استثمار

[Evo]

إيه اوجه الإستثمار في البلد دلوقتي لشخص مبيحبش البنوك وملوش في التجاره

بحيث يكون استثمار مضمون باعلي دخل واقل مخاطرة .

أنا عرضت عليه اراء تجارية لكنه ملوش في التجاره و بيخاف من المخاطره .
و طبيعة عمله متسمحلوش يتابع تجاره أو مشروع .

[walidzakzok]

يشتري دهب ويخزنه سنتين

[Evo]

كده مفيش دخْل شهري

[Evo]

هل من مجيب

[HISHAM80]

يشتري شقه وياجرها ولو حب يبيعها في اي لحظه تمنها فيها

[Dr_Mido]

مفيش نشاط تجارى يحط فيه فلوسه ويطلع ايرد شهرى وميكونش بيتابعه لان غالبا هيحتاج متابعه و دورة راس المال بتاخد اكتر من شهر فى انشطه كتيرة

[shaddadfalcon1]

شقه احسن حل في بلدنا
او ارض
او بنك فيصل
او تربي مواشي عند حد في الفلاحين لو تعرف

[aboomar22]

ده حسب المبلغ اللى معاك يعنى فحدود كام لو ممكن مبلغ كوبس يبقى شقة فى مكان كويس شارع رئيسى وتاجرها تجارى لشركة وسيبك من الافراد وقرفها اهو دخل شهرى وثمنها بيزيد لو مبلغ صغير ممكن تشترى اسهم فى شركة محترمة وارشح لك سيدى كرير للبتروكبماويات الاسعار متدنيه قوى الان وهتصرف عائد سنوى حوالى من 160 قرش سنويا حسب ارباح الشركة وهو ثمنه دلوقتى حوالى 12 جنيه وان شاء الله مع استقرار الاوضاع هيبقى كويس قوى

[Evo]

شقه احسن حل في بلدنا
او ارض
او بنك فيصل
او تربي مواشي عند حد في الفلاحين لو تعرف

ممكن توضح أكتر عن بنك فيصل .

الشقة الايجار مضمونة لكن حرام تحط 700 ولا 800 ألف في شقة تجيبلك 2000 ولا 3000 في اشهر '' ده رايه الشخصي ''

موضوع المواشي ده بعيد عليه شوية

[minicooper20]

يشوف واحد صحبو عندوتجاره و يشغالهم فى الاستيراد و التصدير او فى اى نشاط دوره راس مالو سريعه

[Dr_Mido]

بس يبقى عارف ان دورة المال السريعه ارباحها مش عاليه زى ماهو متخيل

[shaddadfalcon1]

ممكن توضح أكتر عن بنك فيصل .

الشقة الايجار مضمونة لكن حرام تحط 700 ولا 800 ألف في شقة تجيبلك 2000 ولا 3000 في اشهر '' ده رايه الشخصي ''

موضوع المواشي ده بعيد عليه شوية

بنك فيصل بيديك فوايد حلال

الشقه مش بس في الأيجار بص لسعرها كمان سنه
اللس ب 200 السنه دي ب 250 السنه الجايه

[Evo]

موضوع التجارة هو مقلق وأنا كنت أول واحد ظبطه فيه

كان فيه برده موضوع مطعم فاست فود بس محتاج حد بيفهم في الموضوع ده وإن كان محتاج تفرغ اعتقد

حد بيفهم في مطاعم الفاست فود زي كوك دور ومؤمن والناس دي وهل محتاج تفرغ تام

[egyptiandiver]

اشتري محل و اجرو و يكون في حتى زحمة، أظن العايد على راس المال هيكون أحسن من الشقة و أسهل كمان في البيع و الشراء.