فزاع .. ولكن؟

[A7MED_PHARMA]

السلام عليكم

عودا حميدا أحمد فارما
إيه الجديد ف الدنيا .. أنا بقالي معزول عن النت بقالي كتيرررر
عرفت إن فيه مقابلة يوم الخميس...تمام أنا جاااي
وفزاع منور البيت عندي
..حدش عنده أي أخبار عن أي حاجة ..


محدش يطلب مني أحط صورة فزاع ع النت .. أنا كنت بحط صورة العربية كل مرة بعد التظبيط تاخد ف وشها بعدها على طووول
فزاع بقا حاجة مختلفة
ف الوقت المناسب هحط صورته
بس يشد حيله شوية

[windofchange]

عودا حميدا يا دكتور احمد ,,,,,,,,,,المنتدي نور وربنا يباركلك في فزاع ويحفظه

[A7MED_PHARMA]

نقول عن فزاع

كائن هو الجمال المجسم
لازم كل يومين أحميه .. بميه دافيه وشامبو جونسون أطفال
وله ليفه ناعمة .. وليفه خشنة
شعره لازم يتغسل بشامبو كلير رجالي
وبعد الشامبو .. لازم زيت أملا الأصلي مش بتاع الصيدليات لشعر رقبته
وفوطة كبيرررررررررة له علشان مايخدش برد بعد الحمام
بسرح شعره بإيدي

بطانية سندريلا مخصوص له .. مقطوعة ومتفصالة على أد جسمه بيستغطى بيها كل يوم
عملت له مكان صغنن بينام فيه في الجنينة


أول مايشوف بابا داخل .. صوته يعلى ومايبقاش على بعضه
حتت السكر على طوووووووووول
ربنا يخليهولي .. دلوقتي 7 شهور تقريبا

[A7MED_PHARMA]

فزاع أصيل من عيلة أصيلة
أبوه إبن أصوووول
لكن أبوه خرج عن طوع عيلته .. وإتورط مع أم فزاع إلي هي مش أصيلة ولابنت أصول
وكانت النتيجة فزاع
حبيب بابا

فزاع مش بيحب يتكلم ف الموضوع ده
أنا دلوقتي عيلته كلها

[windofchange]

ماشاء الله ايه الوصف ده شوقتنا يا دوك ربنا يباركلك فيه ويبعد عنه الشر

[wassim_nasser]

هاته معاك يوم الخميس

[minicooper20]

ههههههههههههههههههههههههههههههههه
فكرتنى باول كلب جبتو
بكره تزهق

[A_H_M_A_D]

فزاع أصيل من عيلة أصيلة
أبوه إبن أصوووول
لكن أبوه خرج عن طوع عيلته .. وإتورط مع أم فزاع إلي هي مش أصيلة ولابنت أصول
وكانت النتيجة فزاع

أفهم من كده إن أمه كانت شغالة باليوميه عند عيلة أبوه الأصيلة , لكن طيش الشباب و الشيطان الشاطر هو السبب ... صح ؟!

[AHMEDCAR]

فزاع ده حصان ضغير اكيد

[ahmed_mido1889]

ايون حصان صغير

[mr_vampire]

شامبو جونسون وبطانية سندريلا!!!!!!!!!!!! طب يافارما متنساش تبقي تحطله شوية بيريل فالبرسيم او تدوب حتت السكر في بيريل عشان يسترجل شوية.

بكرة نلاقي فزاع مش عارف يشد عربية كارو بسبب دلعك فيه ونرجع نلوم علي النشاة والتربية الغلط في مرحلة الطفولة.

[A7MED_PHARMA]

هي غلطة أبوه ربنا يمسيه بالخير

المهم
صعيدي
فزاع مين الي يتعلق في عربية كارو .. لاااااااااااا
فزاع ده مدلع .. وهيطلع حاجة تمام ان شاء الله

ظبطوا كده يوم تيجوا عندي البيت .. ونشوي فراخ ونكبخ ف الجنينة .. وتتفرجوا عليه
ونقضي اليوم سوا

[mr_vampire]

هي غلطة أبوه ربنا يمسيه بالخير

المهم
صعيدي
فزاع مين الي يتعلق في عربية كارو .. لاااااااااااا
فزاع ده مدلع .. وهيطلع حاجة تمام ان شاء الله

ظبطوا كده يوم تيجوا عندي البيت .. ونشوي فراخ ونكبخ ف الجنينة .. وتتفرجوا عليه
ونقضي اليوم سوا

اه نشوي فراخ ومافيش مانع يعد ياكل معانا وبالمرة نخليله اللحم من العضم عشان سنانه النونو متوجعوش
. لو جيت مش هسيبه غير لما اخد بيه لفة هتقولي صغير يبقي يتربط في اكصدام العربية ويتزحف عشان ينشف شوية.

وبعدين الاصل بيحن تلاقيه لما بيشوف كارو بيبصلها وبيعمل نفسه ميعرفش ايه ده مع ان امه ياما شدتها واخدت كرابيك

[magyver]

هيا المقابلة دة امتي وفين
انا بقالي فترة مدخلتش ومش عارف حااجة ؟

[magyver]

محدش رد ليييية