محتاج المساعدة فى شراء شقة

[MoStAfA MaHmOuD]

[OVERLINE]بقالى فترة بدور على شقة فى الشروق يكون سعرها كويس وطبعا الأسعار بقت ناااااااااااااااااااااااااااااااااااار
المهم لقيت اعلان عن شركة اسمها (جولدن سيتى) لشقق فى الشروق المنطقة الرابعة والشقة 119 متر وسعرها 129 الف نصف تشطيب والتسليم بعد سنتين.
كنت عايز أعرف حد يعرف أى حاجة عن الشركة دى لأنى خايف يكون الموضوع نصب وعايز اعرف اتأكد ازاى انه بجد قبل ما ادفع الفلوس.
ودة لينك الاعلان جولدن سيتى للتنمية العقارية والمقاولات: شقق بمدينة الشروق
[/OVERLINE]

[Ahmed_Ramadan]

أنا هقولك على حاجة أنا عملتها و انا بدور ....هات الوسيط و شوف إعلانات الشقق اللى فى الشروق و ظبط مع 2-3 إعلانات و روح اتفرج على الطبيعة هتفتحلك سكك و أماكن كتير
ولازم تروح بنفسك و تتفرج و تشوف المكان و الناس اللى هتبيع و ربنا يوفقك

و خد ديه يمكن تساعدك
Log In | Facebook

[Ahmed_Rahem]

حالياً اى شقة لازم تكون تسليم مفتاح، محدش ضامن الى بيقول التسليم بعد فترة السيولة ولا حال البلد هيكون اية.
استلم دلوقتى احسن او بحد اقصى 6 شهور وبتكون بتشطب انتا كمان فى الوقت دة.
الحذر واجب.
نقطة تانية خد متوسط اسعار الشقق فى المنطقة ولو واحدة شاذة زيادة عن اللزوم تبقى فيها إن وابعد عنها احسن لانك متعرفش مغشوش فيها اية (البناء، متباعة قبل كدة ..الخ)

[shaddadfalcon1]

هي الشقق رخيصه كده في الشروق ؟
انا شاري شقه في سيدي بشر قبلي 80 متر ب 135 الف وفي التامن ومفيش اسانسير كمان

[Ahmed_Ramadan]

هي الشقق رخيصه كده في الشروق ؟
انا شاري شقه في سيدي بشر قبلي 80 متر ب 135 الف وفي التامن ومفيش اسانسير كمان

الأسعار اللى العضو بيقولها ديه .... فيها حاجة غلط الأسعار أعلى من كده

[أحمد كمال]

الشروق مدينة متكاملة يعني فيها الاحياء البسيطة و اسكان الشباب و الاحياء المتوسطة و الاحياء الراقية جدا و الكومباوندز كمان يعني فيها ابو قرش و ابو 10 قروش و ابو جنيه ........ عشان كده ما تقيسش السعر بدون ما تعرف المنطقة

[MoStAfA MaHmOuD]

أنا هقولك على حاجة أنا عملتها و انا بدور ....هات الوسيط و شوف إعلانات الشقق اللى فى الشروق و ظبط مع 2-3 إعلانات و روح اتفرج على الطبيعة هتفتحلك سكك و أماكن كتير
ولازم تروح بنفسك و تتفرج و تشوف المكان و الناس اللى هتبيع و ربنا يوفقك

و خد ديه يمكن تساعدك
log in | facebook

للأسف مش لاقى حاجة أهالى خالص كله بيبقى اسكان شباب أو شركة وطبعا الأسعار معدية اوووووووووووووووووووووووووووووووووى

[MoStAfA MaHmOuD]

حالياً اى شقة لازم تكون تسليم مفتاح، محدش ضامن الى بيقول التسليم بعد فترة السيولة ولا حال البلد هيكون اية.
استلم دلوقتى احسن او بحد اقصى 6 شهور وبتكون بتشطب انتا كمان فى الوقت دة.
الحذر واجب.
نقطة تانية خد متوسط اسعار الشقق فى المنطقة ولو واحدة شاذة زيادة عن اللزوم تبقى فيها إن وابعد عنها احسن لانك متعرفش مغشوش فيها اية (البناء، متباعة قبل كدة ..الخ)

