لائحة قوانين ... للشغل

[A7MED_PHARMA]

السلام عليكم


يارجالة
أنا عاوز أعمل لايحة قوانين لضمان الانضباط ف الصيدلية عندي
وخصوصا مع الحرامية الي مش عارف امشيها دي
البنت دي قدامها كده شهرين ويتكتب كتباها,,,ويمكن تفركش وتلزقلي كتير
وطول منا مش موجود..بتروح ولما أجي ..تيجي تقولي معلش كنت ف الحمام
طيب
أنا دلوقتي عملت قوانين
وعاوز تحسينات عليها .. أو إضافات
1. حساب الشهر بالساعات اليومية .. وغياب الساعة يخصم من الراتب
2.يسمع بربع ساعة يوميا للتأخير أو الراحة
3.تنزيل حسابات الشكك .. تتم بوجود كل الموجودين بالفترة
4.تتم مراجعة الفواتير(السعر - الكمية - تاريخ الصلاحية) ووضعها ف ملفاتها
5.الخطأ ف الحساب بيوم خصم
6.كل واحدة تخرج شكك .. مسؤلة عن تحصيله أو يتم خصمه من راتبها
7.كل من أتلفت صنف .. تتحمل سعره


حد عنده إقتراحات تانية

[حاتم سليم]

أقترح نقل الصيدليه لليابان

أسهل ...

[A7MED_PHARMA]

بالمناسبة
امبارح رجعت من المقابلة على وش الفجر
صحيت الحج..وقعدت نتكلم معاها عن بيع الصيدلية وفتح صيدلية تانية في مكان تاني بالإضافة لمشروع تعبئة الكحول المحدود بتاعي
يمكن نشوف حد ونخرج بره البلد الزبالة دي

لكن من هنا لحد مانشوف حل .. لازم ننظم العملية شوية وخصوصا مع وجود الحرامية دي

[Land_Cruiser]

ممكن تركب كاميرا بتسجل وده هيخوفها تعمل اى حاجه غلط و هتحس ان الدنيا مش سايبه

[A7MED_PHARMA]

حلو جدا موضوع الكاميرا..حتى لو فشنك بس هتخوفهم

[A.Saad]

هو انت عندك بار كود ولا لا

[ezzatfox]

مش صعب انك تلاقى لوائح جزاءات فيها كل ما يخطر ببالك من جزاءات و مخالفات للعاملين ، بس مش هو دة اللى بيعمل الردع اللى انت عايزة - على اد طريقتك انت شخصيا فى التعامل مع الموظفين و خوفهم منك و طريقتك فى محاسبتهم لازم يكون فى حزم و اسلوب قاسى شوية عند اكتشافك لاى مخالفة .. يعنى العقاب المعنوى بجانب العقاب المادى ... دة بيفرق كتييير .

[mohamed_selim]

هتحسب ازاى ساعات الشغل ... ؟

[Khaled Online]

كاميرا مراقبة، ولازم يكون فيها لمبة حمرا صغيرة تقيد وتطفي كدة
المهم تكون وصلتها للكهرباء منفصلة عشان محدش فيهم يستهبل ويفصل النور وتعمل اللي عايزاه

[osama.m]

اشتغل ببار كود هيسهل عليك كتيير

[walidzakzok]

قيم عليهم الحد بقطع يد السارق وهما هيحترموا نفسهم بس انت كدة ممكن تقطع ايادي كتييييير