رحلة البحث عن مدرسة جيدة ..........

[midnightman_74]

رحلة البحث عن مدرسة .......

أنا عامل الموضوع دة عشان البحث عن مدرسة جيدة اليومين دول اصبح من المشاكل اللى بتقابل أى اسرة.

أنا حاليا بدور فى مدارس مدينة نصر والقاهرة الجديدة.


كل واحد بعد ما اولادة دخلوا المدرسة يقول لنا اية الاخبار هل المدرسة الي اختارها كويسة و لا للاسف . علشان نتبادل الاراء و نعرف اية الكويس واية الوحش و ممكن نتلافي المشاكل ان شاء الله .
اعتقد الموضوع دة هيفيد ناس كتير.

ياريت اللى يشارك فى الموضوع يقول :

١-اسم المدرسة وعنوانها
٢-نوع المدرسة لغات/ ناشونال/انترناشونال
٣-مصاريف المدرسة
٤-مستوى التدريس والإدارة
٥-مميزات وعيوب المدرسة من وجه نظرة
٦-لو فى اى ملاحظات على المدرسة

[omarmosalem]

١-اسم المدرسة وعنوانها
معهد الغد المشرق الأزهري للغات
٢-نوع المدرسة لغات/ ناشونال/انترناشونال
لغات
٣-مصاريف المدرسة
4500-6500 (حسب السنة الدراسية ومن غير الباص) لو هتشترك في الباص هيبقى في حدود 2000 جنيه
٤-مستوى التدريس والإدارة
جيد جدا. سهل التواصل معاهم ومتعاونين لو فيه مشكلة. المدرسين والمدرسات لطاف ومتعاونين إلى حد كبير. كراسة Channel وسيلة كويسة بنتواصل معاهم بيها. يعني لو ليك ملاحظات أو هم ليهم ملاحظات بنبعت لبعض في الكراسة دي
٥-مميزات وعيوب المدرسة من وجه نظرة
المدرسة في المجمل كويسة جدا. وأنا لما اخترتها كان على أساس إني اجمع بين الدين والدنيا. بمعنى الولاد بيبقى مقرر عليهم منهج قرآن وتربية دينية ومادة أخلاق (عملي) وفي نفس الوقت بيدرسو منهج Macmillan وهو منهج معروف في مدارس كتير فيبقى عندهم اللغات معقولة برده. يمكن مستوى الإنجليزي مش سوبر يعني زي المدارس الإنترناشيونال مثلا إنما كويس جدا. وكفاية ان ابنك ولا بنتك يبقى مع مرحلة الثانوي حافظ القرآن كله!

٦-لو فى اى ملاحظات على المدرسة
يمكن الملاحظة الوحيدة ان 90% من المدرسات منقبات. طبعا أنا مش بقول ان النقاب حاجة وحشة إنما بحس انه بيأثر شوية على التواصل ما بين التلاميذ والمدرسات وبرده ما بين المدرسات وأولياء الأمور من الرجال. يعني لما بروح اسأل على الولاد بحس اني محرج وببص في الأرض

[midnightman_74]

١-اسم المدرسة وعنوانها
معهد الغد المشرق الأزهري للغات
٢-نوع المدرسة لغات/ ناشونال/انترناشونال
لغات
٣-مصاريف المدرسة
4500-6500 (حسب السنة الدراسية ومن غير الباص) لو هتشترك في الباص هيبقى في حدود 2000 جنيه
٤-مستوى التدريس والإدارة
جيد جدا. سهل التواصل معاهم ومتعاونين لو فيه مشكلة. المدرسين والمدرسات لطاف ومتعاونين إلى حد كبير. كراسة channel وسيلة كويسة بنتواصل معاهم بيها. يعني لو ليك ملاحظات أو هم ليهم ملاحظات بنبعت لبعض في الكراسة دي
٥-مميزات وعيوب المدرسة من وجه نظرة
المدرسة في المجمل كويسة جدا. وأنا لما اخترتها كان على أساس إني اجمع بين الدين والدنيا. بمعنى الولاد بيبقى مقرر عليهم منهج قرآن وتربية دينية ومادة أخلاق (عملي) وفي نفس الوقت بيدرسو منهج macmillan وهو منهج معروف في مدارس كتير فيبقى عندهم اللغات معقولة برده. يمكن مستوى الإنجليزي مش سوبر يعني زي المدارس الإنترناشيونال مثلا إنما كويس جدا. وكفاية ان ابنك ولا بنتك يبقى مع مرحلة الثانوي حافظ القرآن كله!

