مساعدة عاجلة..رقمي شكله اتحجز

[swimmer25]

السلام عليكم
انا برا مصر حاليا ومعايا رقم فودافون ونسيت اجدد الاشتراك السنوي...بحاول ادخل برقمي علي سايت فودافون بيقولي مش موجود
ازاي ارجع رقمي تاني؟

[sanhory]

يؤسفني اقولك مفيش فايدة , اخويا حصل معاه نفس الموقف و المفروض انه كان عميل مميز و كان الرقم معاه من سنة 99 ولا عمللو اي حاجة قاللو ممكن حضرتك تكلم اللي حيشتريه و تبقي تشتريه منه (فودافون)

[swimmer25]

لا متقليش
ده المفروض بينزل بعد 6 شهور السوق صح ولا ايه؟

[sanhory]

اه قالوله حاجة زي كده و قالوله جرب كل كام شهر يمكن تلاقي حد اشتراه , كل ده عشان 5 جنيه عالم عجيبة

[dr.hazem]

اي شركة محمول بتسيب الخط شغال لمدة تلات شهور
لو محصلش اي اكتيفيتي عالخط من حقهم يقطعوه

ده سياسة عند كل شركات المحمول فمصر والسعودية والاردن (دي الدول اللي عشت فيها)

انا حاليا في السعودية
ولتجنب الموضوع اخدت معايا كروت شحن لاتصالات وفودافون وقبل التلات شهور بيومين شحنت وبعتت رساله من الاتصالات والفودافون وحاليا كملت 4 شهور والخطين شغالين...

في المقابل خط زوجتي اتصالات وهيا مشحنتش ولا عملت حاجه فاتقطع....

مش مشكلة فودافون ولا اتصالات


تحياتي

[tutankhamoun]

اي شركة محمول بتسيب الخط شغال لمدة تلات شهور
لو محصلش اي اكتيفيتي عالخط من حقهم يقطعوه
ده سياسة عند كل شركات المحمول فمصر والسعودية والاردن (دي الدول اللي عشت فيها)
انا حاليا في السعودية
ولتجنب الموضوع اخدت معايا كروت شحن لاتصالات وفودافون وقبل التلات شهور بيومين شحنت وبعتت رساله من الاتصالات والفودافون وحاليا كملت 4 شهور والخطين شغالين...
في المقابل خط زوجتي اتصالات وهيا مشحنتش ولا عملت حاجه فاتقطع....
مش مشكلة فودافون ولا اتصالات
تحياتي

+100000000000

فيه كمان أن أنت ممكن تشتري صلاحية و على ما أعتقد أنها 5 ج في الشهر مش متأكد و الخط عمره ما يتقطع أو تشحن و أنت برة مصر و أهم حاجة أنك تعمل مكالمات قيمتها ما تقلش عن 60 قرش قبل نهاية كل 3 شهور .
أنا فقدت خطين قبل كدا بسبب الموضوع ده .... عدم الشحن لمدة 3 شهور و عدم الأستخدام .

[Land_Cruiser]

للأسف كلام سليم و لازم على الاقل تبعت منه رساله او تكلم منه مره على الاقل كل ٣ شهور و الا الخط بيتسحب منك و يروح لحد تانى و حصلت معايا قبل كده

[tutankhamoun]

للأسف كلام سليم و لازم على الاقل تبعت منه رساله او تكلم منه مره على الاقل كل ٣ شهور و الا الخط بيتسحب منك و يروح لحد تانى و حصلت معايا قبل كده

لازم يستهلك منه 3 دقائق مكالمات خلال 3 شهور مش مكالمة بس - يعني لازم يستهلك ما قيمته 60 قرش أو حاجة قريبة من الرقم ده .

[نور القمر]

مفيش غير انك تتفاوض مع المشتري الجديد للخط

[damasry]

اتصل بالشركة وقولهم ان الخط معايا من زمان وانا عايز اشتريه وفودافون فيها ميزة انك ممكن تحجز الرقم اللي انت عايزه

جرب ادخل وحاول تحجز رقمك لو لقيته ينفع احجزه وقولهم انا صاحب الخط وحصل كذا وكذا وحاول معاهم انهم يرجعوه ليك.

[swimmer25]

انا موبايلي القديم كان باظ..المهم لاقيت طريقة ارجع بيها كل الرسايل بتاعتي القديمة عشان اقدر افتكر صلاحية الكارت بتاعي لتاريخ كام ولاقيت فعلا رسالة بتقول...(يرجي الشحن قبل منتصف اليوم من يوم 24-12-2011 ده غير ان بيكون فيه فترة سماح شهر من نفس التاريخ وبيكون استقبال بس
عشان محدش يستغرب انا خطي كنترول سنوي القديم ده بتاع زمان
معني كده ان صلاحية بطاقتي المفروض لحد يوم 24-1-2012
اتصلت بخدمة العملاء لاقيت ان الخط اتفصل في نوفمبر 2011...يعني ولا التاريخ الاول ولا التاريخ التاني ولا حتي يوم 24 يعني كلام فاضي تماما

الخلاصة...انا كنترول سنوي وصلاحية بطاقتي سنة ومفيش اي حاجة يتقول اني لازم استخدم الخط كل 3 شهور بقيمة معينة لاني اصلا مشتري صلاحية (لاني بدفع اشتراك سنوي وبجدده كل سنة)

كده ملهمش حق ان خطي يتوقف...حد عنده رأي تاني ؟
عامة انا عملت شكوي امبارح وقالولي هيردوا عليا خلال 4 ايام...ادعولي

[swimmer25]

الحمد لله الشكوي جابت نتيجة ورقمي رجع..هم بس فهموني انهم رجعوه خدمة يعني بس مش مهم المهم انه رجع الحمد لله
شحنت 10 جنيه و اشتريت صلاحية 6 شهور ب 3 جنية وكده مش لازم اعمل مكالمات خالص...انسي الخط

شكرا لمشاركاتكم جميعا

[damasry]

الحمدلله انه رجع وكويس انهم تعاملو كويس وخدمة خدمة المهم فعلا انه رجع

لكن انا لو مكانك كنت عرفته انه حقك مش خدمة