التفحيطة علي التزليطة :d

[bido600]

طبعا عنوان غريب
اولا اانا متابعكم هنا من زمان بس للاسف مكنتش بشارك وحصل موقف كدا اي نعم هو غريب بس مش عارف ليه قالب معايا بكوميديا بغباء

امبارح خلصت امتحان وطالع متعكنن ومطبق رحت روحت قبل ما اوصل كلمت الحاجة عمللنا اكل اية قالتلي هات اكل معاك وصلت البيت قولت افوق كدا وانزل تاني وصلت جدي شبط فيا عشان اجبلو حاجات رحت جبتهالو رجعت لاقيت البيت بيولع :D:D:D

قلت هي ليله حلوة من اولها طفينا الحريقة ورحت نازل اجيب اكل بقي
اخويا الصغير شبط فيا اجي معاك قولتلة تعالي
عارفين انتو فيديو التفحيط :D:D
اللي هو زي دا
[youtube]http://www.youtube.com/watch?v=dN8-x9bJyhA[/youtube]

ورا بيتنا الشارع فاضيييييي و فية شوية رمل كدا من الناحيتين
رحت عملت زيهم والحكاية مشيت اخوية بقي فرحاااااان اية دا يعم دا انت دريفتر عالمي وانتي بقي بتسوق من كام سنة قولتلة من زمان يجي 7 سنين كدا الواد نشني عين قبل ما اوصل البيت نسيت اجيب عيش رحت راجع جبتة ورجعت في نفس الطريق وانا بلف بقي واحد ابن حلال معاه 128 وقفلي الطريق عشان الف لفيت وعديتة قدامي عشان هو محترم واول ما وصلت للحتة الفاضية روحت جبت اخر الدواسة واول مجبت 100 ورحت لافف الدريكسيون يمين وشمال ورحت جاي علي الرمل :D:D:D:D
وعينك ما تشوف الا النور بقت طفحيطة علي تزليطة علي شوية حاجات كدا لقيت انا كنت مسيطر علي الموقف لاقيت اخويا بيصوت بص بص العداد كام رحت مركز علي العداد وملحقتش الم نفسي
ببص قدامي وبقيت عامل كدا

مش عارف الم نفسي والعربية بقيت ماشية بالعرض ولا اكني ماسك الدريكسيون والشارع كلة بيتفرج والدنيا كلها تراب
كنت هرشق في عربية نقل لفيت الناحية التانية لقيت نفسي فوق الرصيف الحمدلله :D
نزلت من العربية وانا عامل كدا

ورحت منزلها من منزلها من علي الرصيف وركنتها وميت علي نفسي من الضحك بتاع ال128 وقفلي وواحد تاني انت كويس انت بخير
وانا مفيش غير النظرة دي وميت علي نفسي بيقولي اية اللي حصل شفتك واخد غرزتين كدا وبعد كدا حصل دا
قولت اعمل عبيط روحت قايلة جيت ادوس فرامل دوست بنزين
طاب تحب اوصلك انت كويس واخوك كويس
الحمدلله شكرتة ومشي
طبعا الخساير الحمدلله مفيش ولا حتي خربوش ازاي معرفش دانا سمعت اصوات وحجات

وانا من هذا المزنق احب اقول لكل الناس اوعي تنجرف لاي حاجة
والجريمة لا تبيض
السواقة ملهاش بقالي اد اية ولا ليها كبير
انا الاول كنت بقول

وكنت مجنون بغباء
دلوقتي الحمدلله عقلت

بعد تردد كبير كتبت الموضوع

[kareem_adel]

هههههههههههههههه الحمدلله احمد ربنا انها جت على قد كده وبلاش التفحيط والكلام الفاضى ده

[alfath8]

ايه يا بيدو نسيت الدراجات النارية ولا ايه راكب عربية وبتفحط كمان هابلغ عنك العمدة بس ربنا ستر وحصل خير وجت سليمة

[bido600]

هههههههههههههههه الحمدلله احمد ربنا انها جت على قد كده وبلاش التفحيط والكلام الفاضى ده

الحمدلله علي كل شي يا كريم باشا اول واخر مرة اعملها انا كنت سرعة ماشي غرز ماشي دريفتات بسيطة في ملفات ماشي لكن مش عارف لية اليوم دا افتكرت فيديو التفحيط ولما حصلي الموقف دا افتكرت احمد مكي في فيلم لا تراجع ولا استسلام لما قال لمجيفر علمني التفحيطة والتزليطة دي :D:D:D:D:D ومش عارف لية طالبه معايا اني اضحك ضحك السنين لما بفتكر اللي حصل :D:D:D

ايه يا بيدو نسيت الدراجات النارية ولا ايه راكب عربية وبتفحط كمان هابلغ عنك العمدة بس ربنا ستر وحصل خير وجت سليمة

اية دا استاذ محمد
متقتلنيش متعزبنيش متحرقنيش متقولش للعمدة :D:D:D:D
والله ولا نسيت البيكس ولا حاجة كل ما في الامر اني بنزل البيت من الساعة 6 الصبح عشان اوصل عين شمس 7 اراجع شوية وادخل الامتحان واول يوم رحت بالبيك نزلت متجمد بمعني الكلمة وكنت عامل زي كدا
مش عارف اية حكاية الصور :D

وخصوصا ان اخوك مش مهتم بالسيفتي خالص :D:D:D:D
قلبي كان حاسس اني هتقفش هنا وهتقيموا عليا الحد :D:D:D

