إتحاد ملاك العمارات

[Khalid_Mostafa]

السلام عليكم

يا رجاله كنت عايز اناقش مشكله كده معظمنا اكيد بيواجهها وعايز نتبادل الخبرات و الحلول فيها

اغلبنا من المتزوجين ويقيم في عمارة بها اصناف مختلفة من الناس البعض منهم يلتزم بدفع مصاريف الصيانة و البعض الأخر لا يلتزم سواء كان مقيم او مسافر مما يؤثر علي صيانة العمارة

فما هو الحل

طبعاً موضوع الوديعة ده إن ما اتعملش و العمارة بتتبني فمحدش بيوافق عليه لأنه بيبقي مبلغ كبير وكمان موضوع إتحاد الشاغرين ده يعتبر بدون اليات تنفيذ

فما هو الحل العملي لإجبار بقية السكان علي دفع مصاريف الصيانة

[sayed911]

حرمانهم من التمتع بحاجات خاصة بالعمارة مثل الأسانسير .. البواب وخدماته .. لو الموتور الخاص بالمياه متصل يتم اجباره على تركيب وصلة خاصة وحرمانه من الموتور العام ... فيه عقابات كتير ولكن مشكلتها انها غالبا 90% امامي بتنتهي بمشكلة ..

[Khalid_Mostafa]

حرمانهم من التمتع بحاجات خاصة بالعمارة مثل الأسانسير .. البواب وخدماته .. لو الموتور الخاص بالمياه متصل يتم اجباره على تركيب وصلة خاصة وحرمانه من الموتور العام ... فيه عقابات كتير ولكن مشكلتها انها غالبا 90% امامي بتنتهي بمشكلة ..

جربت بعض هذه الأشياء في سكني السابق وتتوقف النتيجة مثلاً علي نوع السكان...يعني مثلاً تم تركيب مفتاح لأسانسير وتم تسريب نسخ للمفتاح و تم تغيير المفتاح مرة اخري و كانت النتيجة ضرب مفك في الطابلة مما اوقف الأسنسير كله

وموضوع تصدير البواب ده غالباً مبينفعش لأنك بتحطه امام المدفع و بيختلقه معاه المشاكل وينتهي الأمر بأنهم يقولوا لو ممشيش مش حندفع ...وهكذا

[ahmadyusuf]

حضرتك انا انا واجهتنى المشكله دى فى العماره و الحقيقه انا كان اسلوبى هو انى اقدم السبت و بدات اعمل حاجات فى العماره و شغل كويس و فى ناس استجابت و بدات تدفع بس فى ناس برضه مكنتش راضيه تدفع

اللى حصل ان واحد جه سكن جديد فى العماره و قرر انه يسجل نفسه رسمي فى اتحاد الملاك - يعنى فى الحي - و الخطوه دى محدش كان راضي يعملها , المهم بعد ما عمل كده عمل توكيل لمحامي , و المحامي ده بدا يبعت انذارات رسميه من مكتبه للناس اللى مبتدفعش انهم لازم يدفعوا اللى عليهم باثر رجعى - حد اقصي 5 سنوات - و ينتظموا فى الدفع و الا حيضطر اسفا انه يرفع عليهم قضيا و يلزمهم بالدفع و التعويض

و دى كانت الخطوه الاخير و من ساعتها الناس بدات تنتظم فى الدفع و بدات تتكلم فى جدوله الديون و كلام كده , فانا من وجهه نظري لازم الموضوع يمشى قانونى علشان الناس تحس ان الموضوع جد و تدفع

و فى النهايه انا مش متصور ازاى واحد يقبل على نفسه انه يعيش عاله على غير سواء من الناحيه الذاتيه او من الناحيه الدينيه بس نعمل ايه بقى فى الناس , حسبى الله و نعم الوكيل

[Khalid_Mostafa]

حضرتك انا انا واجهتنى المشكله دى فى العماره و الحقيقه انا كان اسلوبى هو انى اقدم السبت و بدات اعمل حاجات فى العماره و شغل كويس و فى ناس استجابت و بدات تدفع بس فى ناس برضه مكنتش راضيه تدفع

اللى حصل ان واحد جه سكن جديد فى العماره و قرر انه يسجل نفسه رسمي فى اتحاد الملاك - يعنى فى الحي - و الخطوه دى محدش كان راضي يعملها , المهم بعد ما عمل كده عمل توكيل لمحامي , و المحامي ده بدا يبعت انذارات رسميه من مكتبه للناس اللى مبتدفعش انهم لازم يدفعوا اللى عليهم باثر رجعى - حد اقصي 5 سنوات - و ينتظموا فى الدفع و الا حيضطر اسفا انه يرفع عليهم قضيا و يلزمهم بالدفع و التعويض

و دى كانت الخطوه الاخير و من ساعتها الناس بدات تنتظم فى الدفع و بدات تتكلم فى جدوله الديون و كلام كده , فانا من وجهه نظري لازم الموضوع يمشى قانونى علشان الناس تحس ان الموضوع جد و تدفع

و فى النهايه انا مش متصور ازاى واحد يقبل على نفسه انه يعيش عاله على غير سواء من الناحيه الذاتيه او من الناحيه الدينيه بس نعمل ايه بقى فى الناس , حسبى الله و نعم الوكيل

