مكان الاقي فيه هدوم غير التوحيد و النور

[khaled_bibo]

يا جماعه انا عاوز مكان كويس اشتري منو لبس و كده يعني بناطيل جينز و تي شيرتات و اخيرا كوتشي غير التوحيد و النور عشان اتخانقت معاهم عشان المعامله بنت التييييت بتاعتهم ديه كأن رايح اشحت منهم

المهم عاوز مكان يكون فيه مقاسات كبير بالنسبه للكوتشي و بالنسبه للبناطيل يكون في حاجات حلوه و طويله في نفس الوقت للعلم انا طولي (184 سم ) و تكون كلاسيك مش نازله على ضيق و تكون اسعار معقوله مش عالي ممن رينج 100 ل 180 كده

معلش هتعبكوا معايا

[abd_el_7amid]

مش عارف ... فى عندك 6 اكتوبر ...منفذ بيع المصانع
كونكريت.. شرتكس... وحاجات تانية

[khaled_bibo]

بس ده بعيد جدا كده انا عاوز حاجة تكون في المعادي مثلا

[nonetta]

في عندك سوق غزة دة وانت رايح على غمرة كدة امتداد شارع بورسعيد
وفي حارة اليهود ادام الموسكي وسوق بين الصورين فيهم حاجات ممتازة
والاسعار ممتازة
هتلاقي هناك كل حاجة من اول الملابس الداخلية والشرابات لحد الجواكت والاحذية والقمصان بس دور كويس وفاصل او خد معاك حد شاطر في الفصال

[zago]

كارفور

[eng.m7md.ali]

في حتت كتير اوي
عندك كارفور ممكن تجيب منه بناطيل او تشيرتات او بروفرات او قمصان
ممكن هايبر
او المحلات الفردية اللي بتبقى في الشارع عادي

[khaled_bibo]

ممم فكره و الله موضوع كارفور ده و ممكن ابقى اروحه

[nonetta]

كارفور هدومه ما بتعجبنيش درجة تانية

[zago]

كارفور هدومه ما بتعجبنيش درجة تانية

علشان انتي بنت وذوقكم مرفه شويتين تلاته
بالنسبه لينا كولاد مدام الهدوم على مقاسنا تبقى تنفع
:)

واحيانا حتى لو مش على مقاسنا في حاله انها على مقاس المحفظه

[نور القمر]

شارع ومول طلعت حرب سهل بالمترو من حلوان ومليانين محلات رجالي واخذية
انا كمان مش بتعجبني ملابس كارفور وهايبر :)

[khaled_bibo]

علشان انتي بنت وذوقكم مرفه شويتين تلاته
بالنسبه لينا كولاد مدام الهدوم على مقاسنا تبقى تنفع
:)

واحيانا حتى لو مش على مقاسنا في حاله انها على مقاس المحفظه

+1111111111111 انا حاليا بدور علي اي حاجة تيجي على مقاسي و دده عيب الطووووول

[aif]

لو المشكلة في معاملة التوحيد والنور ..... شوف فرع تاني
انا لما باحب اروح التوحيد لازم اروح في وقت يكون رايق عشان آخد راحتي .... لكن هو عنده حاجات كويسة في معظم الملابس .... الا لو عاوز حاجات محددة وذوق معين

[aif]

كارفور هدومه ما بتعجبنيش درجة تانية

صح انا باشعر بكدة ... باحس انها مستعملة من كتر الناس ماهي عمالة تقيس وتدعبس فيها

[shaddadfalcon1]

انا رحت التوحيد والنور مره واحده اللي في مكرم عبيد بس بصراحه معجبنش
هو اسعاره حلوه بس معندوش حاجات كتيير والحاجات اللي موجوده عاديه جدا والحلو ملقتش مقاسات منه علي قدي مع اني مش بيلبس مقاسات كبيره وكل اللي جتبه حاجات للولاد

[elhelwany188]

السلام عليكم ورحمة الله وبركاته

اخى الكريم ممكن تبص على محلات الستوك عندك هتلاقى حاجات حلوه جدا واسعارها معقوله جدا
بالنسبة للشوز ممكن تروح المجزر على الاوتوستراد قبل كوبرى التونسى من ناحية حلوان فيه كل حاجة تخص الشوز او كوتشى او شبشب حتى وكله جلد طبيعى واسعار منافسة جدا