٦-لو فى اى ملاحظات على المدرسة
يمكن الملاحظة الوحيدة ان 90% من المدرسات منقبات. طبعا أنا مش بقول ان النقاب حاجة وحشة إنما بحس انه بيأثر شوية على التواصل ما بين التلاميذ والمدرسات وبرده ما بين المدرسات وأولياء الأمور من الرجال. يعني لما بروح اسأل على الولاد بحس اني محرج وببص في الأرض

شكرًا على المعلومات القيمة.
والتقديم فى كى جى يبدأ امتى؟؟

[omarmosalem]

أعتقد بيبقى في نهاية السنة الدراسية يعني من شهر 4 أو 5 تقريبا. دا لنك لموقع المدرسة معهد الغد المشرق الازهرى

[Amr Axel]

١-اسم المدرسة وعنوانها
مدارس العلا - مدينة نصر الحي السابع و زهراء مدينة نصر امام العيادة مباشرة ورا بنزينة وطنية و الشبراوي

٢-نوع المدرسة لغات/ ناشونال/انترناشونال
عربي و لغات

٣-مصاريف المدرسة
ع حسب بس السعر الي حدا ما مناسب ع ما اتذكر من سنتين تلاتة كان طلبة ثانوي حوالي 3000 جنيه من غير الباص

٤-مستوى التدريس والإدارة
المستوي كويس جداا و فيه شدة و حزم و مفيش مثلا ناس واخدين التدريس بالبركة لأ مدرسين

٥-مميزات وعيوب المدرسة من وجه نظرة
-المميزات ان فيه فصل بين الولاد و البنات ابتداءا من اعدادي و البنات ليهم مبني و الولاد مبني حتي الفسحة غير مشتركة و فيه بين المبنيين بوابة عليها حارسين او تلاتة غير البوابة الخروج غير بوابة الادارة
- فيه شدة و حزم من الادارة سواء ع الدراسة او مظهر الطلبة العام او النظام في المدرسة يعني متلقيش مثلا طالب نازل يتمشي او بينط من فوق السور فيه طول الوقت مشرفييين و حراس
- المصاريف تعتبر كويسة بالنسبة لمدرسة خاصة عربي و لغات - حتي ابسط حاجة الكانتين اسعاره زي كشك يعني مفيش الهبل بتاع المدارس الخاصة الاخري
- المدرسيين بيشرحوا بضمير
- احيانا بتكون فيه رحلات خاصة بالدراسة لزيارة المصانع لمشاهدة ما يتم دراسته عمليا طبعا مجانية
- مفيش حاجة اسمها مادة مش مهمة كل المواد مهمة حتي الرسم

٦-لو فى اى ملاحظات على المدرسة : مفيش

بس هقولك حاجة واحدة روح بنفسك و شوف عشان تقدر تحكم و مش ع ديه بس ع اي مدرسة تانية تروحها

ديه المدرسة الكويسة و المتوسطة اللي ارجحها لحضرتك
طبعا فيه مدارس تانية في القاهرة الجديدة بس معنديش فكرة عنهم بس اسمع ان المصاريف مبالغ فيه و معدية الــ10 الاف جنيه و حضرتك عارف بقي الطلبة بيبقوا فيها مدلعين زيادة عن اللزوم و مش بيبقي الحزم المطلوب و برده اسأل و شوف بنفسك

بالتوفيق ان شاء الله

[shaddadfalcon1]

هو التقديم في الحضانه بيبقي من سن كام ؟
وايه المدارس الكويسه في الأسكندريه؟

[shaddadfalcon1]

١-اسم المدرسة وعنوانها
معهد الغد المشرق الأزهري للغات
٢-نوع المدرسة لغات/ ناشونال/انترناشونال
لغات
٣-مصاريف المدرسة
4500-6500 (حسب السنة الدراسية ومن غير الباص) لو هتشترك في الباص هيبقى في حدود 2000 جنيه
٤-مستوى التدريس والإدارة
جيد جدا. سهل التواصل معاهم ومتعاونين لو فيه مشكلة. المدرسين والمدرسات لطاف ومتعاونين إلى حد كبير. كراسة channel وسيلة كويسة بنتواصل معاهم بيها. يعني لو ليك ملاحظات أو هم ليهم ملاحظات بنبعت لبعض في الكراسة دي
٥-مميزات وعيوب المدرسة من وجه نظرة
المدرسة في المجمل كويسة جدا. وأنا لما اخترتها كان على أساس إني اجمع بين الدين والدنيا. بمعنى الولاد بيبقى مقرر عليهم منهج قرآن وتربية دينية ومادة أخلاق (عملي) وفي نفس الوقت بيدرسو منهج macmillan وهو منهج معروف في مدارس كتير فيبقى عندهم اللغات معقولة برده. يمكن مستوى الإنجليزي مش سوبر يعني زي المدارس الإنترناشيونال مثلا إنما كويس جدا. وكفاية ان ابنك ولا بنتك يبقى مع مرحلة الثانوي حافظ القرآن كله!

٦-لو فى اى ملاحظات على المدرسة
يمكن الملاحظة الوحيدة ان 90% من المدرسات منقبات. طبعا أنا مش بقول ان النقاب حاجة وحشة إنما بحس انه بيأثر شوية على التواصل ما بين التلاميذ والمدرسات وبرده ما بين المدرسات وأولياء الأمور من الرجال. يعني لما بروح اسأل على الولاد بحس اني محرج وببص في الأرض

لو طلبه صغيرين فاكيد المدرسات بيرفعو النقاب في الفصل