معاك حق طبعا وانا نفسى ألاقى حد يسلمنى على طول بس المشكلة اللى لقيته تسليم مفتاح كان مثلا شقة 125 م كانت بحوالى 210 الف

[MoStAfA MaHmOuD]

هي الشقق رخيصه كده في الشروق ؟
انا شاري شقه في سيدي بشر قبلي 80 متر ب 135 الف وفي التامن ومفيش اسانسير كمان

للأسف الشق مش رخيصة خالص فى الشروق بس الشركة دى الوحيدة اللى منزله السعر كدة علشان كدة شكيت وقولت اسأل يمكن حد يعرف عنها حاجة

[MoStAfA MaHmOuD]

الأسعار اللى العضو بيقولها ديه .... فيها حاجة غلط الأسعار أعلى من كده

والله انا نفسى شاكك فى السعر واتصلت اتأكد وعرفت ان السعر بجد وقالتلى احنا سلمنا مرحلة اولى ومرحلة تانية ودى المرحلة التالتة

[MoStAfA MaHmOuD]

الشروق مدينة متكاملة يعني فيها الاحياء البسيطة و اسكان الشباب و الاحياء المتوسطة و الاحياء الراقية جدا و الكومباوندز كمان يعني فيها ابو قرش و ابو 10 قروش و ابو جنيه ........ عشان كده ما تقيسش السعر بدون ما تعرف المنطقة

بس هعرف ازاى المنطقة وهى لسه كلها صحرا مش باين فيها اى حاجة لسه
عموما انا عرفت انها فى المنطقة الرابعة خلف اسكان الشباب والدخول من البوابة 3 من طريق السويس

[alaasaid]

السلام عليكم ,

على ما أذكر المنطقة دى مش عمرانة و ممكن عشان كدة الاسعار تكون أقل , انما فى جميع الاحوال لازم حضرتك تشوف المكان على الطبيعة عشان تقدر تحدد و بالتوفيق ان شاء الله

[ahmedkhairy]

[overline]بقالى فترة بدور على شقة فى الشروق يكون سعرها كويس وطبعا الأسعار بقت ناااااااااااااااااااااااااااااااااااار
المهم لقيت اعلان عن شركة اسمها (جولدن سيتى) لشقق فى الشروق المنطقة الرابعة والشقة 119 متر وسعرها 129 الف نصف تشطيب والتسليم بعد سنتين.
كنت عايز أعرف حد يعرف أى حاجة عن الشركة دى لأنى خايف يكون الموضوع نصب وعايز اعرف اتأكد ازاى انه بجد قبل ما ادفع الفلوس.
ودة لينك الاعلان جولدن سيتى للتنمية العقارية والمقاولات: شقق بمدينة الشروق
[/overline]

الأفضل تشترى حاجة جاهزة تجنبا لأى مشاكل تنفيذ - تمويل - تأخر فى البرنامج الزمنى وتقليل المخاطر

[MoStAfA MaHmOuD]

السلام عليكم ,

على ما أذكر المنطقة دى مش عمرانة و ممكن عشان كدة الاسعار تكون أقل , انما فى جميع الاحوال لازم حضرتك تشوف المكان على الطبيعة عشان تقدر تحدد و بالتوفيق ان شاء الله

إن شاء الله رايح يوم الخميس الشركة الأول هاخد المندوب وأطلع على الموقع وربنا يسهل

الأفضل تشترى حاجة جاهزة تجنبا لأى مشاكل تنفيذ - تمويل - تأخر فى البرنامج الزمنى وتقليل المخاطر

للأسف مفيش حاجة جاهزة بالسعر دة خاااااالص كله بيوصل ل180 الف على الأقل

وأنا ان شاء الله هشوف المكان واشوف ملكية الأرض والتراخيص وهروح الجهاز اسأل على الشركة دى