Tweet
يوم آخر
رواد الصيدلية كأي يوم أخر بذات الوجوه تتكرر
إمرأتان تجلسان بباحة المكان تنتظران دوريهما بصرف الدواء
ريفية بسيطة تدخل المكان .. بسيطة هي أكثر مما ينبغي
فقيرة .. يبدو من ملابسها وملامحها
تحمل طفلة دون الرابعة .. مريضة
أسأل الفقيرة " البنت بقالها أد إيه تعبانة ياحجة "
بقالها 5 أيام يادكتور .. تجيب السيدة
" ومستنيه عليها كل ده ياحجة "
تنظر المرأة للأرض وتجيب " معلش يادكتور .. كل يوم أقوم هــ تطيب "
تدخل إمرأة من الجالسات الحوار وتقول " على باب الله يادكتور .. جايز كانت مستنية فلوس تجيلها"
يتدخل الشخصية الرئيسية للقصة
الإبن الأكبر للسيدة الفقيرة الذي إصطحبها معه إلي بدراجة نارية
خالد .. كما علمت إسمه لاحقا
نيف وعشرون .. رقيع المظهر .. سروال بصعوبة يخفي نصف العورة .. شعر طويل هو خشن يحاول أن يبدو ناعما بكريم فرد للشعر.. لكن بلا أمل
حواجب رفيعة كلقيطة ليل .. سيجارة تتدلى من الفم
يتدخل بالحديث
" على باب الله مين .. هو إحنا شحاتين"
تجيب المرأة الجالسة .. كلنا على باب الله ياخالد يابني
"على باب الله ده بتاعكوا ..أنا على دراعي .. مش على الله بتاعكوا "
يتوقف الزمان والمكان لحظة
يرسم خيالي مشهد فانتازي لصاعقة تخترق الغيوم لتضرب ذلك الملحد الجاهل بما يقول
نظرة إذراء مني .. ومن الحضور للرقيع
ينتهي الموقف بإعطاء السيدة الدواء الذي تحتاجه
يتقدم الرقيع . ويخرج أوراق مالية كثيرة من جيبه
يعرضها بقصد للحضور.. ينتقي منها ورقة بالية بــ خمسين جنيها
ويلقيها على ( الباترينة) امامي والسيجارة تتدلى من فمه بغطرسة لم أعثر لها على سبب
أنظر له قائلا " إيه إلي إنت عملته ده "
يجيب الرقيع بنصف عين مفتوحة " خد حسابك يا استاذ "
أمسك بالورقة المالية .. ألقيها لوجهه القبيح غاضبا
" لولا إن أمك ست محترمة .. أنا كنت علمتك إزاي ترميلي الفلوس كده"
" إنت عبيط يالاه ولا بتستهبل ..فاكر نفسك راجل .. يبقا على أشكالك .. لكن تخش صيدليتي .. تقف زي الألف تتكلم وتتعامل بأدب .. وبعدين إسمها دكتور يابتاع إنت"
ينظر الرقيع لي بعداء ظاهر
أكمل " شايفني قلت حاجة غلط ؟ "
إنت بتكلمني كده ليه ياأستاذ .. إنت فاكر نفسك أحسن مني ؟؟ يقول الرقيع
" وإنت شايف حاجة غير كده؟"
أنا محدش ف البلد بنت الــ ...... أحسن مني .ولا حتى واحد زيك راكب عربية وشغال ف صيدلية
أنا أشتريك إنت و10 زيك
"طيب بره يابن الــ ............ .. إطلع شوفلك حيطة أركن جمبها و ..... زي الكلاب"
يغلق عينيه ويفتحمها بأوسع مايكون .. كأنه لايستوعب ماقيل أو مايقال
ويصمت ويخرج بلا كلمة أخرى
وينتهي الموقف
لعنة الله على كل شئ
Comment