لو شفت سافل وسافلة هرزعهم افا علي غفلة...موقف لسة طازة من شوية

[محمد محمد]

حياكم الله
من شوية انا ووالدي بوصل اختي الدرس ...في وسط الطريق سافل وسافلة ( في عمر الثانوي ) حاطط ايده علي وسطها ( طبعا المشهد متكرر في افلام المخرجين العظماء ) انتبهت للموقف وسكتت وابويا بصوت منخفض في ذهول ايه ده...وصلت اختي...رحت راجع بصيت عليهم تاني وقلت لابويا العيال دي ماشية كدة ازاي..قاللى لف وارجعلهم....رحت جاي جنبهم...ابويا: ايه الماشية دي يالا انت ماشي في مارينا وانت يا بت انتي ملكيش اهل يربوكي..الواد السافل وانت مالك اهلك خليك في حالك والسافلة الهبلة تقول وانت ماكل يا عمو...ابويا انفعل انفعال 10 ثوار في ميدان التحرير راح نازل من العربي وزق وش الواد بصباعه يا قليل الأدب وانت مال اهلك ايه ودار كلام ومشادات دخل بعض الناس من اللى شافوا الموقف وهزأوا الواد وجه واحد صعيدي نزل من عربيته ادام بيته وظبط الواد ظبط التنين وخد النبوت من العربية وحالف ليفتك بالواد واي حد يحوشه يقوله انت ديوث انت معندكش بنات ما كفايانا سلبية ...البت هربت والواد طبعا فاكر انفسه احمد رمزي .
الشاهد من الموضوع..

محدش يقوللي اصل انكار المنكر باليد بتاع ولي الأمر...اصلا مفيش ولي امر... ايه اللى خلاك تقوم بدور ولي الأمر لما نزلت وقفت في اللجان الشعبية وترزع البلطجية والحرامي علقة ؟...هذا وقت انكار المنكر باليد واللسان ( مش بالقلب فقط ) طالما ان المخطيء مجتريء فصاحب الحق لا بد ان يكون اكثر اجتراءً طالما توفرت استطاعته .

ومصر هتفضل بخير طول ما فيها صعايدة بالحمية والنخوة دي.

[rompo10]

مصر كلها كده ياباشا المشكله في التربيه

[bido600]

والله بارك الله فيك وفي والدك وفي كل الناس اللي تدخلت وانا معاك ومش ضد الدراع
بس سؤال
لو الولد مكنش بجحو قل ادبة واتاسف كان هتبقي ردة الفعل اية ؟

[minicooper20]

بس انتى لو مشيت بالمبداء ده هتاتخنق فى اليوم تلاتين مره على الاقل!!!!!!!!!!!!!

[mohamed_rhem]

تمام والله كفاية سلبية

[شريف]

الحمد لله لسه في نخوه

[mustafavet]

ابووووووووووووووووووك رااااااااااااااااااااااااااااجل
ربنا يباركلك فيه

[د.أحمد السعيد]

احييك استاذ محمد و احيى ابوك على غيرته
بس لى سؤال صغير و يا ريت تجاوبنى عليه
لو حضرتك ملتحى و غيرت المنكر بالطريقة دى ....... هل الولد اللى اتظبط تظبيطة التنين دا ممكن فى يوم من الايام يصلى فى المسجد او يحب اهل الدين او يقتنع اصلا بانه كان على خطأ !!!

من الممكن تغيير المنكر باليد و لكن باللين و الرفق ....... محدش يقول لى ازاى لان دا رزق من ربنا انه يلهمك الصواب لكل موقف

و عمر ما كان الضرب و التعدى هيغير الاخلاق ابدا

زى اللى بيسرق و يتحبس فى السجن بيخرج يسرق تانى لانه اتعاقب و محدش فهم هو سرق ليه و محدش فهمه او ادرك لماذا اقبل على هذا الفعل .......

