الأهلي vsالمحلة الأن

[A7MED_PHARMA]

شوفتوا ماتش الأهلي والمحلة حااااااالا على دريم 1

قلة أدب
والمصور جاب ناس بتعمل إشارات نابية بكل وضوح

[heshamzaky]

جماهير المحلة تقتحم أرض الملعب-www.GoalFmRadio.com

‫جماهير المحلة تقتحم أرض الملعب-www.GoalFmRadio.com‬‎ - YouTube

[heshamzaky]

أحداث شغب بـ ستاد غزل المحلة
على اليوتيوب بنفس الاسم السابق مش حا ينفع ينزل على المنتدى

[A7MED_PHARMA]

طول عمري بقول ان الكورة دي قلة أدب .. وتعصب غبي.. وفلوووووس ع الارض من غير لازمة

[heshamzaky]

هو كدة الماتش أتلغى و لا لسة حا يلعبو لانى قفلت التيلفزيون و خايفين على اللعيبة و الجمهور الى حا يرجع مصر

[korkor]

الماتش اتلغى وربنا يستر على الاهلى والجمهور ويعرفوا يرجعوا القاهره

[heshamzaky]

الماتش اتلغى وربنا يستر على الاهلى والجمهور ويعرفوا يرجعوا القاهره

كانو بيقولو حا يامنوهم بالشرطة و الجيش علشان برجو بالسلامة بدل ما حد يتربص بهم فى السكة و مش ضامنين اية الى ممكن يحصل

[Land_Cruiser]

و الله حاجه تكسف و تنرفز فى نفس الوقت. ده ماتش كوره فى الاخر يا ناس

[heshamzaky]

الماتش بقى موقعة الجلابية و الاحداث الى بعدة مؤسفة
فعلا بقت البلد فوضى بجد
يعنى ناس رايحة تتفرج على ماتش النتيجة خايفين يروحو مصر و هما داخل مصر مش فى بلد غريبة
=================

حمدى يطمئن على لاعبى الأهلى ويطالب الأمن بتأمين الفريق والجمهور
السبت، 31 ديسمبر 2011 - 20:18

أجرى حسن حمدى رئيس النادى الأهلى أكثر من اتصال هاتفى بسيد عبد الحفيظ مدير الكرة بالفريق، للاطمئنان على الفريق عقب أحداث الشغب التى وقعت خلال مباراة غزل المحلة بملعب الأخير، وأسفرت عن اتخاذ ياسر عبدالرءوف حكم اللقاء قرارا بإلغاء اللقاء .

وشهد لقاء الأهلى والمحلة فى الجولة الـ11 للدورى أحداثا مؤسفة، بعدما اقتحم عدد كبير من جمهور الغزل ملعب المباراة معترضين على هدف الأهلى الثانى.

كما أجرى حمدى عدة اتصالات بالجهات الأمنية لتأمين فريق الأهلى وجمهوره خلال رحلة العودة للقاهرة .

فى السياق ذاته، أجرى أكثر من عضو بمجلس إدارة النادى اتصالات هاتفية بعبد الحفيظ وقيادات الألتراس للاطمئنان عليهم.

[heshamzaky]

و الله دى مسخرة و قلة أدب
خايفين لحسن يتم استهدافهم على الطريق يقومو يهربوهم فى القطار لانة أأمن
================

الأمن يحاول نقل جمهور الأهلى للقاهرة بـ"القطار"
السبت، 31 ديسمبر 2011 - 19:55

كشف مصدر داخل نادى غزل المحلة، أن مديرية الأمن تحاول حاليا نقل جماهير الأهلى المحجوزة باستاد المحلة، مباشرة إلى القاهرة بـ"القطار".

أضاف المصدر، أن جماهير الأهلى التى يقدر عددها بأكثر من 5 آلاف مشجع يصعب نقلهم بالأتوبيسات خوفاً من تعرضهم لهجوم من قبل جماهير المحلة، ويتم البحث عن قطار يقل الجماهير دفعة واحدة.

كان ياسر عبد الرءوف حكم مباراة الأهلى وغزل المحلة فى الجولة الـ11 للدورى، وقد قرر إلغاء المباراة بعد شغب جماهير المحلة واقتحام بعضهم أرض الملعب اعتراضاً على هدف الأهلى الثانى.

[heshamzaky]

الصورة مهزلة بجد مش كدة هههههههههههههههه
=====================
خروج لاعبى الأهلى فى سيارة ترحيلات.. وتحطيم أتوبيس خاص بالجماهير
السبت، 31 ديسمبر 2011 - 22:52


عقب الأحداث المؤسفة التى شهدها استاد غزل المحلة الرياضى، وإنهاء المباراة قبل وقتها الرسمى، قامت قوات أمن الغربية بإخراج لاعبى النادى الأهلى من استاد غزل المحلة داخل إحدى سيارات الترحيلات المخصصة لنقل الجنود، حتى لا يعلم الجمهور أماكن تواجد اللاعبين الذين قاموا بالوقوف على مداخل ومخارج المدينة وداخل الاستاد للبطش باللاعبين والجهاز الفنى.

كما قامت مجموعة من الجماهير الغاضبة بإلقاء الحجارة على أتوبيسات جماهير الأهلى وقاموا بتكسيرها بعد إلقاء الحجارة عليها فى الوقت الذى قامت فيه قوات الأمن بإدخال لاعبى الأهلى.

وقامت قوات أمن الغربية اللواء بقيادة اللواء مصطفى باز واللواء سيد جاد الحق مدير إدارة الأمن العام بوسط الدلتا بإخراج اللاعبين عن طريق المنصورة، ومنها إلى القاهرة فى الوقت الذى قامت فيه الجماهير الغاضبة بإلقاء الحجارة والزجاجات الفارغة على أتوبيسات جماهير النادى الأهلى مما تسبب فى تكسير زجاج الأتوبيسات.

[mailo]

يا فرحت الزملكاوية فينا

[Land_Cruiser]

عربيه ترحيلات.. ربنا يستر و المتظاهرين ما يحدفوهاش بالطوب علشان بتاعه الشرطه

[elgabry1977]

يا فرحت الزملكاوية فينا

هو انتوا لازم نحطوا الزمالكاويه فى اى موضوع , على العموم احنا زعلانين على الحاله اللى وصلت ليها البلد

[A7MED_PHARMA]

محمود بيهزر ياجبري