ارفف تلاجه

[Dr_Mido]

الغوث يارجاله

انا فى لبيت بقالى اسبوع لوحدى تمام وبعمل اكلى وعايش حياتى زى الفل من شويه بحط حاجه فى التلاجه بس طلعت تقيله خدت 3 رفوف فى سكتها اتكسرو بما فيهم الرف اللى فوق العلبه الكبيرة اللى فى اخر التلاجه تحت هل من حد يقلى اجيبه منين التلاجه نوعها Toshiba وتحتها كلمه NON CFC

[aif]

الثلاجة لسة في الضمان ؟؟؟؟؟؟

[Dr_Mido]

الثلاجة لسة في الضمان ؟؟؟؟؟؟

لا ضمانها خلص

[tarek_2005]

شارع نجيب الريحاني هتلاقي كل طلباتك

[aif]

هات ضمان الثلاجة ( كمحاولة برضه ) والارفف المكسورة وروح بيهم عند المركز بتاع توشيبا اللي عندنا في العباسية ...
بجوار مستشفى طيبة .... ده عند مبنى سفارة ماليزيا اللي خلف تاكي ..... محل تعبان كدة وصغير ومش باين
حتى لو الضمان خلص اعتقد انهم ممكن يغيروه مجاني لو كان ما اتغيرش قبل كدة لان الارفف القديمة كانت اصلا ضعيفة ... حاول معاهم .... والعربي ناس محترمة جدا
ولو ما نفعش ابقى ادفعلهم ثمنه
بس خد القديم والضمان معاك ضروري

[mr_sameh]

انا اعرف الضمان الارفف بتاعت الثلاجه التوشيبا عشر سنوات

[أبو إياد]

لو هاتضطر تشتريها حاول تجيبها بايركس

[Dr_Mido]

شارع نجيب الريحاني هتلاقي كل طلباتك

دة فين من جراج العتبه ياباشا

[Dr_Mido]

هات ضمان الثلاجة ( كمحاولة برضه ) والارفف المكسورة وروح بيهم عند المركز بتاع توشيبا اللي عندنا في العباسية ...
بجوار مستشفى طيبة .... ده عند مبنى سفارة ماليزيا اللي خلف تاكي ..... محل تعبان كدة وصغير ومش باين
حتى لو الضمان خلص اعتقد انهم ممكن يغيروه مجاني لو كان ما اتغيرش قبل كدة لان الارفف القديمة كانت اصلا ضعيفة ... حاول معاهم .... والعربي ناس محترمة جدا
ولو ما نفعش ابقى ادفعلهم ثمنه
بس خد القديم والضمان معاك ضروري

دة فين ياباشا انا فى العباسيه معرفش كتير كان مكتبى فى كوبرى القبه فبعدى من كوبرى اكتوبر وانزل عند الكاتدرئيه واكمل لحد كوبرى القبه منين من الحته دى

[Dr_Mido]

انا اعرف الضمان الارفف بتاعت الثلاجه التوشيبا عشر سنوات

انا حتى مش لاقى الضمان

[Dr_Mido]

لو هاتضطر تشتريها حاول تجيبها بايركس

شكله ايه دة

[Dr_Mido]

هات ضمان الثلاجة ( كمحاولة برضه ) والارفف المكسورة وروح بيهم عند المركز بتاع توشيبا اللي عندنا في العباسية ...
بجوار مستشفى طيبة .... ده عند مبنى سفارة ماليزيا اللي خلف تاكي ..... محل تعبان كدة وصغير ومش باين
حتى لو الضمان خلص اعتقد انهم ممكن يغيروه مجاني لو كان ما اتغيرش قبل كدة لان الارفف القديمة كانت اصلا ضعيفة ... حاول معاهم .... والعربي ناس محترمة جدا
ولو ما نفعش ابقى ادفعلهم ثمنه
بس خد القديم والضمان معاك ضروري

سؤال تانى معلش متعرفش حضرتك ممكن يبقو فى حدود كام

[أبو إياد]

شكله ايه دة

زجاج مش فايبر اوبلاستيك وبيكون قوى جدا وبيستحمل اى حاجه

[Dr_Mido]

زجاج مش فايبر اوبلاستيك وبيكون قوى جدا وبيستحمل اى حاجه

حلو دة ودة هلاقيه فى التوكيل ولا فىن

[aif]

دة فين ياباشا انا فى العباسيه معرفش كتير كان مكتبى فى كوبرى القبه فبعدى من كوبرى اكتوبر وانزل عند الكاتدرئيه واكمل لحد كوبرى القبه منين من الحته دى

صلي على حبيبك النبي
بعد نزلة غمرة كمل على طول لغاية ميدان العباسية اللي فيه جامع النور .... اللي كان فيه توفيق عوكاشة ..... ح تلاقي كوبري تطلع الكوبري .... لما تنزل حتبقى كلية الشرطة القديمة على يمينك ..... وامامك 3 اتجاهات .... اقصى اليمين ح يوديك صلاح سالم في اتجاة القلعة .... وطوالي يوديك عند نادي السكة .... وشمال يوديك صلاح سالم في اتجاة المطار .... ولو بصيت فوق ح تلاقي شوية كباري مالكش دعوة بيهم خالص دول بتوع عثمان احمد عثمان
خليك في اقصى اليمين خالص جنب وحدة الجيش اللي هناك .... كدة بقيت في صلاح سالم .... بعد حوالي 500 متر ح تلاقي جامع كبير اوي له مآذن عالية جدا..... ده جامع الرحمن الرحيم الشهير بجامع توشيبا العربي ... اللي بناه الحاج محمود العربي صاحب التلاجة بتاعتك ..... بعد الجامع مباشرة ب20 متر ح تلاقي فتحة يمين .... تدخل يمين وتمشي طوالى حوالي 300 متر لغاية ما تلاقي مطب صناعي عملاق .... وعلى يمينك مركز صيانة تويوتا ايجبت وجنبة شوية عربيات تويوتا مدشدشة ...... ادخل شمال ..... وامشي علطول حوالي 200 ياردة ( هو كل مرة متر متر ) ..... لغاية ما تلاقي صينية صغيرة وتلاقي الناس عمالة تشاورلك انك كدة عكس الاتجاة ..... تركن وح تلاقي مستشفى طيبة قادمك تسأل عن المخزن بتاع قطع الغيار بتاع توشيبا
وممكن تعدي عليا تنورني و تشرب معايا قهوة .... انا على بعد 150 متر منك جهة الجنوب الشرقي
لازم تاخد معاك الرفوف القديمة

سؤال تانى معلش متعرفش حضرتك ممكن يبقو فى حدود كام

ممكن تكلم العربي في التليفون اكيد ح يقولك السعر خارج الضمان كام