القرض الشخصي .. حد عنده معلومات أو خبرة؟؟

[A7MED_PHARMA]

والله يا دكتور احمد لو طلبت فلوس من الحج افضل من القرض والله العظيم يا باشا كل ال اخدوا قرض قدام عينى حصلهم طروف منيه بحس انه عقاب من ربنا وصدقنى حتى لو بدأت بكام الف بس صدقنى ربنا هيباركلك والمشروع هيكبر بطريقه لا تتخليلها والله لو كان معايا المبلغ دا مكنتش اتاخرت عنك علشان اخليك تبعد عن القرض بس حاليا بمر بظروف ورايح عمره والراجل هياخد الفلوس بكرا ان شاء الله ومش هعرف ارجع فى كلامى بس ان شاء الله وربنا هيوفقك اكيد انا متامكد تعرف ليه


فاكر من كام شهر لما قفلت الصيدليه ورحت ميت غمرو علشان تجيب دواء لسيده غلبانه ورجعت لقيت الصيدليه قدامها ناس عايزين دواء

الجزاء من جنس العمل واكيد ربنا شايلك كل الحسنات دى ان شاء الله

ربنا يكرمك
مش عارف أقولك والله ياستاذ أحمد على كرمك
أنا مستني شنوري يديني جزء من فلووووووووووووسهم الكتير
ههههههههههههههههه

فيه حل تاني بس مش عارف حلال ولا حرام بس بشوف في السعوديه كتير بيعملوه

وهيه انك تشتري عربيه تبع بنك - بشرط ان البنك يكون مالك العربيه الاول- وتبيعها زيروو وهيه واقفه بخساره كام الف ساعتها هيكون معاك مبلغ كاش كويس وتبقي تسدد القسط كل شهر

عارف أنا القصة دي
لكن الموضوع مش مستاهل.. غير خسارة الكام الف ف تمنها
العربية اساسا بيكون عليها فايدة ربوية
غير
انك مش هتعرف تبيع طالما باسم البنك.. بيبقا عليها حظر بيع

[Dr_Mido]

فكك من القروض ياكبير صعبه جدا وهتقرفك وتكرهك فى عيشتك و مش هتعرف تخلع منها الا اما تسددها سوا المشروع مكمله او زهقت منه

[shaddadfalcon1]

بلاش قرض
ده ربا وربنا اذن بحرب من الله ورسوله لمن يعمل بالربا

وهتففقر والله وهتفضل طول عمرك مديون بسببه

دور علي جمعيه كبيره

لو عايز انا عندي في الشركه كل شويه بيعملو جمعيات 10 اشخاص الواحد ب 2000 ممكن ادخل بدل منك وتحولي الفلوس او نتقابل وادفعهالك بس الله يرضي عليك بلاش قرض

[Mahmoud Nagieb]

بالله عليك بلاش قرض ... ده انا قدام عينى ناس بناخد قروض من هنا والدنيا بتسود فى وشهم من هنا سبحان الله ومبتبقاش فى بركة خالص ..... وبلاش موضوع انه حل اخير .... انسى انه حل اصلا ومتحطوش فى قايمة اختياراتك

اعمل جمعية ... ابدا صغير واكبر وربنا هيباركلك ... اعمل اى حاجة بعيد عن القرض وربنا صدقنى هيباركلك طالما انت ابتغيت رضاه وبعدت عن الحرام وابتغيت الحلال

وان شاء الله موفق

[أبومعاذ]

يعلم الله انى احبك فى الله ويمكن متقبلناش قبل كدا ويمكن ردودك عليا شبه نادره بس احب اقولك نصيحه من اخ فى نفس سنك تقريبا بس الحياه علمتنى كتير مفيش واحد اخد قرض غير لما تحصله مصايب ودا ال شفته بعنيا فى سنوات طويله علشان خاطر ربنا شوف اى حل تانى غير القرض لانه حرام ولانه ربا يا احمد وربنا هيكرمك ان شاء الله وهتعرف تشوف اى طريقه تجيب بيها فلوس حلال علشان ربنا يبارك فى الفلوس وتكبر ان شاء الله

+1111111111
الربا الذنب الوحيد اللي ربنا توعد صاحبه في القرأن بالحرب بلااااااااااااااااش إحنا بنحبك و نتمنالك الخير و دا مش خير أبدا حتى لو ظاهره انه خير

[A7MED_PHARMA]

خلاص ياشباب
الردود أقنعتني ... بلاش القرض
وأحاول أشوف حد من ولاد عمي أو أي حد معرفة يديهملي مقابل نسبة محدودة من الربح
والله المستعان

وشكرا ياشداد باشا على عرضك
ربنا يكرمك

[Dr_Mido]

بس بلاش هاخدهم كذا وارجعهم كذا دى قله هديلك 5% من الارباح زى مايطلعو

[bobobobo]

احسن حاجة انك بعدت عن القرض ربنا هيكرمك

[kh_fawzy]

لو المشروع محتاج اجهزة فى بنك التنميه والائتمان الزراعى فرع المعاملات الاسلاميه انت بتححدلوا الحاجه اللى انت عايزة وهو اللى بيشترى ويقسطلك وماعندهمش فوائد تاخير لو اتاخرت عن السداد وغرامه دفع معجل لو حبت تسدد لانهم شغالين اسلامى بس الكلام دة كان من فترة ممكن تتاكد منهم تانى

[mohammedabdallh]

طب المشروع الجديد ايه
هههه
وبلاش القرض

[A7MED_PHARMA]

المشروع م محتاج أجهزة ربنا يكرمك
المشروع الجديد يابوعبدالله .. تجارة السكر من المصنع ------> المحلات على طووول

ومحتاج نبدأ بكام طن علشان نجيب سعر أفضل ... وتكاليف النقل تقل مع الكمية الكبيرة
بس


والله المستعان

[mohammedabdallh]

المشروع م محتاج أجهزة ربنا يكرمك
المشروع الجديد يابوعبدالله .. تجارة السكر من المصنع ------> المحلات على طووول

ومحتاج نبدأ بكام طن علشان نجيب سعر أفضل ... وتكاليف النقل تقل مع الكمية الكبيرة
بس


والله المستعان

يلا وانا اخش معاك شريك
بس الموضوع مربح
انت عارف لازم تقعد تلف على المحلات ومحلات الجمله

[ahmed_mido1889]

المشروع م محتاج أجهزة ربنا يكرمك
المشروع الجديد يابوعبدالله .. تجارة السكر من المصنع ------> المحلات على طووول

ومحتاج نبدأ بكام طن علشان نجيب سعر أفضل ... وتكاليف النقل تقل مع الكمية الكبيرة
بس


والله المستعان

السكر اللي كان معاك؟؟؟
اللي كان قاعد جنبي

[A7MED_PHARMA]

السكر اللي كان معاك؟؟؟
اللي كان قاعد جنبي

ايون
الي كان بيزغزغك ده
ههههههههههههههه

بقولك ياحمد
لو قريب منك محلات جملة .. إنزل إسألهم بينزلوا السكر للمحلات على كام
يمكن ندخل فيها سوا

[hosamsief]

يا عم فارما .... انا ممكن ابيعلك العربية بتاعتى و اديلك الفلوس ... بس بالله عليك بلاش قروض لانى شوفت ناس قدام عينى بيتهم بيخرب بسبب الموضوع ده ...