استطلاع : هتعمل ايه لو اكتشفت ان زوجتك او خطيبتك ...

[نور القمر]

هتعمل ايه لو اكتشفت ان زوجتك او خطيبتك بتدخل موقع نسائي من اللي بالي بالك وبتتكلم عنك في صورة شكوى من بعض تصرفاتك او بتقول اسراركم او وده الاهم للمتزوجين بتتكلم في حاجات شخصية مينفعش تخرج براكم انتم الاتنين خصوصا بقى لو سهل التعرف عليها من الاقارب والمعارف والجيران من صور ولادكم مثلا في توقيعها او صور للشقة في بعض المواضيع اللي تخص الديكور او من الاسم
انا عن نفسي مذهولة من اللي بشوفه في بعض المواقع ومن انجراف الكثيرات في الحديث واللت والعجن ولا كأنهم قاعدين في قعدة صحاب بين 4 حيطان مع العلم ان ضد الاسلوب ده حتى مع اقرب الاقربين
هتتصرف ازاي لو اكتشفت ان اسراركم الشخصية جدا موجودة على موقع نسائي ؟؟؟
هتقول عادي خليها تفضفض متفرقش معاك
هتنصحها بالذوق ان كدة غلط وتطلب منها عدم التكرار
هتثور وتتخانق ومش بعيد تضربها وتمنعها من دخول الموقع ده او تمنعها من دخول النت نهائي

مش فاهمة ازاي المدة المتاحة لادراج الاستطلاع 3 دقايق بس من كتابة الموضوع !!! على مافكرت في النقط كانت المدة انتهت ياريت الاشرف يدرج الاستطلاع

تم ادراج الاستطلاع
مشرف عام 1

[elmkaneeki]

مش جايز فعلا الراجل مقرف وطلعها عن شعورها
يبقى حقها
لكن لو لت وعجن اعتقد فيها انفصال

[amoor89]

طبعا تصرف مرفوض تماما ولازم طبعا هيبقى فى عقاب على افشاء اسرارنا الخاصة (مش هتوصل للضرب يعنى ) لكن هيبقى التصرف مختلف على حسب ان كانت خطيبتى او مراتى
عموما لو اكتشفت فى يوم الموقف ده من الانسانة اللى هتبقى او اصبحت شريكة حياتى ممكن يبقى تحذير شديد اللهجة فى الأول وان تكرر الموضوع يبقى انفصال حتى لو كان فى أولاد
تحياتى

[masterzmind]

النت دلوقتى اصبح استطلاع للمشاكل الزوجية .......... للرجال والنساء ..... بس حوار صور الولاد الكلام دة يبقى هبل عشان الواحد يلجا الى النت عشان مينفعش المشاكل دى حد يتحاور فيها لكن لو هتفضح نفسها يبقى غلط طبعاااا...... على العموم انا عارف الموقع الى بتكلمى عليه اول حرف ف صح بصراحة انا دخلته بالخطا ومش عاوزاقوليك كله كلام فارغ وعبط ....... معلش بس وجه نظرى

[نور القمر]

النت دلوقتى اصبح استطلاع للمشاكل الزوجية .......... للرجال والنساء ..... بس حوار صور الولاد الكلام دة يبقى هبل عشان الواحد يلجا الى النت عشان مينفعش المشاكل دى حد يتحاور فيها لكن لو هتفضح نفسها يبقى غلط طبعاااا...... على العموم انا عارف الموقع الى بتكلمى عليه اول حرف ف صح بصراحة انا دخلته بالخطا ومش عاوزاقوليك كله كلام فارغ وعبط ....... معلش بس وجه نظرى

الموضوع منتشر على معظم المواقع النسائية حتى الخليجية لكن المصرية بالاكتر والردود بتكون هزار ومزيد من الاسرار للمشتركات بالموضوع اكتر ماهي حل لمشكلة ما معتبرين ان محدش شايفهم غير ستات
انا بيني وبينك معرفش موقع نسائي اوله ف خالص

[aif]

