برفيوم elle فخر الصناعة المصرية :))

[MRBEBO]

كنت بدعبس كده في الحاجات القديمة اللي عندنا

لقيت قزازة برفان صغيرة





وعلى البوكس بتاعها صنع في مصر

فقولت اجربها واشوف

المهم يا جماعة البرفان ده طلع ريحته جميلة وفواح بشكل كبير

اللي لفت نظري بقه ان ريحته استمرت في الهدوم يجي 3 تيام بصورة قوية

مش مبالغة فعلا ثابت جدا وفكرني بالبرفانات الفرنسية اللي والدي كان بيجبها من السوق الحرة

بس نسيت اقولكم ان القزازة دي عندي من يجي 15 سنة في مكان ضلمة وكانت منسيه

حد يعرف حاجة عن البرفان ده او سمع عنه او جرب برفيوم ثابت بالشكل ده

[dolly13]

يااااااااااه انا فاكرة انى كنت باستخدمه وانا فى ثانوى يعنى ييجى من عشرين سنة
بس فعلا كان برفيوم جميل ومميز وكنا معظمنا بنستخدمه

[eng.m7md.ali]

يمكن علشان فضل فترة كبيرة عندك فابقى معتق .. يعني ريحته قوية

[medododo]

ياريت تخبيه ومتكلمش في الموضوع ده مع حد
لأن ممكن يفتكروك واخده من المجمع العلمي!!!!!!!!!!!!!!!!!

[blazer]

البرافانات قريت ان ليها فتره صلاحيه !

[MRBEBO]

يااااااااااه انا فاكرة انى كنت باستخدمه وانا فى ثانوى يعنى ييجى من عشرين سنة
بس فعلا كان برفيوم جميل ومميز وكنا معظمنا بنستخدمه

طب كويس اني لقيت حد يعرفه :) ... على كده ده برفان حريمي ؟

يمكن علشان فضل فترة كبيرة عندك فابقى معتق .. يعني ريحته قوية

احتمال فعلا يكون الثبات العالي ده من التعتيق طول الفترة دي

ياريت تخبيه ومتكلمش في الموضوع ده مع حد
لأن ممكن يفتكروك واخده من المجمع العلمي!!!!!!!!!!!!!!!!!

ههههههههههههههه وعلى ايه اطلب من الادارة حذف الموضوع :))

البرافانات قريت ان ليها فتره صلاحيه !

معقول ؟ انا اول مرة اسمع منك الحقيقة لان مش عليه اكسبير