[pro_samir]

أيوا عارفه الاحساس ده

[a7madramadan]

ربك قدر ولطف :d بس طالما مش بتعمل دريفتات كتير ما تبداش علطول بالسحبات الطويلة دي عشان لما بتفوت السيطرة صعبة قوي قوي ....... الحمد لله بس ضحكتني ههههههه :d ربنا يسلم طريقك وطريق الجميع

[elmkaneeki]

اكشف طيب عالعفشة

[bido600]

أيوا عارفه الاحساس ده

ههههههه احساس فظيع الصراحة :D:D:D

ربك قدر ولطف :d بس طالما مش بتعمل دريفتات كتير ما تبداش علطول بالسحبات الطويلة دي عشان لما بتفوت السيطرة صعبة قوي قوي ....... الحمد لله بس ضحكتني ههههههه :d ربنا يسلم طريقك وطريق الجميع

الحمدلله دا فضل من ربنا
المشكلة ان اول مرة مشيت تمام تاني مرة انا اتخضيت لما اخويا صوت عشان كان خايف من السرعة فنا معرفتش هو بيصوت لية فبصيت علي العداد وسيبت الطريق خالص وركزت كل تركيزي معاه ومع العداد وايقنت اني المفروض كنت اعدل نفسي ومعدلتش
ويئما البس في عربية نقل يئما الرصيف الحمدلله اخترت الرصيف
وتوبة من دي النوبة :D:D:D:D:Dd مالها السواقة بادب فل الفل والله

اكشف طيب عالعفشة

الحمدلله العفشة سليمة انا اللي كنت خايف علية الجنوت اول حاجة اتخبطت الجنط اللي عندي

ومن ساعتها حاسس ان العربية زعلانة مني مش عارف لية والله
يمكن عشان فرجت الناس عليها :D:D

[mohammedabdallh]

طب العداد كان كام
خضتنى عليك يا معلم فى حد يعمل كدا وجنبه عيل صغير

[bido600]

طب العداد كان كام
خضتنى عليك يا معلم فى حد يعمل كدا وجنبه عيل صغير

والله يمحمد باشا انا مش عارف كان مالي اليوم دا المواقف كانت عماله تيجي ورا بعضيها من الوحش للاوحش كان يوم ما يعلم بية الا ربنا

انا كنت ماشي 40 كدا اول ما الطريق فتح جبت اخر الدواسة اول ما جبت ال 100 رحت اخر الدريكسيون يمين علي شمال وكابس بنزين اكتر وعلي الرمل عشان الدريفت يكمل كنت ساعتها من 130 ل 140 انا فاكر اول ما بصيت كان بين ال 130 وال 140 وكنت المفروض هاخد اليو تيرن بالدريفتاية بس لما انشغلت بالعداد كنت قريب قوي قوي وملحقتش اخدة وكان وش العربية الناحية التانية رحت عشان اتفادي العربية النقل رحت لافف النحية التانية وفرملة مع الهاند والرمل طبعا عمل مفعولة السحري وتقدر تقول بقي هنا فقدت السيطرة تماما ومرة واحدة لقيت نفسي فوق الرصيف
مش عارف لية بس انا بجد غبي جدا اني عمل كدا
بس الحمدلله ربنا ستر

[alfath8]

ربك كريم وربنا سترها معاك وطول ما انتا فى نايل موتور هاتتقفش يعنى هاتتقفش

[bido600]

ربك كريم وربنا سترها معاك وطول ما انتا فى نايل موتور هاتتقفش يعنى هاتتقفش

الحمد لله علي كل شي
كدا يا محمد باشا يهون عليك الخوزة والبيك
تاخدوني عضم وترموني لحم :d:d:d:d

[mohammedabdallh]

والله يمحمد باشا انا مش عارف كان مالي اليوم دا المواقف كانت عماله تيجي ورا بعضيها من الوحش للاوحش كان يوم ما يعلم بية الا ربنا

انا كنت ماشي 40 كدا اول ما الطريق فتح جبت اخر الدواسة اول ما جبت ال 100 رحت اخر الدريكسيون يمين علي شمال وكابس بنزين اكتر وعلي الرمل عشان الدريفت يكمل كنت ساعتها من 130 ل 140 انا فاكر اول ما بصيت كان بين ال 130 وال 140 وكنت المفروض هاخد اليو تيرن بالدريفتاية بس لما انشغلت بالعداد كنت قريب قوي قوي وملحقتش اخدة وكان وش العربية الناحية التانية رحت عشان اتفادي العربية النقل رحت لافف النحية التانية وفرملة مع الهاند والرمل طبعا عمل مفعولة السحري وتقدر تقول بقي هنا فقدت السيطرة تماما ومرة واحدة لقيت نفسي فوق الرصيف
مش عارف لية بس انا بجد غبي جدا اني عمل كدا
بس الحمدلله ربنا ستر

قول الحمد لله
وبسيطه انها جت على قد كدا
وده تحذير علشان متعملش كدا تانى

[bido600]

قول الحمد لله
وبسيطه انها جت على قد كدا
وده تحذير علشان متعملش كدا تانى

الحمد لله انها جت علي قد كدا وخصوصا ان العربية دي عزيزة عليا قوي ولو كان حصلها حاكة كنت هفضل زعلان عليها
والحمدلله دي كانت اول واخر مرة اعملها
بس لو في عربية تانية عادي اشطة نجربها تاني :D:D:D:D:D
بهزر والله