لاحول ولاقوة إلا بالله..أفيدني يادكتورعب

[A7MED_PHARMA]

السلام عليكم

حاسس إني بقيت تقيل عليكم ياشباب
لكن كل موقف بيحصل يستاهل العرض ع الناس
مش بقدر أحوش نفسي إني أعرضه بين إيديكم
ياريت محدش يضايق مني لكتر مواضيعي
..
الله المستعان
..

راجل سنه فوق الــ 40 سنة .. داخل معاه إبنه (حوالي 12-14 سنة)
الراجل دخل طلب تامول
" مفيش والله ياأستاذ"
( دكتور .. الصيدليات كلها بتبيعه عادي .. ليه مش بتعمل زيهم)
كلام طوويل مني نقاش بيني وبين الراجل لاداعي لذكره
المهم
الراجل خب يثبتلي إن الصيدليات التانية بتبيعه عادي
راح مطلع خمسة جنيه
( وليد .. بسرعة إوصل الصيدلية التانية .. إديهم الــ 5 ج .. وقولهم هاتوا قرصين تامول وماتزودش كلمة واحدة)
وليد إبننه طبعا
3 دقايق والواد راح ورجع .. ومعاه القرصين

لاحول ولا قوة إلا بالله

[A7MED_PHARMA]

وزي ماقلت
أنا بدأت من إمبارح أشغل كاميرا الاب توب .. كنوع من كاميرات المراقبة ولتوثيق أي مشلكة ممكن تحصل بالليل
الموقف ده متصور فيديو

لكن طبعا مش هعرضه علشان ملوش لازمة فعلية من عرضه

[midoabdeen]

طيب فين المشكلة بقى مادام هو عارف سكة لية جالك لية اصلا
بس دا على اساس انة مش بيشتغلك لان دا احتمال كبير اوى

[A7MED_PHARMA]

يشتلغني ليه
انا فعلا سمعت كام مرة.. إن كل الصيدليات الي حواليا بتطلعه عادي لأي حد ولأي سن
بس المرة دي إتأكدت بنفسي

[wassim_nasser]

برضه انا مش فاهم انت مستغرب من ايه ؟ ياعم أحمد ماحنا عارفين من زمان ان التامول مغرق البلد صينى ومصرى وبيتباع عينى عينك وكل الناس بتاخده من الوزير للغفير .. وانا كنت حكيت ف مرة ان رئيس حزب وراجل مرشح نفسه ف الشورى بعد ما حكى معايا نص ساعة و همتك معانا و صوتك معانا وبعدها .. الاقيش معاك حبيتين تامول؟

[zkralla]

هو فعلا بيتباع عادى وبيتباع بالقرص
اساسا سعر الشريط كام
واضح ان الموضوع طريق سهل للثراء السريع ربنا بحلاله عن حرامه

[mr_vampire]

معلش ياشباب اخوكو بتاع زيت وشحم وعكة كدة فايه هو التامول ؟؟؟؟؟ مادة مخدرة يعني بتعمل دماغ ولا بيسبب ايه ؟؟؟؟؟؟

وحالات صرفه القانونية ايه او في حالات ايه ؟؟؟؟؟؟

[magyver]

طيب هوة اية غرضة ماهو ممكن يجيب من اللي جاب منة علي طول جاااااااالك ليية

[A7MED_PHARMA]

انا مش مستغرب
لكن ع الاقل العيال الصغيرة لأ
يعني لما دكتور(محترم أو غير)يدخل عليه عيل عند 12 سنة يقوله هات قرصين زفت
يجيله قلب إزاي يديله؟؟؟

طيب الرجالة الكبيرة .. ممكن تكون بتاخده للجنس أو لأي سبب
لكن عيل صغير
دي بتبقا رزلة ووحشة أوي في حق الصيدلي

[A7MED_PHARMA]

معلش ياشباب اخوكو بتاع زيت وشحم وعكة كدة فايه هو التامول ؟؟؟؟؟ مادة مخدرة يعني بتعمل دماغ ولا بيسبب ايه ؟؟؟؟؟؟

وحالات صرفه القانونية ايه او في حالات ايه ؟؟؟؟؟؟

صعيدي باشا
منور

فاكر يوم طنطا . مع أحمد وهيثم

بس ياسيدي..


