احب محمد صلى الله عليه وسلم واهل بيته و لكن ....

[nonetta]

كلنا
مفيش حد فينا بيختلف على حب محمد
اشرف المرسلين صلى الله عليه وسلم
واهل بيته

رغم اني من مواليد المنطقة القريبة من السيدة زينب و القلعة
الا اني لم ازر مسجد السيدة زينب الا 3 مرات في عمري

مرة والدي اخدني معاه وقال لي تعالي نروح مشوار ولقيته بيقول لي ادخلي زوري واقري الفاتحة

انا بصراحة لا اقتنع بموضوع ال البيت والاضرحة وكل الحاجات دي
وايام الموالد بتاعتهم باتخنق خاصة ان دة طريقي كل يوم وانا رايحة الشغل

تاني مرة ساعة كتب كتابي
ابويا غصب عليا نعمله هناك
وكان ايامي بيكتبوا في دار الافتاء مش المشيخة
وانا اقول دار الافتاء ولازم اشوف كتب كتابي
وهوا ابدا .. بركة بنت بنت النبي
عشان ربنا يبارك لك في حياتك
اصل والدي من عشاق النبي وكل من يمت اليه بصلة

تالت مرة كانت انهاردة
ظروف اضطرتني اني ادخل الصبح بدري
وانا بصراحة كنت داخلة غصب عني

لقيت ناس مفترشة المسجد ونايمة عالارض
مصلى السيدات مغلق
كله خلطبيطة على بعضه
الناس عمالة تتمسح في الضريح وتمسح على وشها وجسمها
واحد نزل بركبه عالارض وعمال يتمسح في الرخام ويقول " يا صاحبة الفضل .. يا صاحبة الفضل "
واحدة حطت شوية ورق ورد عالضريح وخدت منه وحطتلي شوية في كف ايدي
دورت على مكان اقف حتى اصلي فيه ركعتين تحية للمسجد بعيد عن الضريح وبعيد عن الرجال مالقيتش

ممكن اعرف رأيكم في موضوع الاضرحة واهل بيت النبي
ممكن حد يقنعني بأي حاجة عشان انا اتضايقت جدا من اللي شفته ومن الجهل اللي احنا فيه

[ramyhekal]

اللهم صلى وسلم وبارك على سيدنا محمد
التمسح والتبرك والتوسل باولياء الله لا يجوز شرعا
ومن اعتقد ان هذا ينفع ويضر من دون الله فهو كفر بين باجماع العلماء
بالنسبه لموضوع الصلاه فى المسجد الذى به قبر فهى صلاه صحيحه ولكن العلماء اختلفوا فى جوازها من عدمه
الافضل بالنسبه لى انى مش بصلى فى مسجد به قبر إلا مسجد الرسول وطبعا لان مسجد الرسول له خصوصيه مختلفه بكونه اصلا كان بيت الرسول بجوار المسجد والرسول تم دفنه فى بيته ومع التوسعات البيت دخل فى المسجد فلا يصح ابدا اى اجراء هدمى او تعديل او نقل جسده صلى الله عليه وسلم
والله اعلى واعلم

[yoko]

اللهم صلى وسلم وبارك على سيدنا محمد
التمسح والتبرك والتوسل باولياء الله لا يجوز شرعا
ومن اعتقد ان هذا ينفع ويضر من دون الله فهو كفر بين باجماع العلماء
بالنسبه لموضوع الصلاه فى المسجد الذى به قبر فهى صلاه صحيحه ولكن العلماء اختلفوا فى جوازها من عدمه
الافضل بالنسبه لى انى مش بصلى فى مسجد به قبر إلا مسجد الرسول وطبعا لان مسجد الرسول له خصوصيه مختلفه بكونه اصلا كان بيت الرسول بجوار المسجد والرسول تم دفنه فى بيته ومع التوسعات البيت دخل فى المسجد فلا يصح ابدا اى اجراء هدمى او تعديل او نقل جسده صلى الله عليه وسلم
والله اعلى واعلم

نفس رأي وقناعتي وعمري ما دخلت مسجد فيه قبر الا الحسين عشان مكنتش عارف مكان تاني أصلي فيه وتعمدت إني أصلي بعيد عن القبر وميكنش قدامي في إتجاه القبله
ودخلت عن القبر لمجرد اشوفه من باب العلم بالشيء ودعاء زيارة القبور وشكرا

[r0xer]

ربنا يهدي.....

لو عايزة تسمعي الرأي الاخر ممكن تسمعي امام الدعاة رحمه الله

‫حكم التوسل بالنبى وبأل البيت للشيخ الشعراوى‬‎ - YouTube

انا عن نفسي بزور قبر مولانا ابو عبد الله الحسين ابن علي ابن ابي طالب ابن فاطمة الزهراء حفيد النبي و بستأنس جدا هناك. وكمان ستنا نفيسة بنت الحسن الأكرم . رضي الله عنهم جميعاً.


