جهاز شبه اللابتوب للأطفال

[shaddadfalcon1]

مين ؟ 2500
لا كدة انا هبيع لهيثم اللاب بتاعي ب 2000 بس هيلاقي عليه قرآن وكارتون ووجيمز وحروف وارقام ولو عايز اغاني ممكن ويمكن استخدامه كميزان حمام وكرسي ومقشرة فول سوداني وكل اللي محمد باشا هيثم يتمناه هيلاقيه

ابو 20 25 ده سعره معقول انا اصلا بقيت ضد شراء العاب غالية بقالي كذا سنة لقيتها مش بتفرق مع الطفل اي لعبة ليها فرحتها يومين تلاتة وتترمي بعد كدة
عن نفسي لو لقيته هاشتريه لمجرد سفندي يفرح بيه ويارا ككمان بدل مكل واحد فيهم مستولي على واحد حقيقي

انا عندي الصاله بتبقي مبدوره اشلاء العاب وطول مانا ماشي حاجات تدخل في رجلي ولو علي 2500 انا اشتري بيهم لابتوب جديد وخلاص احسن من كل شويه يستولي علي اللاب بتاعي

لو عايزنى اجيبلك واحد و اتقابلنى قوللى
لو عايزنى اوصفلك قوللى برضه

انا جايب منه خمسه
عشان ادب بيه بيحب يطلع مصارينه
غالبا يومين تلاته و بعدين بيروح

انا مش عايز اتقل عليك
ممكن توصفلي بالظبط لو قريب من مدينة نصر وبعدين اجيبه واقابلك برده عشان اتعرف عليك :)

[SHNORY]

ينفع سنتين هتنبسط بيه

و ينفع 5 سنين كمان

وال5 سنين ده حينبسط برضه؟؟

شكرايا باشا وان شاء الله انزل ادور فى محلات الاطفال واجيبه

شكلك انت اللى عايز تلعب بيه يا كفراوى

مش مشكلة بقى الواحد بيستغل اى حاجة تشغله عن الهم الهو فيه

هاته يا كفراوي حتنبسط انت كمان

لو عايزنى اجيبلك واحد و اتقابلنى قوللى
لو عايزنى اوصفلك قوللى برضه

انا جايب منه خمسه
عشان ادب بيه بيحب يطلع مصارينه
غالبا يومين تلاته و بعدين بيروح

5 يا مفتري
فيه مكتبه كبيره قريبه من البيت عندي بتبيعهم
حسالكم علي الاسعار واجيبلكم
علشان طارق وكفراو يلعبوا وينبسطوا هههههههههههههه

[icehearted girl]

انا لسه جيباه ليوسف ابن اخويا 3 سنين

في التوحيد والنور ف ش السودان دا الفرع الوحيد اللي هتلاقي فيه

هتلاقي ب 50 بس دا اي كلام

وهتلاقي العقول ب 125 فيه جيمز وميوزيك وقاموس

وفي ب 210 بس دا مكنش موجود وقتها

[Donzi]

يا جماعة حلوة اللعبة دي و عاوزة اجيبها لولاد اختي بس دلوقتي في اسعار كتير اتقالت

25 - 50 - 120

ايه الفرق بينهم ؟؟

[human]

لعبه
بن 10
اللى انا حاطط صورها من 20-30 جنيه

هحاول اعلم على اماكن فى مصر الجديده بتبيعها

من واقع خبرتى

كله بيبوظ

الرخيص مش هتزعل عليه و العيال كده كده كام يوم و بيزهقوا

[icehearted girl]

انا شايفة اللي ب 125 معقول بس مش ل بيبي..ممكن طفل اربعب خمس سنين يعرف يستخدمه

لانه فيه العاب وبرامج بتخليك تعزف موسيقي وقاموس بيعلم الكلمات بالصوت

[human]

انا شايفة اللي ب 125 معقول بس مش ل بيبي..ممكن طفل اربعب خمس سنين يعرف يستخدمه

لانه فيه العاب وبرامج بتخليك تعزف موسيقي وقاموس بيعلم الكلمات بالصوت

مافيش حاجه بتعلم غير الام و الاب و الكومبيوطر و سبيس تون

هى العاب بيلعبوا بيها و ياخدوا فرحتها و بعدين ملل رهيب منها عشان بيجيبوا اخرها فى يومين تلاته خصوصا لو كبير شويه هتبقى قمه الملل عشان هيكون عايز تابليت او كومبيوطر ليه هو

[icehearted girl]

ابن اخويا ليه كمبيوتر ليه هو لواحدة

بس هو كان مصر علي لاب توب

[shaddadfalcon1]

اشتريته من العاشر من محل جنب مركز التيسير الطبي ب 29 جنيه مكتوب عليه التعمل الألي وفيه ارقام وحروف وقران عربي وانجليزي
محمد كان نايم في العربيه ولما جينا وشغلته صحصح ومش عايز ينام ومصر يقعد جنبي وانا اشتغل باللاب وهو باللعبه دي وبيقولي انا عندي شغل عايز اخلصه
وجبتله مكعبات و Puzzle كمان بس انا متاكد ان كلها يومين وهلاقيه في كل حته