رأيكم فى موقف

[wahba87]

انا دلوقتى فى الجيش , و عندنا فى الوحدة النظام انك تسلم تليفونك فى مكتب الامن وانت راجع من أجازة و تاخده بالليل تتكلم براحتك و تسلمه تانى قبل ما تنام

انا كنت راجع من أجازة و سلمت التليفون , بالليل رحت اخده ملقتهوش , التليفون اتسرق ! , عسكرى الامن اللى اخده منى حطه فى درج و مقفلش عليه بالقفل

التليفون LG gx200 كنت جايبه للجيش ب 400 جنيه

ضابط الامن قال للعسكرى يجيبلى تليفون جديد زيه

هل اقبل ولا يعوض عليا ربنا ؟


وهل فى طريقة انى اعرف مكانه دلوقتى ؟ ممكن اوصل للحرامى , هو الشك منحصر فى كام واحد بس

[AutoTycoon]

خليه يجيبلك واحد جديد عشان يتعلم يشوف شغله كويس
مهو لو كل واحد قال خلاص مش هاخد العوض و مسامح .. يبقى كل شوية هيضيع موبايل و مش هيتحاسب

[amr.elsayed]

انت اللى تقدر تقرر .... لو انت شايف انه ممكن يكون مشترك فى سرقة الموبيل يبقى يجيبلك واحد غيره
لكن لو انت شايف انه مجرد اهمال فا انا شايف انك تسامح وربنا يعوض عليك
انت عارف الراجل بتاع الامن دة بيبقى عليه عمل شاق فى بعض الاحيان فا التمس ليه العزر

[تامر.محمد]

اساسا مش هاتلاقي التليفون خرج برة !

مش عارف اقول لك تقبل ولا لأ بصراحة
الحق انك تقبل , و على المدى البعيد افضل اكيد لو الثقافة دي اتوجدت
لكن عواقبها على المدى القريب ممكن تكون اسوأ بالنسبة لك من ضياع التليفون

[rompo10]

انا من راي ماتقبلش العوض اكيد عسكري الامن دا غلبان

[SHNORY]

انا من راي ماتقبلش العوض اكيد عسكري الامن دا غلبان

هو كل غلبان حنصرف علي اخطائه ؟؟؟
انا بجد زهقت وتعبت من ثقافه فلان ده غلبان
لان هو اكتر واحد مستفيد من غلبه
يعمل المصيبه والناس تقولك دا غلبان ونلبسها احنا
هو غلبان واحنا اقطاعيين هههههههههههههههههههههه
----------------------------------------
لصاحب الموضوع :
انت سيبتله التليفون علي سبيل الامانه
وهو محافظش عليها
خلاص ده مش ذنبك
تاخد تليفون تاني زي تليفونك
ولو صعبان عليك اوي ابقي اديله مبلغ كل شهر علي سبيل المساعده بس في النهايه يكون جزء من تمن التليفون
لو جابلك واحد جديد ادفع فرق الاستعمال اللي انت استعملتهوله
ومن الاخر كده دا مكتب امانات مش درج في الشارع اي حد يسرق منه حاجه
اكيد هو اللي اخده او حد من اصحابه اللي بيقعد معاه
وفي الاخر ده مش ذنبك
ومفيش حاجه اسمها عوض
فيه حاجه اسمها من اتلف شيئ عليه باصلاحه

[Donzi]

اعتقد لو اتعاملت معاه على انه غلبان و مقبلتش انه يجيبلك تليفون بدالو كدا هاتبقى بتضره اكتر ما بتنفعو

لانه كدا هايفضل غلبان و مهمل و مش بيتحمل نتيجة اخطاؤه اعتمادا منه على انه غلبان و الناس هاتعفوا عنه و ممكن كمان بعد كدا يستغل الحكاية دي في عمل اي حاجة غلط و يقولك هاصعب عالناس و محدش هايعمللي حاجة

لا يصح الا الصحيح و ان انت تاخد حقك _ مش موافقة على تسميتها عوض اصلا _ مش عيب ولا حرام ولا غلط

[wahba87]

على فكرة انا لسة نازل اجازة النهاردة , و التليفون مسروق من يوم السبت

كلمت شركة اتصالات و عرفت ان الخط بتاعى كان بيعمل مكالمات لحد النهاردة !!