لا ينفع ولا يضر بغير الله ودا مبدأ عند اي مسلم بما فيهم أشد الناس تصوفاً...ولكن الاعلام مبيجبش غير الناس اللي بتبتدع.

عموما مش هنتناقش في حاجة زي كدا لا في المنتدى ولا برة المنتدى لان الأمور دي تحس بالقلب فقط.ومش هتلاقي حد من الصوفية يحاول يقنعك بالعكس أبداً لانه في ملكوت تاني ومش فاضيين للنقاشات اللي من النوع دا...وسايبينها لدقون الفضائيات.

والله أعلم

[yousef1978]

طبعا زيارة الأماكن دي فيها خير كتير لأنك ممكن تستغلي الزيارة في نصيحة الناس دول ويمكن ربنا يجعلك سبب في هداية واحدة ست غلبانة وانقاذها من غياهب الجهل والتخلف

مش معقولة نسيب الناس الغلابة دول عايشين في ظلام وموروثات مخلفات الحكم الشيعي الفاطمي وعمالين يتمسحوا في الرخام والبلاط وكأنهم أتوا بما لم يعرفه الصحابة ولم يأمر به نبي الله وآل بيته من علم


لو سألتي بعض زوار مسجد الحسيني هيقولك إن زيارة الحسيني سبع مرات تعدل حجة - وهم مش واخدين بالهم ان سيدنا الحسين لم يدفن في مصر لا هو ولا أي جزء من جسده الشريف

والمهتمين بالموالد لو لا قدر الله روحتي مولد هتشوفي أغلبهم مش بيصلي وممكن تلاقيهم مشغلين الأغاني الدينية الخاصة بهم في الميكروفونات واللي بيصلي داخل المسجد مش قادر يسمع الإمام من دوشتهم - يعني حتى حرمة الصلاة مش بيهتموا بيها -وأحلى حاجة لما تقولي لواحد صلي ويقولك ( واعبد ربك حتى يأتيك اليقين ) وأنا يقيني بالله عالي قوي !!!!!!

ده غير طبعا زي ما شفتي كده - هرج ومرج واختلاط ومعاصي


للأسف احنا ساعات بنتكسف نواجه الباطل على الرغم من أن الكثير ممن على الباطل تلاقيهم بيجاهروا بدعواتهم للباطل بكل تبجح

تحياتي للجميع

[nonetta]

ماهو عشان كدة لازم يا جماعة اللي فاهم يفهم اللي مش فاهم
انا شخصيا والدي من شديدي الحب والتعلق بمحمد صلى الله عليه وسلم الذي نجتمع جميعا على حبه
لكنه ايضا شديد التعلق بآل البيت السيدة زينب .. سيدنا الحسين .. السيدة نفيسة .. السيدة رقية .. سيدي زين العابدين..

انا لا احب الجدال في حوار لا افهمه فعمري ما دخلت مع والدي مناقشة من النوع دة عشان مش هيعرف يقنعني ولا هاقنعه

والعك اللي شفته هناك دة ضايقني جدا
خاصة ان مصلى السيدات مغلق قافلينه ليه معرفش
والسيدات اللي شفتهم بيتمسحوا شكلهم متعلمات ولابسين كويس

يا جماعة
ممكن
بدون جدال وخلاف ما بينكم الرأي والرأي الاخر
انا سمعت جزء
محتاجة اسمع الباقي
واللي عنده فكر معين يقوله بدون خلافات ارجوكم

[nonetta]

ربنا يهدي.....

لو عايزة تسمعي الرأي الاخر ممكن تسمعي امام الدعاة رحمه الله

‫حكم التوسل بالنبى وبأل البيت للشيخ الشعراوى‬‎ - youtube

انا عن نفسي بزور قبر مولانا ابو عبد الله الحسين ابن علي ابن ابي طالب ابن فاطمة الزهراء حفيد النبي و بستأنس جدا هناك. وكمان ستنا نفيسة بنت الحسن الأكرم . رضي الله عنهم جميعاً.


لا ينفع ولا يضر بغير الله ودا مبدأ عند اي مسلم بما فيهم أشد الناس تصوفاً...ولكن الاعلام مبيجبش غير الناس اللي بتبتدع.

عموما مش هنتناقش في حاجة زي كدا لا في المنتدى ولا برة المنتدى لان الأمور دي تحس بالقلب فقط.ومش هتلاقي حد من الصوفية يحاول يقنعك بالعكس أبداً لانه في ملكوت تاني ومش فاضيين للنقاشات اللي من النوع دا...وسايبينها لدقون الفضائيات.

والله أعلم

افهم من كدة اني حتى ما ينفعش اتوسل بالنبي صلى الله عليه وسلم ؟

[r0xer]

فهمتي منين انه مينفعش تتوسلي بالنبي يعني مش فاهم؟ عموما الفيديو فوق ولو حابة تستزيدي الشعراوي مالي اليوتيوب، انما انا مش هكون طرف في حوار بيزنطي خالص...

