محتاج اي باد

[aminibrahim]

محتاج اي باد للتصفح والايميل والاوت لوك ايميل برضه عليطول ليل ونهار طحن فيهم

فهل الاي باد يسد في الحجات دي وعليزه ثري جي لأن ان سمعت ان في ناس بتقول ان في بعض الاشياء

ما فيهاش ثري جي

الحاجه التانيه سؤال غبي هو الاي باد هو التابلت ؟ والا انا حمار


بصوا يا جماعه من الاخر انا عايزه ايميل اوت لوك طحن + تصفح برضه طحن

عايز نوع والسعر كام ؟ ولو حد قال استني شويه هايكون لحد امتي ؟

[malibu]

فهل الاي باد يسد في الحجات دي وعليزه ثري جي لأن ان سمعت ان في ناس بتقول ان في بعض الاشياء

ما فيهاش ثري جي

الحاجه التانيه سؤال غبي هو الاي باد هو التابلت ؟ والا انا حمار

لأ مش حمار ولا حاجه ,انت صح
الاي باد نوع من انواع التابلت
التابلت >> اى باد ,فيوسونيك , سامسونج , ,,,,الخ
زى الموبايل >>نوكيا ,سامسونج,اي فون ,,,,,الخ

اى باد فى منه عادى و فيه 3G ,WiFi
والنقطه بتاعت اوت لوك معرفهاش ,انا اندرويد

[Mustafa_Farouk]

متابع

[amr_khalefa]

لو محتاج الايباد للحاجات الي بتقول عليها دي فتوكل على الله وانت مغمض وعن تجربة

كان معايا ايباد 2 بسعة 16 جيجابايت نسخة الـ WiFi ومكنش فيه 3G
وبعته لظروف مادية

بصراحة أجمل حاجة فيه البطارية تديها على قد ما تديها وشغالة معاك واطحن فيه برامج والعاب والذي منه وبرنامج الايميل الاوتلوك الي فيه ممتاز جدا ومرتب وسهل الاستخدام قريب جدا من الاوتلوك بتاع مايكروسوفت والتصفح فيه رائع برضه بصراحة سواء بمتصفح سفاري الي فيه او لو نزلتله برنامج الاوبرا

ومجموعة نصائح برضه علشان البطارية تديلك احلى شغل وتسمتع بيه فعلا

قلل اضاءة الشاشة بنسبة 35% يعني خلي قوة اضاءة الشاشة بنسبة 75% علشان متستهلكش بطارية بزيادة

وقف خدمة الـ GPS وال Location Service دايما لو مش هتستخدمها علشان متفضلش شغالة في الخلفية على الفاضي

لو اشتريت نسخة الايباد الي فيها 3G يبقى اتأكد انك تفصل خدمة الـ 3G بعد ما تخلص شغل على النت علشان متسحبش بطارية بزيادة بدون استخدام

[aminibrahim]

لو محتاج الايباد للحاجات الي بتقول عليها دي فتوكل على الله وانت مغمض وعن تجربة

كان معايا ايباد 2 بسعة 16 جيجابايت نسخة الـ WiFi ومكنش فيه 3G
وبعته لظروف مادية

بصراحة أجمل حاجة فيه البطارية تديها على قد ما تديها وشغالة معاك واطحن فيه برامج والعاب والذي منه وبرنامج الايميل الاوتلوك الي فيه ممتاز جدا ومرتب وسهل الاستخدام قريب جدا من الاوتلوك بتاع مايكروسوفت والتصفح فيه رائع برضه بصراحة سواء بمتصفح سفاري الي فيه او لو نزلتله برنامج الاوبرا

ومجموعة نصائح برضه علشان البطارية تديلك احلى شغل وتسمتع بيه فعلا

قلل اضاءة الشاشة بنسبة 35% يعني خلي قوة اضاءة الشاشة بنسبة 75% علشان متستهلكش بطارية بزيادة

وقف خدمة الـ GPS وال Location Service دايما لو مش هتستخدمها علشان متفضلش شغالة في الخلفية على الفاضي

لو اشتريت نسخة الايباد الي فيها 3G يبقى اتأكد انك تفصل خدمة الـ 3G بعد ما تخلص شغل على النت علشان متسحبش بطارية بزيادة بدون استخدام

شكرا يا باشا

وهل في جراب معين؟ ليه او شنطه

ثانيا السعر عايكون كام بانسبه لل 3g

[mody3on]

في حدود 5000 .. لو عاوز حاجة ارخص وحجم اصغر بنفس الامكانيات في galaxy tab & galaxy tab plus