اخويا الصغير المعاق مريض جدا - اســألكم الدعاء .

[aif]

والله حصل تناقد كبير جدا لما سالنا ...
الدكتورة قالت ينفع .. و المهندس الي بيركب الجهاز قال انه مينفعش و حيطلع نفس ال output في الاخر .... فل حد يعرف راي اخر او راي دكتور اخر ... يبقى يقولي بس ده الراي الي خدناه حاليا.

المشكلة الثانية بقى ان وسيم استنقذ رصيده من مشروع العلاج الصحي بنقابة الاطباء و طبعا فاتورة المستشفى (3 اسابيع ببكرة) بقت خيالية .. فحتى فكرة انه يفضل في المستشفى لتلقي الاكسجين فقط ... اصبحت ماديا غير موجودة ....

يارب افرجها من عندك ......

انا كنت متخيل ان مثلا الجهاز اللي بيعمل 5 لتر ممكن يتم تشغيله لعدد ساعات معين ثم يتم تركيب الجهاز الآخر المشابه لتكملة باقي اليوم ....
انا يمكن عشان مش عارف شكل الجهاز او طريقة عمله متخيل كدة
...
الزم الاستغفار يا كريم
وان شاء الله ربنا ح يجعل لك من كل هم مخرجا ومن كل ضيق فرجا

[mero100]

العضو صاحب الموضوع انا نفسي اقدملك اي مشاركه حتي لو كانت دعوه بالشفاء لأخوك شفاه الله و عافاه

و معلش انا مقدرتش اقرأ كل مشاركات الاعضاء

لكن قرأت اول مشاركه لك بالموضوع

بص ياريس ....فيه أ . د / طلعت المدني ...استاذ الامراض الباطنيه و الجهاز الهضمي و السكر ...راجل ممتاز ...ممكن تستعين بيه في حاله أخوك .

ان شاء الله ربنا حياخد بيده و يخف ان شاء الله

كلنا بندعييله .

[CryptonX]

انا كنت متخيل ان مثلا الجهاز اللي بيعمل 5 لتر ممكن يتم تشغيله لعدد ساعات معين ثم يتم تركيب الجهاز الآخر المشابه لتكملة باقي اليوم ....
انا يمكن عشان مش عارف شكل الجهاز او طريقة عمله متخيل كدة
...
الزم الاستغفار يا كريم
وان شاء الله ربنا ح يجعل لك من كل هم مخرجا ومن كل ضيق فرجا

الحمد الله و شكرا لاهتمام حضرتك

العضو صاحب الموضوع انا نفسي اقدملك اي مشاركه حتي لو كانت دعوه بالشفاء لأخوك شفاه الله و عافاه

و معلش انا مقدرتش اقرأ كل مشاركات الاعضاء

لكن قرأت اول مشاركه لك بالموضوع

بص ياريس ....فيه أ . د / طلعت المدني ...استاذ الامراض الباطنيه و الجهاز الهضمي و السكر ...راجل ممتاز ...ممكن تستعين بيه في حاله أخوك .

ان شاء الله ربنا حياخد بيده و يخف ان شاء الله

كلنا بندعييله .

الف شكر يا فندم و كتر خيرك و الحمد الله

الحمد الله

الدكتور جرب 4 لتر في المستشفى من يوم الاربعاء, و قيسنا نسبة الاكسجين في الدم يوم الخميس كانت 93% طبعا هي مش طبيبعية ( المفروض تبقى من 96 ل 99 ) بس احسن من مافيش فالدكتور وافق على خروجه, روحنا بالاسعاف للبيت.

حاليا طبعا هو نفسيته تعبانة جدا لانه كان فاكر انه حيروح يلعب بقى و يهيص .. لقى جهاز تاني في البيت و لازم يستخدمه 18 ساعة في اليوم ... ده غير طبعا تقرحات الفراش و الاوديما .. بس الحمد الله دي علاجها معروف ...

الي فاضل بقى اننا نقنعه يلبس القناع 18 ساعة في اليوم لمدة 3 اسابيع .. و نفيس كمية الاكسجين في الدم, علشان الدكتور كان صريح جدا بزيادة في الموضوع ده ... ان اعتماده على الجهاز بشكل دائم (باقي حياته او لأ) لا يعتمد على اي شيء غير ربنا ...