هروح اجيب كشف بالارقام اللى الخط بتاعى اتصل بيها , حد عنده فكرة ممكن اعمل بيها ايه ؟ , هل ممكن اعرف المكان اللى المكالمات بتتم منه ؟

[SHNORY]

على فكرة انا لسة نازل اجازة النهاردة , و التليفون مسروق من يوم السبت

كلمت شركة اتصالات و عرفت ان الخط بتاعى كان بيعمل مكالمات لحد النهاردة !!

هروح اجيب كشف بالارقام اللى الخط بتاعى اتصل بيها , حد عنده فكرة ممكن اعمل بيها ايه ؟ , هل ممكن اعرف المكان اللى المكالمات بتتم منه ؟

اتصل باي رقم منهم وقوله انك لقيت النمره دي علي موبايل لقيته في الوحده بتاعتك في الجيش بس مفيهوش رصيد علشان كده اتكلمت من تليفونك التاني
وهو حيقولك دا بتاع مين
وبرضه متسكتش علي حقك

[rompo10]

شوف الارقام اللي اتصل بيها وكلمهم انت وبالطريقه اعرف اسم اللي كلمه اكيد معاك في الجيش

[SHNORY]

بس اعمل الموضوع ده لما ترجع الجيش علشان تبلغ عنه وتمسكه هناك
دا لو طلع اللي معاه التليفون في الجيش برضه

[grand hand]

هو كل غلبان حنصرف علي اخطائه ؟؟؟
انا بجد زهقت وتعبت من ثقافه فلان ده غلبان
لان هو اكتر واحد مستفيد من غلبه
يعمل المصيبه والناس تقولك دا غلبان ونلبسها احنا
هو غلبان واحنا اقطاعيين هههههههههههههههههههههه
----------------------------------------
لصاحب الموضوع :
انت سيبتله التليفون علي سبيل الامانه
وهو محافظش عليها
خلاص ده مش ذنبك
تاخد تليفون تاني زي تليفونك
ولو صعبان عليك اوي ابقي اديله مبلغ كل شهر علي سبيل المساعده بس في النهايه يكون جزء من تمن التليفون
لو جابلك واحد جديد ادفع فرق الاستعمال اللي انت استعملتهوله
ومن الاخر كده دا مكتب امانات مش درج في الشارع اي حد يسرق منه حاجه
اكيد هو اللي اخده او حد من اصحابه اللي بيقعد معاه
وفي الاخر ده مش ذنبك
ومفيش حاجه اسمها عوض
فيه حاجه اسمها من اتلف شيئ عليه باصلاحه

يسلم بوقك وكيبوردك فى نفس الوقت

[Ignition-Kid]

خد قدام تليفونك اللى (ضاع) خــــــــــــــــــــــــدمات( لو هو طالع بعدك من الجيش ) !!!

[mmffor]

يجيبلك اي موبايل بداله

[wahba87]

اتصل باي رقم منهم وقوله انك لقيت النمره دي علي موبايل لقيته في الوحده بتاعتك في الجيش بس مفيهوش رصيد علشان كده اتكلمت من تليفونك التاني
وهو حيقولك دا بتاع مين
وبرضه متسكتش علي حقك

يا معلللللللللللم , بسم الله ما شاء الله عليك , انا مش عارف اشكرك ازاى !!!

اللى حصل انى تانى يوم عملت الحوار بتاعك ده , و اللى كلمته قاللى صف ضابط اسمه فلان !

مفيش حد عندنا فى الوحدة بالاسم ده , طلع كان جالنا فى اليوم ده من وحده تانية و استنى شوية فى مكتب الامن

قلت الحوار كله لضابط الامن , و ضابط الامن قاله لقائد الوحدة , و الصف ضابط ده جالنا تانى عشان يستلم شغل , قائد الوحدة طلبه , معرفش قاله ايه بس بعدها جه تانى و جاب التليفون !!

و التليفون معايا دلوقتى الحمد لله

انا فرحان جدا !!! , صحيح التليفون مش غالى بس انا فرحان ان حاجتى رجعتلى

الف شكر ليك يا شنورى