اللي عندة سابقة تعامل في الجنيهات الدهب يفيدنا

[Karim_Monir]

السلام عليكم
طبعا انتو داخلين وبتقولو كريم باع المنتدى وهايشتري جينهات دهب
لكن طبعا ملتهونوش عليا ولو بدنانير دهب
بس لو لقيت عرض مغري هابيع على طول :-)
المهم زميلتي اللي استقالت (الله يسامحها على شغلها اللي شيلته ) عايز تشتري جينهات دهب عشان ماتصرف الفلوس (قال يعني من كترهم)
يعني كانت عايزة تشتري 30 او 40 جنيه دهب
وسالتني
وبما اني ابيــــــض في الحوار ده قولت اسالكم بكام ومنين ونعرف منين انه مش مضروب لان فيه مضروب كتير حسب ما سمعنا
وبياخدو فيه عمولة كام ولما يتباع بيخسر كام
وهو احسن ولا الدهب الكسر كفلوس تتشال
وطبعا دي تستحق عنها زكاة مال عشان انبهها لكدة
شكرا مقدما

[أحمد كمال]

سواء جنيهات دهب او فلوس كاش متشالة الاتنين عليهم زكاة

[mohamed9999]

متابع ولو انى كنت عاوز اعمل كده لما كان جرام الدهب ب180ج بس دلوقتى الدهب ولع اوى وحاسس انو هينزل تانى مش عارف ليه

[sayed911]

استاذ كريم انا من وجهة نظري انه استثمار على المدى البعيد قوي .. انا والدي كان جايبلي 10 جنيهات من 15 سنة شوف كان سعرهم كام !! والنهاردة كوديعة شوف الناتج بتاعهم بقى كام ..

[Eng_hatemfathy]

بالطبع اقتراح جميل بس خطير (مش هيخسر لكن صعب شيله فى البيت وكمان اكيد معندهاش خزنه فى بنك-ربنا يستر)
الجنيه 8 جرام عيار 21 وسعره اليوم 2152 والخساره 15 جنيه فى الجنيه عند البيع (كانت كده مش عارف اليومين دول ايه نظامها)
وبالطبع عليه زكاه كل سنه هجريه لو زاد وزن الذهب اللى عندها عن 85 جرام دهب 24يعنى لو حضرتك بتقول انها هتشترى 30 جنيه دهب يعنى هيكونوا 240 جرام 21 اللى مكافىء فى السعر ل 210 جرام عيار 24 وده طبعا ازيد من النصاب اذا يستحق الزكاه على الكل بمرور سنه هجريه على امتلاك النصاب وقيمة الزكاه وقت حلول الحول تبعا لقيمة الذهب وقتها ومقدارها 0.025 من قيمة الذهب وقتها-اتمنى يكون الرد واف

[icahmed]

اتأكد بس انه مختوم

[human]

يعنى ايه دهب؟

[Karim_Monir]

مهندس حاتم شكرا جزيلا وشكرا لكل اللي فادو برايهم
طيب منين افضل مكان للشراء عن سابق تجربة يا ريت

[Eng_hatemfathy]

ليس متوافر كثيرا فى المحلات لان ليس عليه طلب والكل يعرض ان يحضره مخصوص ولكن بدفع عربون وكما هو معلوم شرعا انه لا يجوز فى الذهب والفضه وعلى غرارهم العملات مبدأ البيع بالتقسيط فلا يجوز دفع مبلغ ثم الاكمال حيث ان صحة البيع مبنيه على القبض يدا بيد ها وها اى دفع المال واخذ المقابل الذهبى له ولذلك انصح ان تعمل مسح بالتليفون وطبعا ارقام محلات الذهب متوفره على 140 اون لاين والسؤال عن الختم لان هناك جنيهات ليست مدموغة لتوفير قيمة الدمغة ودى بلاش منها وربنا يوفق

[نور القمر]

الكسر ارخص تقريبا على الجرام جنيه واحد مصنعية او مكسب واضمن

والمستعمل السليم كمان كويس وافضل على الاقل هتقدر تستمتع بيه وتلبسه ومصنعيته بتختلف على حسب نوع الدهب اذا كان لازوردي ولا عادي وعلى حسب شطارة المشتري في الفصال

[aif]

قولها تشتري دولارات

[أبو صلاح]

قولها تشتري دولارات

ايه وجهة نظرك في ان الدولار أفضل من الذهب ؟

[tarekmomo]

الجنية بيبقى 8 حرام عيااااااااااار 21
وبيعمل 2200 جنية دهب وحق السكة بتاعتة
ومعظمة مش مدموغ ولكن فية بيبقى علية شعار الشركة الى عاملاة وعلية
بالنسبة للكسر صعب تلاقى محل يوفرلك كسر ب30000 او 40000 الف جنية ولو عوزت اى استفسار انا موجود

[أحمد كمال]

قولها تشتري دولارات

لو كل الناس فكرت كده ابشرك ان الاقتصاد هيخرب اكتر و مش هنلاقي ناكل

[aif]

لو كل الناس فكرت كده ابشرك ان الاقتصاد هيخرب اكتر و مش هنلاقي ناكل

ماهو مش كل الناس ... هيا بس
هههههههههههههههه
...
ولما ح تشترية مش ح تحوشو تحت البلاطة
ح تحطهم في البنك ويبقي الدولارات ماخرجتش من النظام المالي المصري
...
الافضل من الاتنين لو تكمل عليهم وتشتري شقة صغننة او محل محندق وتأجره .... وسعر العقار برضو ح يزيد ويجيب ايراد في نفس الوقت