...مجنون...

[A7MED_PHARMA]

السلام عليكم
في إطاااااااااار البحث المستمر عن كسر الروتين والملل
وللخروج من دايرة الشغل والحياة
لازم كل شوية تحصل لحظات جنون
( معظم الناس يعني)
المهم
.
ياريت لو كل واحد عنده تجربة للحظات جنون مرت عليه
يقول
هبدأ أنا

وقت زي دلوقتي من سنة
الجووووو برد
كانت حوالي الساعة 3 صباحا
طلبت معايا إني أقفل الصيدلية .. وأخرج أصطاد عصافير
قفزت .. ولبس كوتشي
وأخدت الشنطة .. والسكينة .. والبندقية الرش .. وكشاف
وخرجت
وسط الأراضي الزراعية .. الدنيا ظلمة كحل
وأخوكم ماشي وسط الزراعات على نور الكشاف
أدور على الشجر على عصافير
على مالشمس طلعت
كنت راجع ومعايا حصيلة تمام من العصافير المصادة والي دبحتها بإيدي أول مابتقع

لو حد كان شافني وأنا سارح لوحدي بالليل وسط الغيطان
كان قال عليا مجنون
بس هي طلبت معايا أتجنن شوية

..
.
أنا عندي مليون موقف إتجننت فيه
مين عنده مواقف؟؟؟
بدل ماحنا قاعدين متكتكين كده ف البرد
الناس تحكي

[Mzeid]

الحاجة الوحيدة المجنونة اللي فاكرها دلوقتي أني طلعت بتي شيرت على اللحم و شورت و صندل في درجة حرارة -2 ( اثنين تحت الصفر ) :)

[rompo10]

اروح الاسكندريه الساعه 3 الفجر عشان اشرب شاي وارجع تاني من غير لف ولا اي حاجه

[A7MED_PHARMA]

شوية جنون بقا
==============
لما تشوف واحد راكب عجلة .. براكبها على الاسفلت بالليل
وحصان صغنن بيجري معاه
==============
لما تروح لخطيبتك(مسافة بتاع 80 كيلو رايح جاي) الساعة 2 صباحا
وتقف تحت البلكونة زي الاهبل
وتكلمها ف الموبايل علشان تطلعلك
وتقولها بحبك ف الموبايل وانت واقف تحت البيت .. وترجع تاني
وتتطلع ماتستاهلش ههههههههههههههههههههه
============
لما تلاقي الدنيا بتشتي بشكل مخيف
سيول من الميه نازلة من السماء..
والناس بتجري تستخبى
وإنت واقف رافع وشك للسماء .. وبتضحك ومبسوط بالمطر
=========
لما واحد يقصر معايا وساعات يقل أدبه
ولما يحتاجني
ماأتأخرش عنه

[blazer]

انت شكلك متعكنن يا دوك
قول يارب
بإذن الله كل حاجه تبقى احسن مما تتمنى
ربنا يهديلك سرك

[A7MED_PHARMA]

ربنا يخليك يابوحميد


بس أهو جنون
مين يتجنن معايا دلوقتي .. ويقابلني في اليكس عند القرصان الوغد

[Mzeid]

ربنا يخليك يابوحميد


بس أهو جنون
مين يتجنن معايا دلوقتي .. ويقابلني في اليكس عند القرصان الوغد

و الله لو تمشي زي دلوقتي بكرة إن شاء الله أنا موجود :)

[A7MED_PHARMA]

بكره انا هننام بدري علشان رايح النقابلة العامة ف القاهرة الاثنين الصبح

[blazer]

بكره انا هننام بدري علشان رايح النقابلة العامة ف القاهرة الاثنين الصبح

انت جاى كايرووو :D
تنور
انت هتقعد ولا راجع علطوول؟.

[wassim_nasser]

وانا راجع من القاهرة علي الصحراوى الشرقي (طريق الجيش) وبعد مدخل المنيا بعشرة كيلو لقيت واحد لابس بالطو من بتوع الالمان و دقنه طويلة و علي كتفه شنطة من اللي بيلبسوها العيال ف المدارس ومسافر مشى .. أنا من شده مانا مستغرب وقفت وركنت علي جنب وقعدت أتفرج عليه

[rompo10]

اسكندريه في التلج دا يادكتور انت عاوز المنتدي ينقص اتنين ولا ايه

[blazer]

دا احلى حاجه اسكندريه فى التللج والمطره

[osama.m]

في عز التلج و المطر تاخد الكورنيش رايح جاي كذا مرة .. البرق و الرعد .. شغل المساحات على اعلى سرعة .. و اي مزيكا هادية .. "كنا مشغلين فيروز"
بس كان احساس ممتع و حاجة متتنسيش .. والكورنيش فاضــــــــــــــــــــــــــــــــي

[mahmoudalaa]

حضرتك طلعت صياد زميل

[Dr.Karim Emam]

نزلت حمام السباحة يوم 20 ديسمبر و المياه كانت تلججججج