طب وتفتكر لو كان السيناريو كمل و رفع عليهم قضية ممكن تعمل فارق ؟؟
ومن ناحية تانيه ياريت تقولي الإجراءات ايه و التكلفة كانت كام

[ahmadyusuf]

طب وتفتكر لو كان السيناريو كمل و رفع عليهم قضية ممكن تعمل فارق ؟؟
ومن ناحية تانيه ياريت تقولي الإجراءات ايه و التكلفة كانت كام

السلام عليكم و رحمه الله و بركاته

الحقيقه انا معنديش فكره عن التفاصيل بس اى محامي ممكن يفيد حضرتك و الاتفاق بختلف من محامي لاخر , ممكن يكون اتعابه نسبه من المتاخرات اللى حتتحصل او مبلغ ثابت او خلافه

على العموم حضرتك لو تحب اجيبلك اسم المحامي اللى مامور الاتحاد عندنا اتعامل معاه مفيش مشكله علما انى مقيم فى مدينه نصر

[م.احمد زكريا]

حضرتك انا انا واجهتنى المشكله دى فى العماره و الحقيقه انا كان اسلوبى هو انى اقدم السبت و بدات اعمل حاجات فى العماره و شغل كويس و فى ناس استجابت و بدات تدفع بس فى ناس برضه مكنتش راضيه تدفع

اللى حصل ان واحد جه سكن جديد فى العماره و قرر انه يسجل نفسه رسمي فى اتحاد الملاك - يعنى فى الحي - و الخطوه دى محدش كان راضي يعملها , المهم بعد ما عمل كده عمل توكيل لمحامي , و المحامي ده بدا يبعت انذارات رسميه من مكتبه للناس اللى مبتدفعش انهم لازم يدفعوا اللى عليهم باثر رجعى - حد اقصي 5 سنوات - و ينتظموا فى الدفع و الا حيضطر اسفا انه يرفع عليهم قضيا و يلزمهم بالدفع و التعويض

و دى كانت الخطوه الاخير و من ساعتها الناس بدات تنتظم فى الدفع و بدات تتكلم فى جدوله الديون و كلام كده , فانا من وجهه نظري لازم الموضوع يمشى قانونى علشان الناس تحس ان الموضوع جد و تدفع

و فى النهايه انا مش متصور ازاى واحد يقبل على نفسه انه يعيش عاله على غير سواء من الناحيه الذاتيه او من الناحيه الدينيه بس نعمل ايه بقى فى الناس , حسبى الله و نعم الوكيل

هو ده الحل الأمثل مع الاسف

لأن الذوق والأدب وحتى قلة الادب مش يتجيب نتيجة

[أحمد كمال]

فكرتني بعمارة ابويا

مستشار بعربية بسواق و رافض يدفع مليم ...... اشكال قذرة بجد يعني ايه ترضى تشرب مية و تستعمل كهرباء السلم و الاسانسير و ببلاش

مرة شفت صورة عالفيسبوك واحد حاطط يافطة في مدخل عمارة كاتب

صدق أو لا تصدق

المية اللي بتشربها و بتاكل بيها و بتغسل بيها هدومك و نور السلم اللي بتطلع فيه بالليل و كهرباء الاسانسير اللي بتستعمله و موتور المياة اللي بيرفع لك المياة و البواب و نضافة السلم كل ده بفلوس !!! تخيل؟ أه و الله العظيم !!

بيسموها في علم الاقتصاد و علم النفس The free riders problem

http://en.wikipedia.org/wiki/Free_Rider_Problem

[Khalid_Mostafa]

فكرتني بعمارة ابويا

مستشار بعربية بسواق و رافض يدفع مليم ...... اشكال قذرة بجد يعني ايه ترضى تشرب مية و تستعمل كهرباء السلم و الاسانسير و ببلاش

مرة شفت صورة عالفيسبوك واحد حاطط يافطة في مدخل عمارة كاتب




بيسموها في علم الاقتصاد و علم النفس the free riders problem

Free rider problem - Wikipedia, the free encyclopedia

هي دي المشكلة الحقيقية...لو ناس فقيرة كان ممكن الواحد يفهم ده ولكن ان الناس مش فقيرة و معاهم فلوس كتير كمان ومش عايزين يبقوا محترمين ابداً

وبصراحة موضوع اليافته ده انا عاملته قبل كده في سكني السابق بس كنت بكتب المتأخر علي كل واحد علي ورقة كبيرة و بفنط كبير (نوع من انواع السياح يعني) ومع ذلك مفيش فايده ..رمم برضه

[kld_555]

هي مشكلة فعلا! أظن وجود نظام واضح و شفاف بيساعد جدا في الموضوع علشان حق كل واحد يكون واضح. أظن وجود جانب قانوني برضة بيساعد في الإلتزام الفعلي.

احنا بدأنا نستعمل برنامج حسبة من كام شهر بيساعد في تنظيم الحسابات www.7esba.com.

[Hany Adel]

أهلا بيك

ما تم الافاده بشأنه بخصوص الاجراءات القانونية صحيح تماما
ويصل الامر الى (( الحجز على الشقه او المنقولات بشقه الشاغل شواء مالك او مستأجر )) كضمان لاموال الصيانه ..

وهي اجراءات يقوم بها المحامي .. بالتدريج .. وهذا لعدم الاضرار بالجميع
وقد واجهنا مثل هذه الامور بالاسكندريه سواء لموكلين او بسكني الخاص

واي سؤال .. اهلا بيك