الراجل ثبتني

[A7MED_PHARMA]

السلام عليكم



القصة بتاعت إمبارح

العيال إلي إنضربوا ف الصيدلية .

النهاردة واحد إسمه ( رضا هلال) .. مسكهم ضربهم علقة محترمة علشان إتعدوا عليا إمبارح

(( طبعا نسيت أقولكم أن أبو واحد فيهم إمبارح راح لشيخ الغفر باس راسه علشان يسيب العيال مايسلمهمش..والنجدة ماجتش على فكرة))

رضا هلال ده كان عليه فلوس للصيدلية من سنين .. وكان مطنش عليهم

كلمته كتير وطنش .. كتبتله ورقة بإسمه على باب الصيدلية

الكلام ده من كام شهر

وجاب الفلوس .. بعد ماجاب الفلوس ..إبنه تعب وروحت معاه البيت علقت له محلول

ومن ساعتها(برغم المشاكل الي كانت بينا بسبب الفلوس الي عليه) الراجل شايلها ليه جميلة

وعلشان كده

مسك العيال ضربهم إمبارح علشان إتعدوا عليا ف الصيدلية

وجالي النهاردة

داخل ماسك (عرق) خشب متين .. بيقولي روقتهملك يادكتور

ساعتها أنا كان وشي في الأرض منه

مع إني خدمته قبل كده لماروحت لإبنه البيت ..وهو رد الجميل بس

بس إتكسفت من نفسي إني كنت ف يوم معلق له ورقة على باب الصيدلية .. وهو إتخانق مع العيال دي علشاني

.





وهل جزاء الإحسان إلا الإحسان

.

أنا الحمد لله مش بتأخر عن حد .. وبالتالي ربنا بيمدلي إيده عن طريق ناس تانية

يعني

على أد الواحد مابيقاسي

على أد ماربنا بيوقفله ناس كويسة في طريقة تحوش عنه

يعني إمبارح لولا الغفر لحقوني

أنا كان ممكن يحصلي حاجة .. مع إني كنت فوق واحد فيهم بكيله..بس الإتنين التانيين كانوا بيضربوني على ظهري



خير

[medoghaly]

الف سلامة عليك الخير اللي بتعملة في الناس ربنا لازم يجازيك علية و يوقفلك ناس تقف جنبك.

[mero100]

شوف يا دكتور .... من حكمه ربنا انه جعل الناس كلها بتحتاج لبعضها .....محدش بيقدر يعمل كل حاجة لوحده

[walidzakzok]

مبلاش الورق اللي بيتعلق دة

[A7MED_PHARMA]

الورق ده لوي دراع للناس.. الي بتطنش على فلوسي
قريب اوي ان شاء الله مش هضطر اعلق ورق لما الم كل فلوسي

[kar!m]

و حاسس بايه بعد ما اتثبتت؟ لو حبيت تروح الحمام هتروح ازاى دلوقتى؟

[shaddadfalcon1]

ياعم خضتني ده انا افتكرت الناس اياهم هما اللي ثبتوك

[mailo]

باقولك إيه يا فارما سيبك من الصيدلية دي وتعالى أنا وإنت نفتح كشك سجاير

[AboELsoud]

باقولك إيه يا فارما سيبك من الصيدلية دي وتعالى أنا وإنت نفتح كشك سجاير

فكره حلوه جدااااا على فكره اهو الدكتور يرتاح و المكسب هيبقى جميل برضه
انا كل ما اقول لاخويا مش يلا بقى تفتح صيدليه ميردش عليا و اقوم فاتح المنتدى اشوف موضوع لدكتور احمد اقوم اعرف ليه اخويا مردش عليا و نفضلي :)

[A7MED_PHARMA]

بتقول فيها يامحمود
أنا فعلا بدور على مصدر دخل تاني من أي مكان تاااااااااااااني
لو كشك سجاير.. بس فيه كشك سجاير ممكن يدخلي 3-4 الاف ف الشهر؟
إوعى حد يفتكر ان ده دخل الصيدلية ... دول بيتصرفوا والله قبل مامسكهم

[wa7d]

بتقول فيها يامحمود
أنا فعلا بدور على مصدر دخل تاني من أي مكان تاااااااااااااني
لو كشك سجاير.. بس فيه كشك سجاير ممكن يدخلي 3-4 الاف ف الشهر؟
إوعى حد يفتكر ان ده دخل الصيدلية ... دول بيتصرفوا والله قبل مامسكهم

كل مجال وفيه قرفه يا دكتور
منصحكش تقفل الصيدلية وتشتغل حاجة تانية , دا مجال تخصصك وكمان ليك فيه خبرة وبعدين وارد انك تشتغل شغلانه تانية ويقابلك مشاكل وتندم علي الصيدلية

خليك فى مجالك وتخصصك وخبرتك وحاول تحل المشاكل دي باحترافيه


مشاهدة افلام

[rooooosy]

فعلا خير ....والله يكون فى عونك يادكتور بجد.