وشكراً.

[nonetta]

فهمتي منين انه مينفعش تتوسلي بالنبي يعني مش فاهم؟ عموما الفيديو فوق ولو حابة تستزيدي الشعراوي مالي اليوتيوب، انما انا مش هكون طرف في حوار بيزنطي خالص...

وشكراً.

لما كان بيقول لما انتقل الرسول توسلوا بعنه العباس
مما يدل انه ما ينفعش نتوسل بالاموات
ممكن اكون فهمت غلط
هاسمعه تاني
واضح ان حضرتك متحفظ اوي في كلامك
ودة مش حوار بيزنطي
انا جاهلة بالموضوع دة و باطلب حد يفهمني
والكل واضح انه متحفظ

[grand hand]

فيه ناس بتعتقد فى المقامات والقبور بطريقة خطيرة. فى البحر الاحمر فى مقام لولى اسمه ابوالحسن الشاذلى وشهرته الشاذلى ابوالحسن الناس بتزوره بالالاف كل عام فى العشر الاوائل من ذى الحجة، وبيقولوا دى حجة الفقير، وهناك فى جبل اسمه حميثرة بيطلعوه كانه جبل عرفة وبيقولوا اللى يطلعه يشوف انوار مكة!!! والغريب انهم بياخدوا معاهم خرفان حية وبيدبحوها هناك ويرجعوا تانى يوم وكانهم راجعين من السعودية.. ايه رايكم بقى؟؟

[محمد بلال]

ما ادين الله به ان الذهاب الى الاضرحة لا يجوز باى حال من الاحوال اما عن التوسل بالنبى صلى الله عليه وسلم بعد وفاته فلا يجوز والدليل حديث سيدنا عمر الذى ذكره شيخنا الشعرواى فى بداية حديثه فى الفيديو السابق فلو انه يجوز ان نتوسل بالنبى صلى الله عليه وسلم لتوسل به سيدنا عمر بعد وفاة رسول الله صلى الله عليه وسلم ولكنه توسل بعمه العباس رضى الله عنه الحى الذى لم يمت بعد ....
على فكرة انا من آل بيت النبى من نسل الامام الحسن بن على ولكن الحق احق ان يتبع ....
والله تعالى اعلى واعلم

[Dr Ahmed]

اللى بيحصل عند الأضرحة مش مجرد حرام ، دا شرك أكبر بالله بدون أى تجميل للكلمات
عايز تحب النبى اهتدى بسيرته وصلى عليه كتير
عايز تحب أهل النبى ادعيلهم
إنما عايز تصلى صلى فى مسجد مافيش فيه شرك بالله المساجد كتيرة الحمد لله محبكتش تصلى فى مساجد "البركة"

[mohammedabdallh]

فيه ناس بتعتقد فى المقامات والقبور بطريقة خطيرة. فى البحر الاحمر فى مقام لولى اسمه ابوالحسن الشاذلى وشهرته الشاذلى ابوالحسن الناس بتزوره بالالاف كل عام فى العشر الاوائل من ذى الحجة، وبيقولوا دى حجة الفقير، وهناك فى جبل اسمه حميثرة بيطلعوه كانه جبل عرفة وبيقولوا اللى يطلعه يشوف انوار مكة!!! والغريب انهم بياخدوا معاهم خرفان حية وبيدبحوها هناك ويرجعوا تانى يوم وكانهم راجعين من السعودية.. ايه رايكم بقى؟؟

ده جهل وقله ثقافه ودين

[No Comment]

اللى بيحصل عند الأضرحة مش مجرد حرام ، دا شرك أكبر بالله بدون أى تجميل للكلمات

ده جهـــــــــــــــــل ... ومن الجهل ما يؤدى الى الشرك .
فهم يجهلون ... ولا يشركون .

[Dr Ahmed]

ده جهـــــــــــــــــل ... ومن الجهل ما يؤدى الى الشرك .
فهم يجهلون ... ولا يشركون .

واحد ما يعرفش إن الطريق الفلانى آخره حفرة دخل ووقع فى الخفرة
يبقى وقع وللا موقعش؟
طيب هو غلطان وللا مش غلطان؟
غلطان طبعا ليه؟ لإن الطريق مش مقطوع دا فيه ناس كتير ممكن يسألهم وفيه طرق تانية قدامه ممهدة وزى الفل فهو اختار الطريق السئ ومشى فيه جاهل لحد ما وقع فى الخطأ وهو يملك سبل المعرفة من عقل ومصادر للعلم

أقترح إنك تقرأ حكم التمسح بالقبور والتبرك والنذر ودعاء الموتى والصلاة جهة القبر وخلافه من كوارث زيارة الأضرحة لتعلم هلى هى شرك أم لا قبل أن تعترض