ما هو رأيك في اعتذار شيخ الازهر عن مقابلة وزير خارجية ايطاليا

[aif]

كان فيه موعد في مشيخة الازهر .... وزير الخارجية الايطالي اتأخر
شيخ الازهر انصرف واعتذر عن اللقاء لتأخر الوزير دون ابداء الاسباب
.....
انا شايف ان شيخ الازهر بيحاول يكسب شعبية على حساب ضيف جاي يزور المشيخة
الشوارع زي الزفت مروريا .... ودي مش غلطة ايطاليا يعني
وكمان الوفد الايطالي مش هو اللي بينظم برنامج الزيارات .... دي مهمة الوفد المرافق له اللي هو مصري ...... انا افتكرت بعض تصرفات عمرو موسى لما بيحب يعمل مواقف بطولية من لا شيئ

[abou-yahia]

معاك

شايفها كماتوافرت الانباء عنها

محاوله للتأسد بدون خسائر

[Lion_Heart]

كان فيه موعد في مشيخة الازهر .... وزير الخارجية الايطالي اتأخر
شيخ الازهر انصرف واعتذر عن اللقاء لتأخر الوزير دون ابداء الاسباب
.....
انا شايف ان شيخ الازهر بيحاول يكسب شعبية على حساب ضيف جاي يزور المشيخة
الشوارع زي الزفت مروريا .... ودي مش غلطة ايطاليا يعني
وكمان الوفد الايطالي مش هو اللي بينظم برنامج الزيارات .... دي مهمة الوفد المرافق له اللي هو مصري ...... انا افتكرت بعض تصرفات عمرو موسى لما بيحب يعمل مواقف بطولية من لا شيئ

ممكن يكون فى تفاصيل تانية غير معلومة
ابسطها انه يكون اتاخر وقت طويل و لم يعتذر بسبب
او ان فى المشيخة اتصلوا بالوفد و محدش رد منهم

اقصد الله اعلم بالتفاصيل اللى عليها تم اتخاذ هذا القرار

[aif]

ممكن يكون فى تفاصيل تانية غير معلومة
ابسطها انه يكون اتاخر وقت طويل و لم يعتذر بسبب
او ان فى المشيخة اتصلوا بالوفد و محدش رد منهم

اقصد الله اعلم بالتفاصيل اللى عليها تم اتخاذ هذا القرار

..... ممكن طبعا
وكمان ما تنساش ان اليومين دول قانون انتخاب شيخ الازهر على وشك الاصدار

[mustafavet]

بطل من ورق

[human]

ممكن يبعتله ميسد او رساله او حتى كلمنى شكرا

[katz]

و هو برضه يا aif يا اخويا وزير خارجية ايطاليا هيتأخر بسبب المرور امال الموتسيكلات وعربيات النجده اللي بتون وتفتح الطريق هتشتغل عشان مين
وبعدين اكيد شيخ الازهر برضه ما مشيش بعد الميعاد بعشر دقائق واكيد اتصل قبل ما يمشي يسأل ايه الاخبار ياجماعة

[ACC.Eslam Arif]

متهيئلى احنا عرفين ياعنى ايه شيخ الازهر

[rompo10]

ممكن يكون عاوز يعمل وضع لمصر امام العالم وانها مش دوله ضعيفه والله اعلم

[AhMeD EzZ]

والدي شغال في سفارة ايطاليا و كان من ضمن المسئولين عن الوفد بتاع وزير الخارجية

النهاردة كان البروجرام بتاعهم الصبح في سفارة ايطاليا ثم في جامعة عين شمس و الي انا طالب فيها و عارف يعني ايه لما بيبقي فيها امتحانات زي النهاردة العباسية لحد الخليفة المامون كل دة بيبقي مقفول و بعدها يطلعوا باين علي المتحف المصري ثم الازهر الشريف

و السفارة اصلاً مكانها في كورنيش النيل بعد فم الخليج يعني حتة المرور فيها زفت

كل دة و في الاخر تم الغاء المعاد بدون اعلام الوفد

[ACC.Eslam Arif]

وزير خارجية إيطاليا يزور شيخ الأزهر فى منزله ويعتذر له



أصر وزير الخارجية الإيطالى جوليو تيرزى، على إتمام لقائه مع الإمام الأكبر الدكتور أحمد الطيب شيخ الأزهر، والذى كان من المقرر عقده فى المشيخة، إلا أن تأخر الوزير عن موعده جعل شيخ الأزهر يغادر المشيخة دون لقائه، وهو ما جعل الوزير الإيطالى يصر على زيارة شيخ الأزهر بمنزله فى مصر الجديدة، تأكيداً منه على احترامه لمقام الأزهر وفضيلة الإمام الأكبر.

وقال السفير محمود عبد الجواد المستشار الدبلوماسى للأمام، أن فضيلته استقبل بمنزله بمصر الجديدة وزير خارجية إيطاليا وبصحبته الوفد المرافق والسفير الإيطالى، حيث تناول اللقاء العلاقات المصرية الايطالية من النواحى الثقافية والاجتماعية، وذكر الوزير الإيطالى أن الجالية المصرية بايطاليا تبلغ 100 ألف مصرى ووجه وزير الخارجية الدعوة للإمام الأكبر لزيارة إيطاليا فى الوقت الذى يحدده.

أضاف الوزير الإيطالى، أن وثيقة الأزهر وبيان الأزهر عن الحريات كان له مدلول طيب وتأثير إيجابى على الحكومة الإيطالية والشعب الإيطالى.

ووجه الوزير الشكر للإمام حول تصريحاته فى علاقة الإسلام بالأديان الأخرى، مشيداً ببيت العائلة الذى يضم مسلمين ومسيحيين.


youm7.com

[AhMeD EzZ]

و هو برضه يا aif يا اخويا وزير خارجية ايطاليا هيتأخر بسبب المرور امال الموتسيكلات وعربيات النجده اللي بتون وتفتح الطريق هتشتغل عشان مين
وبعدين اكيد شيخ الازهر برضه ما مشيش بعد الميعاد بعشر دقائق واكيد اتصل قبل ما يمشي يسأل ايه الاخبار ياجماعة

علي فكرة مفيش اي دبملوماسي اجنبي بيمشي بحراسة من الشرطة حالياً غير عربية من سفارة الدولة

و رؤوساء الدول بس هما الي بيبقي معاهم حراسة و موتسيكلات شرطة

حتي الاعلام الي علي العربيات في المواكب الرسمية مش بيحطوها خوفاً من اي احتكاك

[abou-yahia]

شكلها فيها موضوع
لانه في نفس اليوم زار المفتي في دار الافتاء

https://www.facebook.com/photo.php?fbid=366293826730183&set=a.224661137560120.77004.172793899413511&type=1&theater

[dolly13]

..... ممكن طبعا
وكمان ما تنساش ان اليومين دول قانون انتخاب شيخ الازهر على وشك الاصدار

وماننساش برده انه اول واحد نادى بانتخاب شيخ الازهر . ده لو انا فاكرة كويس

[Ahmed_lol2007]

بصراحة أنا معاه تماما طالما مش إحترم معاده معاه ولا حتى إعتذر يبقى لازم شيخ الازهر كان يمشى
والوزير لما راح للشيخ فى بيته أكيد عشان عارف إنه الموقف اللى حصل مع الشيخ موقف مش ظريف