...........سجاير ............

[A7MED_PHARMA]

للأمانة مع النفس

أنا شربت من الصبح 3 سجاير
ودي معجزة فعلا
أنا كنت أول ماصحى من النوم لحد دلوقتي .. لازم أكون خلصت بمعدل كل ساعة سيجارة
يعني المفروض دلوقتي أكون شربت حوالي 15 سيجارة ع الاقل
كده إنجاز والحمد لله
من هنا للفجر .. مفيش سجاير
مين معايا ؟؟؟؟؟؟
مين معايا من هنا للفجر مانشربش سجاير ؟؟؟؟؟؟؟؟؟؟ظ
مين
مين
مين

[A7MED_PHARMA]

sheno

شوفت.. بالفلوس دي كنت إشتريتلك عربية فيات 131 فابريكة بره وجوه
وشنوري
كان زمانه بدل ماهو راكب سمارا .. كان زمانه راكب دايو ع الاقل بتمن السجاير

وأبو إياااااااااد
أبو إياد دلوقتي لو كان وفر تمن السجاير إلي شربها
كان زمانه عنده معرض عربيات دلوقتي ههههههههههههههههههههههههههههههه

[AhMeD EzZ]

شكرا ليك يا غالى بس انا مش فاكر لو كنا اتقابلنا قبل كدة ولا قصدك الشخصية من خلال الكتابة فى المنتدى فياريت تفكرنى لانك عارف تأثير الزهايمر

الاتنين و اتقابلنا مرتين او تلاته :)

[A7MED_PHARMA]

انا لو كنت وفرت كل جنيه أتصرف ف السجاير من أول يوم شربتها
كان زمان معايا عربيتي الانسر + عربية تانية ع الاقل لانوس

الحسبة بتوجع والله يارجالة
وخيابة وربنا

[م.احمد زكريا]

موضوع يخلي الواحد يكح

سؤال يا جماعة ولفارما بالخصوص

أكيد سمعت عن السيجارة الالكترونية البتطلع دخان وتولع نور ( ايه فايدتها واضرارها )

كمان سمعت عن دواء بتنتجة شركة ادوية للمساعدة في الاقلاع عن التدخين

هل الكلام ده واقعي ولا نصب اعلانات

[ahmedelzeeny]

الله يكرمك يا فارما على الموضوع الهايل ده

[ahmedelzeeny]

انا لو كنت وفرت كل جنيه أتصرف ف السجاير من أول يوم شربتها
كان زمان معايا عربيتي الانسر + عربية تانية ع الاقل لانوس

الحسبة بتوجع والله يارجالة
وخيابة وربنا

لالالالالالالالالالالالالالالالالالالالالالالا يا دكتور مبتتحسبش كده خااااااااااالص انتا نسيت ثمن اللب والحمص والعسليه و نص تيمو عشان لو خرمان اوى
اى خدمه بجيبلك شغل للصيدليه اهو زودنا حبايه تيمو مع البى فريش يبقى كده الحساب 10 جنيه

[human]

3-5 احجار زغلول كريمه يوميا او 5 مرات فى الاسبوع

الحاج كان بيشرب يوميا علبه سجاير(كليوباترا سوبر - لما كان فى الجيش من 15 سنه او اكتر) صحى يوم الصبح قال مش هيشرب تانى و ماشربش تانى

[mohamed_mohsen]

على فكرة انت بتقول كلام مهم جدا .. دى حاجه اسمها الارتباط الشرطى .. ودى عشان معظم ثقافتنا من الاعلام .. اللى ربط لنا بين حاجات كتير فاسدة و صورها بشكل كويس.

يعنى مثلا الاعلام صور ان أى حد بيشرب بايب برنس أو انسان مهم أو ذو منصب .. و العكس صحيح لو كان الاعلام صور لنا اللى بيشرب بايب انه شمام مثلا .. كان كلنا حصل عندنا نفور من الموضوع ده.

زى برضه ان الشنب دليل على الرجولة و اللى بشنب ده معلم أو جدع أو راجل ملو هدومه .. و لو حلق شنبه يقولوا عليه اتخلى عن رجولته .. مع ان الشنب أصلا مأمور بحلقه فى الدين .. و مالوش أى علاقه بالرجولة .. ما الصرصار له شنب

فياريت بجد نفكر كده قبل ما ناخد فكرة عن حاجه معينة .. الحاجه دى أصلا صح ولا غلط.

معاك حق يا أستاذ كريم
أنا بس مافكرتش فيها كده
أنا اللي عاجبني شكلها مش أكتر :)

[damasry]

+1111
انا مبشربش لا فى البيت ولا فى الشغل ولا فى عربيه مش عربيتى (لو صاحبها مش مدخن)

ويا مفترى لما انت مش بتشرب لا فى البيت ولا فى الشغل يبقى بيتبقالك وقت ازاااى تشرب علبتين فى اليوم؟؟؟

ارحم نفسك يا خالد بدل ما اجى اظبطك

[الغزالى]

ويا مفترى لما انت مش بتشرب لا فى البيت ولا فى الشغل يبقى بيتبقالك وقت ازاااى تشرب علبتين فى اليوم؟؟؟

ارحم نفسك يا خالد بدل ما اجى اظبطك

اديله يا قاسم ... جالك الى هاينفخك يا كرمبو بدل ما انت شبه عود القصب كده

[KHALED AYMAN]

انا بطلت حوار علبتين ده يا قاسم :) بقيت نص علبه في اليوم
غزالي "ارحم نفسك هههه"

[A.Saad]

غزالى
اوعى تكون بتشرب سيجارة كدة ولا حجر كدة ؟؟؟؟؟؟؟؟

[damasry]

لا فالح اووووى

فرحان انك بتشرب نص علبة!!!!!

[yascro]

بما انى مش بدخن ف بشيل حق علبه سجاير كل يوم
ولما يبقى مبلغ محترم بشترى لنفسى هديه مكافئه على انى مش بدخن