الى اهل الاسكندرية الكرام

[المنسي]

يا اهل اسكندرية الكرام انا من القاهرة وعايز اروح العنوان ده "قاعة المؤتمرات - كلية التمريض - سموحة " انا دلوقتى لو سافرت بالسوبر جيت هنزل محرم بك ولو سافرت بالقطار هنزل سيدى جابر او محطة مصر عايز حد يقولى فى الحالتين لو انا فى مرحم بك المشوار هيبقى بعيد ولا قريب ولو هاخد تاكسي ياخد منى كام فى المشوار ده وفى الحالة التانية لو سفرت بالقطار ونزلت سيدى جابر برده التاكسي ياخد منى كام وايهما اقرب لسموحة هل محرم بك - سيدي جابر - محطة مصر
وشكرا ليكم

[ASKAFRAWY]

بالنسبة للاسعار انا مش هقدر افيدك اوى
لكن بالنسبة للقرب من سموحة فالاحسن انك تركب قطار وتنزل محطة سيدى جابر
وتاخد تاكسي بس يفضل مش من جمب المحطة على طول لانه بيضرب السعر فى 3
المسافة بين سيدى جابر وكلية التمريض 15 دقيقة واجرة التاكسي بصرحة مش عارف لكن مش هتتعدى ال5 جنيه

[المنسي]

بالنسبة للاسعار انا مش هقدر افيدك اوى
لكن بالنسبة للقرب من سموحة فالاحسن انك تركب قطار وتنزل محطة سيدى جابر
وتاخد تاكسي بس يفضل مش من جمب المحطة على طول لانه بيضرب السعر فى 3
المسافة بين سيدى جابر وكلية التمريض 15 دقيقة واجرة التاكسي بصرحة مش عارف لكن مش هتتعدى ال5 جنيه

شكرا لرد حضرتك افهم من كلام حضرتك ان لو ركبت السوبر جيت هابقى بعيد عن سموحة فكده لازم اركب القطار وبسال عن اخبار الجو ايه

[ASKAFRAWY]

شكرا لرد حضرتك افهم من كلام حضرتك ان لو ركبت السوبر جيت هابقى بعيد عن سموحة فكده لازم اركب القطار وبسال عن اخبار الجو ايه

السوبر جت هتنزل فى الموقف الجديد بعيد عن سموحة غير ان سواقين التاكسي بيستهبلوا فى حساب الاجرة لان يعتبر تاكسي مخصوص فممكن تسمع 30-50 جنيه ودة استعباط رسمى
الجو للاسف ساقعة جدا واحيانا بتمطر ومش بتبطل
هو حضرتك جاى امتى اسكندرية

[wa7d]

انا فاكر ان كان فيه موقف سوبر جيت فى سيدي جابر وكمان فى سموحه , بس الكلام دا من سنين معرفش لسه موجودين دلوقت ولا , بس عموما اسكندرية صغيرة متقلقش , بس الاقرب لسموحة هو سيدي جابر طبعا , المسافة مش كبيرة والتاكسي ياخد منك 5 جنية .

الجو ساقعة ولو جاي النهاردة فالجو مفهوش مطرة , هي كان بقالها كام يوم شغاله حنفيه من السما , بس النهاردة اعتقد الجو مش حيمطر

[MohssenRashed]

انزل سيدي جابر و خد تاكسي بلاش الموقف الجديد بعيد و مقرف.

الجو احب أطمنك تلججججججججج

وو انت راجع نفس الموضوع

[islamnabil]

خليك في القطار احسن و امان اكتر
انزل سيدي جابر و اطلع من المحطة في اتجاه سموحة و ليس اتجاه البحر و شارع ابوقير
لو طلعت من المحطة لقيت امامك شارع ابوقير انزل النفق و عدى الناحية التانية و خد تاكسي من هناك

[المنسي]

السوبر جت هتنزل فى الموقف الجديد بعيد عن سموحة غير ان سواقين التاكسي بيستهبلوا فى حساب الاجرة لان يعتبر تاكسي مخصوص فممكن تسمع 30-50 جنيه ودة استعباط رسمى
الجو للاسف ساقعة جدا واحيانا بتمطر ومش بتبطل
هو حضرتك جاى امتى اسكندرية

طيب اعمل ايه لونزلت الموقف الجديد اركب ايه يكون رخيص شوية ومفهوش بهدلة انا جاى بكرة باذن الله

[المنسي]

خليك في القطار احسن و امان اكتر
انزل سيدي جابر و اطلع من المحطة في اتجاه سموحة و ليس اتجاه البحر و شارع ابوقير
لو طلعت من المحطة لقيت امامك شارع ابوقير انزل النفق و عدى الناحية التانية و خد تاكسي من هناك

واحد صاحبى قاللى ان فيه اضرابات عمال السكك الحديد وقاطعين الخط وحاجات كده على العموم ربنا يسهل لسه محتار مابين القطار والسوبر جيت لانى مرتبط بمواعيد مع ناس فى سموحة وخايف اتاخر عليهم

[power]

من الموقف الجديد لسموحه التاكسي مش حياخد اكتر من 10 جنيه

[المنسي]

من الموقف الجديد لسموحه التاكسي مش حياخد اكتر من 10 جنيه

شكرا لرد حضرتك