تحياتي الي جهاز حمايه المستهلك ( اداني حقي )

[mero100]

يونيفرسال ؟؟؟؟؟؟؟؟؟؟؟
غسالة الاطباق بتاعتى مطلعة عينى و مشتغلش الا 3 مرات و بايظة و خدوها عندها يصلحوها و رجعوها تانى و لسه العيب زى ما هو و كل مرة بدى تيبس قد كدا و كل مرة ييجى واحد غير الاولانى و طبعا بتكسف و بدله تبس جديد و فى الاخر العيب زى ما هو :)

واضح انك نوع تالت من المستهلكين انا مذكرتوش في موضوعي :-)

انت من النوع اللي بيتكسف و يتحرج و حقه بيضييييييييييييييييييع

يا تري هاتعمل ايه طيب معاهم؟

هل موضوعي افادك؟؟؟؟

اظن كاتبلك كل الخطوات تفصيليا

و كماااااان اتصلوا بيا اول امبارح بيسألوا و بيتطمنوا ان كل حاجة تمام ... اه و الله .... تحس انهم حد قلبه عليك .... بلدنا زي ما فيها سلبيات .....فيها ايجابيات يا جماعه ... احمدك يااااااااااااا رب .....حاجة زي دي بتتدي الواحد دفعه و امل

فاهمنني طبعا و حاسيين بيا :-)

[mohamed2002]

والله ياباشا ياريت كلنا نبقي زيك ايجابيين وفعلا جهاز حماية المستهلك عامل شغل بس لازم فاتورة ضريبية

[mero100]

والله ياباشا ياريت كلنا نبقي زيك ايجابيين وفعلا جهاز حماية المستهلك عامل شغل بس لازم فاتورة ضريبية

مش بالضروره .....ممكن يبقي معاك الضمان و مختوم بختم المحل و يكفي ....بس ده في حاله انك عاوز ترجع الجهاز و تاخد فلوسك او تستبدله خلاال اول 14 يوم من تاريخ الشراء

بعد ال 14 يوم بيبقي تعاملك مع الشركة المصنعه طبقا للضمان ...و هنا عالاقل لازم يكون ضمانك معاك ...و يفضل مختوم بختم الموزع او المحل اللي اشتريت منه ....و طبعا يفضل يكون معاك فاتوره .....و لو انه مش شرط ....يكفي الضمان .....لان ممكن واحد بتضيع فاتورته و معاه الضمان ....

لذلك : لازم وانت بتشتري الجهاز انك تفتح الضمان و تخلي البائع يكتبلك بياناتك و تاريخ الشراء و يختم ....و طبعا مفيش مستهلك بيعمل كدة.... بس ده هوة الصح .

جهاز حمايه المستهلك لاحظت انه بيحاول يقف معاك من خلال اي مستند معاك .

[azmeralda]

fs hkh ghp/j hk [ihj. plhdm hglsjig; ]i fdijl tugh ,d[df hgpr,r tn hgph[hj hgfsd'm hggn .n ;]i g;k juhg,h frn tn uvfdm legh sluj ;jdv hki fdr,g uk]kh lk hglah;g ]n hght ,hk kh]v p] dho] pri tn lwv dfrn hkj h;d] tn lwv
hdi vhd;, tn hg;ghl ]i




























سمعت فعلا حكايات عن اعادة الحقوق من الجهاز بس فى الحاجات البسيطة

لكن لو مشكلة عربية مثلا يبقى انت اكيد فى مصر وان عندهم الاف الشكاوى ضد شركات السيارات وزيرو ونادر لما حد ياخد حقه فى حاجة زى كده
ايه رأيكو فى الكلام ده

[mero100]

انا سألتهم في موضوع السيارات ده .... قالولي سياسه الاستبدال و الاسترجاع تنطبق علي السيارات زيها زي اي سلعه في خلال 14 يوم من تاريخ الشراء ..... اعتقد المشاكل التانيه بتكون بعد ال 14 يوم و دي بتطبق فيها شروط الضمان .....يعني مثلا ممكن حد مثلا شاري سيااره موديل كذا و داخل الضمان و عنده علبه دركسيون باايظه ....طبعا مش كل المستهلكين بيعرفوا انها بايظه .....لكن ممكن حد فاهم اوي و بيعرف انها بايظه و بيطلب من التوكيل تغييرها ....طبعا في التوكيل بيعاندوا و يقولولوا لأ دي سليمه ....بيروح المستهلك يشتكي و بيتحدد ميعاد و جلسه و بيجيبوا مدير عام الصيانه في الشركة و مسئول من المصنع لو السياره تجميع مصري .... و غالبا غالبا بنتتهي الجلسه بأن التوكيل بيقول ( إن الله حق ) و بيقولوا للمستهلك احنا تحت امرك و حنغيرلك اي حاجة عاوز تغيرها و دة لو كان فعلا له حق ......

بعض التوكيلات بتنكر العيوب او من وجهه نظرها ان مفيش عيوب .....

في الحاله دي بيبقي الفيصل هوه لجنه من كليه الهندسه تتقريبا بتتبقي علي حسااب المستهلك لكي تفصل في الموضوع و غالبا بيدوا المستهلك حقه ..... معرفش بقه هل لو طلع للمستهلك حق بيرجعولوا المصاريف اللي دفعها رسوم للجنه ؟؟؟؟....لانها بتكون في حدود 900 جنيه للسيارات الحديثه ..

دي مسالتش فيها :-))

اللي بحكيهولكم ده مش كلام انشاء ......ععضو معانا هنا عمل كل الخطوات دي و غير 2 مساعدين و 2 مقص ...و 2 طنبوره و 2 بلي عجل .......اتثبت انه عنده عيوب فعلا .... و خد حقه :-)

[mero100]

ادعولي اخد حقي ....

[mohamed2002]

تقريبا انا جبت نفس النوع اللي حضرتك جبته وفعلا خدمة العملاء عندهم سيئة جدا وكمان بياخدو رسوم في تركيب الغسالة

[icehearted girl]

ياه..الله ينور عليك

دنا كدا هخلص مكالماتي كلها مع الجهاز دا..اانا مجربتش اتعامل معاه قبل كدا

[mero100]

ياه..الله ينور عليك

دنا كدا هخلص مكالماتي كلها مع الجهاز دا..اانا مجربتش اتعامل معاه قبل كدا

متقلقيش ....كلميهم مكالمه واحده و حتلاقيهم حيتصلوا بيكي 20 مره لغايه متحل مشكلتك .

و حيكلموكي بعد ما تتحل المشكله يسألوكي عن رأيك في الخدمه اللي بيقدمها الجهاز و يتأاكدوا انه تم حل المشكله نهائي و لا لأ .

[fox3d]

موضوع مهم جداً شكرا على سرد تجربتك الفعالة لافادة اعضاء المنتدى

[mero100]

موضوع مهم جداً شكرا على سرد تجربتك الفعالة لافادة اعضاء المنتدى

اشكرك و فعلا المنتدي الاجتماعي بجد اجمل من منتدي السيارات

لان الاعضاء بيحكوا عن تجارب شخصيه في كافه المجالات