التراما مخدر ومسكن للألم من مشتقات المورفين
له تأثير قصة كده ف الجسم بتدي شعور بالسعادة المؤقتة
يسبب التعود
يسبب الإدمان
غير مصرح ببيعه بغير روشتة مختومة من طبيب..يصرف مرة واحدة بدون إعادة

=======================
لو سمحت ياوسام
مش عاوز حد سوابق في موضوعي
نياهاااااااااااااااااااااااااااااااااااااااااااااا
نياهاااااااااااااااااااااااااااااااااااااااااااااا

[mr_vampire]

كان يوم جامد كان نفسي يتكرر والله بس جت ظروف سفر كدة بس تتعوض ان شاء الله.

ااااااااااااااااه الترامادول. هههههههههههههههههه ماتقولو يارجالة ترامادول ولا تامول ده الاسم الشيعبي لزباينه.

[Dr Ahmed]

يا د أحمد عمرك ما هتندم إن صفحة تاريخك بينك وبين نفسك تفضل بيضاء
مكسب خمسة وللا مية وللا ألف وللا أكتر ما يساويش أى إحساس بالخجل والحسرة فى الدنيا أو فى الآخرة
استمسك بالصح واصبر عليه
الحياة اختبار مش هزار

[mahmoudalaa]

بعيدا عن الموضوع اللي مالوش تعليق حلينا في حتة تقلت عليكو ده انا بستنا مواضيعك بقيت مدمن ههههههههههه
انت بتحط فيها نسبة تامول ولا اية لما مبلاقيش مواضيع بدور في القديم يمكن اكون سقطت حاجه ولا نزلت وانا مش موجود

[A7MED_PHARMA]

يا د أحمد عمرك ما هتندم إن صفحة تاريخك بينك وبين نفسك تفضل بيضاء
مكسب خمسة وللا مية وللا ألف وللا أكتر ما يساويش أى إحساس بالخجل والحسرة فى الدنيا أو فى الآخرة
استمسك بالصح واصبر عليه
الحياة اختبار مش هزار

كنت مستني حضرتك والله يادكتور.أحمد
الفكرة إيه؟
لما راجل كبير ييجي يسألني وأقوله مفيش .. عادي ولاكأن فيه حاجة
لكن لما يدخل عليا عياااااااااااااال صغيرة وتطلب البتاع ده .. ربنا يعلم بيتحرق دمي أد إيه
فلما ألاقي صيدلي جمبي..أو كل الصيادلة جمبي علشان أرياف وبعيد عن التفتيش .. يبيعوا الحاجات دي للعيال الصغيرة
الوضع بيبقا صعب ومقرف

بأي شكل وبأي دم .. صيدلي دكتور يقوم من على الكرسي .. ويقطع قرصين مخدرات لطفل .. وياخد منه فلوس

ايه الفرق بينه وبقا وبين طوارق الليل والهوام من التجار و.....و........

لاحول ولاقوة إلا بالله
دكتور أحمد .. أنا فكرت كتير في إعتزال المهنة نفسها من أساسها
فكرت في كام مشروع تاني .... وكمان فكرت في صيدلية في مكان تاني

المهنة بقت مقرفة .. ومهينة ..

حضرتك ماتتخيلش الأشكال بتاعت كل يوم .. أخر مرة لما رقصولي على كبوت العربية

[SheNo0o]

علي فكرة انا عايز اقولك علي حاجه بسيطه
انت ليه مبصيتلهاش من وجهه نظر تانيه
انه جيلك بيحاول يجيب رجلك ؟
انا حاسس بصراحه ان تصرفه ده غير طبيعي وهو ليه يدخل عليه بالبجاحه دي ومعاه طفل ويطلب منك عادي جدا اولا معتقدش انه يطلب حاجه زي دي قدام ابنه
اكيد ده حد عايز يجيب رجلك او يجيبلك وانت تبيع والله العالم ايه السر ورا تصرفه ده غريب بصراحه
هتابع معاك الموضوع لاني متوقع انه يجيلك تاني او مواقف التامول دي مش هتخلص وانا متابع سبحان الله مواضيعك دي فالفترة الاخيرة وملاحظ انها كترت اوي
انت اديتني احساس جامد ان ناس كتيييييييير جدا ف البلد عارفينه وبياخدوة عادي هو في ايه

انا احتكيت بناس واخداه وعايشه احساسه المؤقت بصراحه البرشام اوسخ دماغ او حاله مؤقته انا شفت فيها بني ادم في حياتي علشان الناس الي متخيله ان الموضوع كوميديي او هزار بنضحك من همنا :(