انا من الثوره ياباشا

[madaxman]

المكان : تحت بيتنا
الحدث : لجنه اشتباه أول مره اشوفها ف مكان دا من 11 سنه وكان نفسي من زمان فيها
التفاصيل : واحد معدي بموتوسيكل من غير نمر ومعاه اخوه صغير
وقف رخصك مفيش رخص وكان ف ف أيده كيس صغير
طيب ازل عشان تتفتش لأ مش هتفتش والظابط هوا ال هيفتشني طيب هات الكيس ال معاك لأ هديك للظابط
الصوت علي وكان هيتحول لخناقه ............... جيه الظابط راح اداله الكيس فتحه لقي كميه علب برشام غريبه

فتش يا أمين ..... من كل جيب بالظبط كان بتتطلع علبه برشام كأنه كان ملغم نفسه

أركب البوكس يالا بصراحه تم التعامل من غير ضرب ولا اي حاجه ولا شتيمه حتي لكن الواد مرضيش يركب وقعد يهرتل بكلام كتير لحد ما قال الجمله العجيبه
........... انا من الثوره ياباشا ........... تييييييييييييييييييييييت
بدأ سيل من الشتايم ع ثوره وشتايم ليه نفسه وتم تكتيفه واترمي في البوكس والظابط بيقوله هيا الثوره قالتلك تبيع برشام

وهنا عرفت ان الثوره دي كانت اكبر تحول تاريخي ف حياه البلطجيه

ربنا يسترها معانا وتكمل ثورتنا ع خير

[م.احمد زكريا]

أهو ده بالذات كان لازم يتضرب

[gomangy]

ربنا يسترها علينا من الاشكال الضاله دي

[تامر.محمد]

ده بيتاجر بالثورة
زي اللي بيتاجر بالدين بالظبط , يربي دقنه عشان اللي يوقفه في كمين ولا حاجة يقول له انا راجل بتاع ربنا و ما اعملش كده

[fepsceasar]

ده بيتاجر بالثورة
زي اللي بيتاجر بالدين بالظبط , يربي دقنه عشان اللي يوقفه في كمين ولا حاجة يقول له انا راجل بتاع ربنا و ما اعملش كده

+11111

[fepsceasar]

ايه علاقة الثورة بالموضوع ده واد مش تمام وبيهرتل وعايز يستفيد من الانفلات الامني، ولا علاقة له بافكار الثورة، عمرك شفت مطلب من مطالب الثورة تجارة البرشام
بيفكرني بعادل امام في شاهد ما شفش حاجة لما الكمسرى قاله ورق راح قايله بوليس

[bmw323]

مهو دول أكتر ناس استفادو من الثورة لحد دلوقتى

[aif]

[quote=تامر.محمد;3874041447]ده بيتاجر بالثورة
زي اللي بيتاجر بالدين بالظبط , يربي دقن
ههههههههههههههههههه
حلوة بتاع ربنا ..... تعبير غريب
هو فيه ناس بتوع ربنا وناس بتوع حد تاني والعياذ بالله
انا كل ما حد يقوللي كدة ارد عليه علطول ...... كلنا بتوع ربنا يا سيدي

[تامر.محمد]

[QUOTE=aif;3874041557]

ده بيتاجر بالثورة
زي اللي بيتاجر بالدين بالظبط , يربي دقن
ههههههههههههههههههه
حلوة بتاع ربنا ..... تعبير غريب
هو فيه ناس بتوع ربنا وناس بتوع حد تاني والعياذ بالله
انا كل ما حد يقوللي كدة ارد عليه علطول ...... كلنا بتوع ربنا يا سيدي

مافيش يا حاج احمد
بس ده منطق المتاجر
هو مش مبارك كان اكتر واحد يقول لك ازهى عصور الديمقراطية
و كان بتوع الحزب الوطني يقولوا على المعارضين الليبراليين علمانيين خارجين عن الدين و على الاخوان متطرفين متشددين ؟
كلها متاجرة بأي حاجة

[aif]

المفروض طالما هو من الثورة ....
ان الظابط يجيب اتنين امناء من بتوع الثورة .... يلبسوة كلبشات الثورة .... وياخدوه في بوكس الثورة .... يودوه تخشيبة الثورة .... ومنعا على نيابة الثورة .... وبعدين محكمة الثورة ..... وبعون الله اما تأبيدة الثورة او مشنقة الثورة ....
مساء الثورة

[walidzakzok]

دة ممكن يكون صادق ومن الثوار وجايب العلب دي عشان يعمل دمااغ جامدة عشان يوم 25 يناير اللي جاي.....هههههههه
والمفروض لو حتى من الثوار لما يشوف بوكس شرطة يقولهم انا من الفلول يا بيه عشان يسبوه..البلد 90 فى المية منها بيبلبع كيميا وبانجو وحشيش وهيريوين والغلبان بيشرب منقوع براطيش مضروب ارحمنا يارب.