إعـــــــلان

Collapse

.

,
See more
See less

باركولى ...... جالى ضيف جديد ....

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    باركولى ...... جالى ضيف جديد ....

    صباح الخير .........
    معظمكم عارف انى عندى ولدين مقطقطين .... مطلعين عينى .... هما اللى بيربونى مش انا اللى بربيهم ... و معلمنى الادب الشرعى .... و مخلينى امشى على العجين ملخبطوش .....
    لالالا .... محدش يفهمنى غلط .... هو ضيف غالى ... فعلا .... و لسه نونو ... و شكله جميل .... فعلا ... و كل اللى فى الشقه بيحبوة بجد و الله .........
    بالامس... لاقيته ينظر الى بتمعن .... و يطيل النظر الى بسكون غريب .... و ارانى انا ايضا انظر اليه ... بعاطفه غريبة .. و حنين مدهش ... و احساس خفى بالابوة ... رغم انى اب منذ تسع سنوات ....
    اطيل النظر الى ... فمه الاحمر .... و عينيه البريئتين .... و طفولته الاخاذة ... و اذنيه الورديه اللون ..... و لونه المائل الى الردماى ... هذا اللون الساحر للعيون .... و الجميع ينظر له زوجتى و اولادي .... بنفس الحب و الحنين ....
    ثم ... اخذ يتوارى شيئا فشيئا تحت الكنبه ..... الى ان ظهر منه ذيله فقط .... ايوة ذيله فقط ...
    انه يا سادة الفار الصندق ( او الفار الطباخ ) على رأى سيف ابنى سابقا ... و ابويا حاليا ............
    فجأة ... اندفع زى المكوك ... الى المطبخ ... تحت البوتاجاز ....
    انظر اليه و اقوله : يخرب بيت ابوك .... فيك صحه تطلع السادس ...
    الكل يصيح فى وجهى : لا يا بابا احنا بنحبة و عاوزين نربية عندنا .... هاتله جبنه رومى .....و خلية معانا علطول ...
    انا : حاضر هاجبلة جنه رومى و ديوك رومى و لو طلب حتى ماجدة الرومى هاجبيهاله .... بس هو يطلع ... من تحت البوتاجاز .......
    افتكرت ... موقف مماثل ... و ذكرى اليمه ... مع تلك المخلوقات ... حصلتلى و انا فى الجيش ...........
    كان عندى دولاب صغير صاج فى الوحدة اللى كنت فيها .. و كنت حاطط فيها المهمات بتاعتى ....و كان الباب بتاعة مبيتقفلش على الاخر كان دايما موارب ... و كانت الفئران عندنا اكتر من العساكر ... و كنت حاطط فى الدولاب معجون حلاقه و معجون اسنان ... و شويه ادويه علشان لو تعبت .... و من ضمن الادوية كنت حاطط برشام خافض للحرارة علشان لو تعبت او سخنت ...
    المهم جيت فى يوم سخنت شويه و طلعت علشان اخد الدواء لاقيت المفاجأة ......
    ان الاستاذ فار دخل الدولاب و اكل الانبوبه الالمنيوم بتاعت معجون الاسنان و قرقض معجون الحلاقه .... و دخل على شريط البرشام الخافض للحرارة و اكله كله ..... يعنى ليه بقى ؟؟؟ هو كان سخن يعنى ... حتى ما سبليش قرص واحد
    يوحد ربنا ............
    المهم ... قمت طاير على علبة الادوية اللى فى البيت و rمت حاططها فى التلاجه ..........
    و الى موقف اخر مع الاستاذ فار ........
    [CENTER][gdwl][B]لا [/B]يستطيع رفع صور للتوقيع[/gdwl][/CENTER]
    الكلمات الدلالية (Tags): باركولى, جالى, جديد, ضيف
  • #2
    اللى جابلك يخليلك ومستنيين باقى قصة الاستاذ فار افندى الباز
    [img2]http://nileup.com/up/uploads/nilemotors_13649876441.jpg[/img2]

    Comment

    • #3
      ههههههههههههه جميل تعليقك على موضوع الفار ده
      محمد مصطفى

      Comment

      • #4
        يتربى في عزك

        اهم شئ لو كبر وفكر يكمل نص دينه تجهزله شقه بره حتى لو ايجار جديد مش تمليك

        لحسن هيقلبلكم الشقة حضانة
        [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]

        Comment

        • #5
          ههههههههههه يتربى فى عزك d:
          [CENTER][URL="http://www.pylon-group.com/e-seb7a/"][B]أذكار وتسابيح للمسلم [/B][/URL][/CENTER]

          Comment

          السابق template التالي
          Working...
          X