تورم اصابع القدم

[نور القمر]

ابني الطويل قصدي الكبير صوابع رجليه ورمه وزرقا شوية ووجعاه
مكنتش عارفة اكشف له تخصص ايه قلت اقرأ في النت عن الموضوع الاول
لقيت السبب البرد مع قصور في الدورة الدموية للاطراف

رد: تورم الاصابع

موضوع زرقة وتورم الاطراف في الشتاء شائع وسببه ان البرودة بتعمل vasoconstriction فيقل الدم الذاهب للاطراف وكذلك الخارج منها فتقل التغذية فيها وزي ما الزميل ذكر تتراكم ال toxic cellular ....bolites وتضر المنطقة ومنها lactic acid اللي بيعمل الم وتورم والموضوع ده يعرفه كويس القاطنين في المناطق الجليدية مثل روسيا وبيعملوا له الف حساب وبيسموه قرصة الصقيع snow bite وده ممكن لو زاد عن حده يبقى خطير ويسبب غرغرينة وموت الاطراف .
طيب الحل عدم وضع الاطراف تحت الماء البارد فترة طويلة في الشتاء واتقاء البرودة بارتداء جوارب وتجفيف الاطراف جيدا من الماء وممارسة اي نشاط بدني لتحريك الدورة الدموية.
الاخ الزميل ذكر ruta c هو كويس لكن يفضل هنا peripheral vasodilator واعتقد ان trental sr 400 انسب الحلول قرص بعد الاكل مرتين يوميا

.

ايه رأيكم في الدوا ده ولا اكشف عليه احسن واروح لتخصص ايه ؟
وهل لطوله علاقة هو طوله فوق 175 سم

[bisoo]

علي فكرة دي حاجة بسيطة ده عندي من 4 سنين وكل شتاء لازم تجيلي الحمد لله علي كل شئ
وانا عندي في الاطراف (اليد و الارجل) وباخد ronicol retard & trivastal retard الكلام ده من روشتة الدكتور اللي كنت كاشف عنده من 4 سنين ودلوقتي بصرفه لنفسي كل موسم شتاء والحمد لله مخفف عني الالم وهو مرض وقائي بمعني لو اتدفينا خلاص علي كده ................................................وه و مش معدي خالص
ولو حضرتك عايزة تخصص يبقي دكتور جلدية وهيقول لحضرتك ضعف في الشعيرات الدموية ويدفي مش اكتر
واسف للاطالة

[engaass]

انا اخويا كانت رجلية بتعمل كده برضه وكان الجلوس حوالى ساعة فى الشمس بيفيد كتير فى تحسن الوضع

[bisoo]

engaass

[نور القمر]

شكرا لكم

[bisoo]

نصيحة يا ريت يبعد عن الشطة والسجاير او (التدخين السلبي) و يقلل من الملح

[نور القمر]

الشطة والسجاير مبيدخلوش بيتنا نهائي لا سلبي ولا ايجابي :)

[A7MED_PHARMA]

175 سم .. إيه عمود النور ده
الله أكبر عليه .. هههههههههههههههه

زي مانتوا قلتوا .. ضعف الدم الوارد للدورة الدموية الطرفية .. وتراكم لاكتيك أسيد فيها
يعني الحل
زيادة الدم الي رايح للأطراف
يعني تديلك مستمر .. من غير مايحكها علشان ماتزدش أكتر
ويخليها دافية على طوووول
ولو حرك جسمه أو مارس رياضة .. ده هيحفز الدورة الدموية بشكل طبيعي
وممكن ياخد معاه (rutin-c) حبوب ..

بس

[نور القمر]

175 سم .. إيه عمود النور ده
الله أكبر عليه .. هههههههههههههههه

زي مانتوا قلتوا .. ضعف الدم الوارد للدورة الدموية الطرفية .. وتراكم لاكتيك أسيد فيها
يعني الحل
زيادة الدم الي رايح للأطراف
يعني تديلك مستمر .. من غير مايحكها علشان ماتزدش أكتر
ويخليها دافية على طوووول
ولو حرك جسمه أو مارس رياضة .. ده هيحفز الدورة الدموية بشكل طبيعي
وممكن ياخد معاه (rutin-c) حبوب ..

بس

بقول فوق ال 175 مقستوش من زمان زمانه عدى ال180 .. عقدني ده لسه في اعدادي :)
الله اكبر الله اكبر الله اكبر الله اكبر الله اكبر
الحبوب دي كام مرة في اليوم ولمدة اد ايه
وهي لعلاج ايه اصلا
معلش اصل انا لازم اقرأ النشرة من باب الفضول

[A7MED_PHARMA]

الحبوب rutin-c أوووو ruta-c
لضعف الشعيرات الدموية ..


وممكن ياخد معاها حاجة تزود الدورة الدموية ... بس أنا بفضل إنها تزيد بشكل طبيعي بزيادة الحركة

[mr_sameh]

بصراحه مشكله عند ناس كتير

[م.احمد زكريا]

يا سلام لو قربة مياه دافية تتحط تحت رجلية وهو قاعد وتحت في البطاية وهو نايم " ياااااااه إيه الدفة ده "

وممكن يحط رجليه في ميه دافية عليها شوية خردل ينشط الدورة الدموية

وربنا الشافي ان شاء الله

[د_محمد مدبولي]

دي مشكلة في الاوعية الدموية تمام زي ماقيل
ممكن تستخدمي
trental 400 مرتين يوميا
Icthiol 20 % in calamine lotion مس موضعي مرتين يوميا
و تدفئة القدمين و عمل تدريبات مائية لتنشيط الاوعية الدموية بوضع القدمين في ماء ساخن 5 دقائق ثم ماء بارد 5 دقائق و هكذا

[amroelnemr]

سيدى رجاء عدم تناول أى علاج بدون الرجوع إلى طبيب الأوعية الدموية و ليس الجلدية -- قد لا يتناسب العلاج مع السن مع إحتمال وجود مضاعفات -- المهم جميع الأدوية السابقة تستخدم فعلا فى علاج قصور الدورة الدموية الطرفية و لكن الأفضل تشخيص الحالة أولا --- شفاه الله --- د.عمرو

[tarek_2005]

لابد من استشارة الطبيب وطبيب اوعية دموية
ولكن اختلف مع العضو الذي قال يمتنع عن الشطة
الشطة مفيدة جداً لتقوية الاوعية الدموية وتعمل علي اتساعها فيجب عليه زيادة اكل الشطة واسئلي طبيب الاوعية الدموية عن هذا