخل بتاعه كام امبير؟ لو مكتوب اضرب عدد الامبيرات في 110 يديك عدد الواطات المطلوبة و ممكن تزود شوية للاحتياط يعني لو مثلا مكتوب دخله 10 امبير يبقى حضرتك محتاج 1100 واط (1.1 كيلو واط)

[Eng_hatemfathy]

مش مكتوب عالمحول الدخل بتاعه كام امبير؟ لو مكتوب اضرب عدد الامبيرات في 110 يديك عدد الواطات المطلوبة و ممكن تزود شوية للاحتياط يعني لو مثلا مكتوب دخله 10 امبير يبقى حضرتك محتاج 1100 واط (1.1 كيلو واط)

يا باشا بنضرب كمان فى معامل القدره اللى هوا 0.8 فى الشبكه العاديه بتاعتنا بخلاف معامل الامان 20%
وبصراحه بقالى مده مضحكتش -ياترى فين مشاركات حضرتك الجامده
اقبل تحياتى

[ashraf122]

اولا متشكر لكم جميعا على ردودكم المفيدة ، جزاكم اللة خيرا
المكتوب بالضبط على الادبتر
input AC : 100-127V-3.7A -47-63HZ
outputDC:12V = 10.83A , 5VSP = 1A

[شريف]

اولا متشكر لكم جميعا على ردودكم المفيدة ، جزاكم الله خيرا
المكتوب بالضبط على الادبتر
input AC : 100-127V-3.7A -47-63HZ
outputDC:12V = 10.83A , 5VSP = 1A

volt*ampere*efficiency=watt
127*3.7*.9=423 watt

[Eng_hatemfathy]

اى ستابليزر ابتداء من 400 وات هيتفع معاك وعليك وعلى النخيلى بشارع التحرير بوسط البلد وهتلاقى اللى يناسبك بسعر كويس

[ashraf122]

مبلاش اروح ناحية التحرير ، ياريت لو حضرتكم تفيدونى عن مكان اشترى من مصر الجديدة و اية الانواع المناسبة

[Eng_hatemfathy]

ممكن تشوف كمبيو مول وسوق العصر ول مش عايز التحرير والعتبه كويسه ممكن تروح الجمال فى العتبه او شارع الازهر على اليمين عند بتوع الميكروفونات بتاعة الجوامع

[yoko]

اي محول 110 ل220 فوق ال400 وات أو أكتر من نص حصان (لو بالحصان) هيشتغل معاك فله ومش محتاج إستيبلايزر لإن الجهاز جواه rectifier وإستيبليزر
شوف سعر المحول كام وشوف لو جبت أدابتور بلاي ستيشن 220 أصلا بكام وشوف أنهي أرخص