فالحمد الله كنا فين و بقينا فين ... لكن للاسف قلبي و عقلي مش عارفيين يهدئوا برده ... لحد ماشوفه من غير جهاز تنفس و بيجري و بيلعب في الشقة و المدرسة زي ماكان قبل 3 اسابيع من العذاب في المستشفى ..

يارب كمل علاجه على خير ولا تحوجه لاكسجين او اي حاجة .... الحمد الله الحمد الله الحمد الله .

و انا مش عارف اشكر اخواني هنا اذاي على الدعوات و كتر الف خيركم و جزاكم الله كل خير, حبقى تقيل شوية لو طلبت انكم تكملوا دعواتكم انه يقوم بالسلامة ... علشان والله حال وسيم ... بيقلب او يعدل حالة البيت و الاهل و انا و كل حاجة في حياتي ...

يوم مابيضحك ... والله مابيفرق معايا مشاكل الدنيا و الهموم و الفلوس ولا اي حاجة ...

انا كنت فاكر اني بـــارد . بس يعلم ربنا الى يومنا هذا حتى بعد خروجه ... مش عارف ارجع زي ماكنت .. حاسس ان في حاجة ناقصة او غلط ... او ذنب عليا .... استعفر الله العظيم و الحمد الله على كل شيء.

[elmkaneeki]

ربنا يشفيه ويجعل اهتمامكو بيه ورعايته فى ميزان حسانتكو يا رب

[Dr.Rayyan]

اللهم رب الناس اذهب البأس اشفى انت الشافى لا شفاء الا شفائك شفاء لا يغادر سقما

[mohamed_selim]

باشا ... ربنا يعفو عنه ان شاء الله
انا عندى خبره صغيره فى اجهزة تنقيه بس مش فى مجال الصحه فمش قادر افتى ... عملت سيرش على النت و اللى فهمته ان بيحصل تنقيه للهوا و بيتسحب منه نيتروجين و يتم اضافة اكسجين من تانك (ممكن يكون خارجى او داخل الجهاز ..

السؤال هو الجهاز هيغير هوا الغرفه اللى فيها اخوك ولا هيحط ماسك؟ كمان 5لتر و 10 لتر فى الساعه ولا ايه؟ لو عندك موديل الجهاز ابعته و نحاول نبص على المواصفات و نشوف لو ينفع 2 جهاز 5لتر و ربنا يكرم ان شاء الله

[CryptonX]

باشا ... ربنا يعفو عنه ان شاء الله
انا عندى خبره صغيره فى اجهزة تنقيه بس مش فى مجال الصحه فمش قادر افتى ... عملت سيرش على النت و اللى فهمته ان بيحصل تنقيه للهوا و بيتسحب منه نيتروجين و يتم اضافة اكسجين من تانك (ممكن يكون خارجى او داخل الجهاز ..

السؤال هو الجهاز هيغير هوا الغرفه اللى فيها اخوك ولا هيحط ماسك؟ كمان 5لتر و 10 لتر فى الساعه ولا ايه؟ لو عندك موديل الجهاز ابعته و نحاول نبص على المواصفات و نشوف لو ينفع 2 جهاز 5لتر و ربنا يكرم ان شاء الله

ربنا يكرمك و شاكر لاهتمامك.

الحمد الله تم تقليل كمية الاكسجين الى 4 لتر في الدقيقة و بالتالي الجهاز الي جبناه بقى نافع دلوقتي, الجهاز بماسك مش بينقي جو الغرفة .

و هو ده شكله :


المفروض يستخدمه 18 ساعة في اليوم لمدة 3 اسابيع و نشوف بعدها اذا كانت رئته رجعت لوضعها الطبيعي ولا لأ.

[mohamed_selim]

الحمد لله
الصوره مش طالعه بس مش مشكله ... خلى بالكو بس ان تحليل الكسجين فى الدم يتعمل كل فتره قريبه تحسبا لو ان شاء الله الرئه اشتغلت طبيعى مياخدش اكسجين زياده (زيادة الاكسجين مش كويس زيه زى نقصه) و ربنا يجيب اللى فيه الخير