لو اسرار الزوج والزوجة خرجت من نطاق بيتهم يبقى العلاقة بينهم فيها خلل ......
اما المنتديات
ده بصراحة تهريج
انا دايما ضد كدة
اولا ان اللي بيكتب ده بيكتب من طرف واحد .... وممكن اوي لما نسمع الطرف التاني نلاقي اللي كاتب وعامل نفسه مظلوم هو اللي غلطان
ثانيا اللي بيكتب ده بيبقي بيذيع اسرار بيته ( ولو بدون ذكر شخصيات ) على ملايين القراء ..... يعني فضايح
وغالبا معظم القراء بيقرأو من باب الفضول والتسلية ... مش تعاطف واهتمام زي ما اللي كاتب متخيل
ربنا يهدي الجميع

[amoor89]

الموضوع منتشر على معظم المواقع النسائية حتى الخليجية لكن المصرية بالاكتر والردود بتكون هزار ومزيد من الاسرار للمشتركات بالموضوع اكتر ماهي حل لمشكلة ما معتبرين ان محدش شايفهم غير ستات
انا بيني وبينك معرفش موقع نسائي اوله ف خالص

فتكات هههههههههههههههههه

[masterzmind]

احسن طريقة لحل المشكلة حل المشكله بين الزوجين ومحديش يدخل بينهم .... النت زى استماع المشكله من طرف واحد وعلى ذلك نستخرج حل مبنى على واجه نظر واحدة وهى المشتكى سواء كان الزوج او الزوجة وممكن واحد يسخن الموضوع ويقولك طلقها زى هنا فى المنتدى برده صح ... ف وجه نظرى حل المشاكل مع بعض .... اما لو واحدة عاوزة تجيب حاجة لزوجها هدية وعاوز تستشير حد ماشى اما مشاكل بلاش تطلع برة

[نور القمر]

....... هههههههههههههههههه

هبحث عنه في جوجل لاني مش عارفاه

[أبومعاذ]

"المحتارة" مش كدا؟ زوجتي حكيتلي عن القسم دا بدون تفاصيل
لازم المنتدى دا يمنع الستات من انهم يحكو عليه حاجات خاصة كدا لأن على النت مفيش حاجة اسمها خصوصية و أمان و سهل ينكشف سر كل العضوات الفاضلات و دا ممكن يكون سبب في خراب بيوت كتييييييير

[mohdamin18]

البيوت اسرار و ميصحش تحت اي ظرف يبقى موجود على النت بالمنظر دا ... عايزة تتكلم تفضفض .. يبقى تتكلم مع جوزها ولا خطيبها

[A7MED_PHARMA]

السيدة الفاضلة .. إلي تفرش الملاية وتتكلم ف حق زوجها مهما كانت أخلاقه
وخصوصا لو سهل إنها تتعرف هي مين
يبقا ست مش محترمة بالمرة
ومش هتيجي تعدل أخلاق واحدة كبيرة معاها عيال بعد سنين جواز.. يبقا الحل " تسريح بإحسان"

أسرار العلاقة الزوجية لما تكون مشاع لأي حد
تبقا الست خرجت عن الحدود المسموحة إلي للأسف مالهاش حل
غير الطلاق

[نور القمر]

"المحتارة" مش كدا؟ زوجتي حكيتلي عن القسم دا بدون تفاصيل
لازم المنتدى دا يمنع الستات من انهم يحكو عليه حاجات خاصة كدا لأن على النت مفيش حاجة اسمها خصوصية و أمان و سهل ينكشف سر كل العضوات الفاضلات و دا ممكن يكون سبب في خراب بيوت كتييييييير

على فكرة في اقسام تانية الناس بتستخدم النك نيم بتاعها ياريته مقتصر على ده وخلاص هنقول مش فاهمين
وكمان مش قصدي مشاكل بالذات في مواضيع تاني على سبيل الدردشة او الاستطلاع

[أبومعاذ]

على فكرة في اقسام تانية الناس بتستخدم النك نيم بتاعها ياريته مقتصر على ده وخلاص هنقول مش فاهمين
وكمان مش قصدي مشاكل بالذات في مواضيع تاني على سبيل الدردشة او الاستطلاع

أنا شايف المشكلة الأساسية في قوانين المنتدى ده اللي بتسمح ليهم يعملوا كدا

[MaZaGAngeE]

ده ايه الموقع ده بقى ؟ عايز لينك اشوف دي محتارة ليه


مفيش ست محترمة بنت ناس تفرش ملاية لجوزها على النت
مهما كان الراجل وحش