و تحياتى لحضرتك و اعذر لى الاختلاف معك فى وجهة النظر

[aboamr]

احييك استاذ محمد و احيى ابوك على غيرته
بس لى سؤال صغير و يا ريت تجاوبنى عليه
لو حضرتك ملتحى و غيرت المنكر بالطريقة دى ....... هل الولد اللى اتظبط تظبيطة التنين دا ممكن فى يوم من الايام يصلى فى المسجد او يحب اهل الدين او يقتنع اصلا بانه كان على خطأ !!!

من الممكن تغيير المنكر باليد و لكن باللين و الرفق ....... محدش يقول لى ازاى لان دا رزق من ربنا انه يلهمك الصواب لكل موقف

و عمر ما كان الضرب و التعدى هيغير الاخلاق ابدا

زى اللى بيسرق و يتحبس فى السجن بيخرج يسرق تانى لانه اتعاقب و محدش فهم هو سرق ليه و محدش فهمه او ادرك لماذا اقبل على هذا الفعل .......

و تحياتى لحضرتك و اعذر لى الاختلاف معك فى وجهة النظر

حتى لو مش ملتحى ولنا فى رسول الله القدوه الحسنه وقصة الرجل الزانى والسيده التى زنت وكيف كان رد فعل الرسول معهما

[AutoTycoon]

^متفق

[Ralliart]

احييك استاذ محمد و احيى ابوك على غيرته
بس لى سؤال صغير و يا ريت تجاوبنى عليه
لو حضرتك ملتحى و غيرت المنكر بالطريقة دى ....... هل الولد اللى اتظبط تظبيطة التنين دا ممكن فى يوم من الايام يصلى فى المسجد او يحب اهل الدين او يقتنع اصلا بانه كان على خطأ !!!

من الممكن تغيير المنكر باليد و لكن باللين و الرفق ....... محدش يقول لى ازاى لان دا رزق من ربنا انه يلهمك الصواب لكل موقف

و عمر ما كان الضرب و التعدى هيغير الاخلاق ابدا

زى اللى بيسرق و يتحبس فى السجن بيخرج يسرق تانى لانه اتعاقب و محدش فهم هو سرق ليه و محدش فهمه او ادرك لماذا اقبل على هذا الفعل .......

و تحياتى لحضرتك و اعذر لى الاختلاف معك فى وجهة النظر

+11111111
اكتر طريقة تخليه مستمر في اللي هو فيه هي اللي عملها والدك بالظبط !!
لو كان نصحه النصيحة بالراحة وبكلام مقنع حتى لو كان الرد من الواد وحش بس والله هيتأثر وهيفكر في الكلام ده بعدين وهيفكر فيه.

انا واحد قريبي كان بيعمل كل حاجة بمعنى الكلمة من اول الشرب لحد الـ....... وطول عمرنا العيله كلها بتتخانق معاه وهو كان بيعند ويسوء ولما قررو يبطلو خناق معاه ويعاملوه كراجل وينصحوه كان الرد من نوعية انت مال اهلك لكن بعد فترة لقيته بيسمع النصيحة من غير ردود وحشة وشوية لقيته بيسيب كل حاجة بالتدريج ،عايز اقولك انه راح عمل معادله وبيدرس علم الفقه في جامعة الازهر حالياً ومبيسيبش ولا فرض في الجامع

لو كنت فظاً غليظ القلب لانفضو من حولك

[aly_hosny]

طالما قل ادبه يبقى ياخد دماغ ال ^%$@
و لسه من كام اسبوع واحد جرنا من البلكونة قفش اتنين قاعدين ورا عمارته "حتى ضلمه"
قام بالواجب من البلكونة و زفهم و خلى ال ما يشتري يتفرج عليهم :d :d
على الاقل هتخليه يخاف يعمل كدا في اي وقت و قدام الناس
و الناس دي لو عايزة تتغير مش طريقتك معاه ال هتمنعه

[casperinoo]

يبقي نضرب الازهر بارك بالنووي :)

[frontera09]

تعالا شوف كورنيش اسكندرية عامل ازاى منتهى قلة الادب واللى يغيظك ان معضمهم بنات مزوغيين من المدارس

[احمد المصرى]

والله بارك الله فيك وفي والدك