إعـــــــلان

Collapse

.

,
See more
See less

حد راح وادى الريان

Collapse
X
 
  • Filter
  • الوقت
  • Show
Clear All
new posts

  • حد راح وادى الريان

    و انا قاعد كده فى الساقعه و بذاكر و الحاله طين فكرت و قولت يا واد يا مصطفى هتخرج فين مع اصحابك فى الاجازه دى - دا اذا كان فيها خروج و ربنا يباركلنا فى الثوره -
    فجه فى بالى وادى الريان - المكان اللى اتصور فيه كابتن هيما -و قولت مكان جديد مرحتهوش قبل كده
    قيا ريت لو حد راح او هيروح او عارف حد راح او مراحش يقولنا اى حاجه عن هذا المكان المجهول

  • #2
    لآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآه

    بلاااااااااااااااااااااااااااااش ارجوك

    اقوم اشرب بق مية عشان انسي ذكرياته اجي احكيلك
    [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
    لن نطيَل آلمكوُث فيهآ . . !
    فلمآذآ آلكدَر ؟!
    وهُنآك ربّ آلبشر
    إن عصينآ ستر وإن تبنآ غفر
    إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
    ابتسم وعيش احلى حياه[/COLOR][/CENTER]

    Comment


    • #3
      ايه يا معلم انت هتخوفنى من اولها ولا ايه

      Comment


      • #4
        المشاركة الأصلية كتبت بواسطة mostafa mahmod مشاهدة المشاركة
        ايه يا معلم انت هتخوفنى من اولها ولا ايه
        معلم مين يا باشا
        دي ست البنات .... الدكتورة ضحى
        [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
        [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
        [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

        Comment


        • #5
          ههههههههههههههههههههه..اخجلتم تواضعي ياحج احمد
          [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
          لن نطيَل آلمكوُث فيهآ . . !
          فلمآذآ آلكدَر ؟!
          وهُنآك ربّ آلبشر
          إن عصينآ ستر وإن تبنآ غفر
          إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
          ابتسم وعيش احلى حياه[/COLOR][/CENTER]

          Comment


          • #6
            المشاركة الأصلية كتبت بواسطة aif مشاهدة المشاركة
            معلم مين يا باشا
            دي ست البنات .... الدكتورة ضحى
            معلش بقى العتب عالنظر

            Comment


            • #7
              ايه يا جدعان مفيش حد راح ولا ايه

              Comment


              • #8
                انا شخصيا أشجعك وبشدة
                بس علشان تجهز للرحلة دي
                لازم العربية يكون حالتها 10/10 لانك هتمشي في منطقة زي صحرا لحد لما توصل جوه لحد وادي الريان
                اعمل حسابك انك طالع مكان تقريبا شبه الصحراء يعني تاخد كل معداتك وموادك الغذائية والمياه الكافية ليكم معاك (في كافتريا هناك بس آخرها تعمل شاي) ومفيس اي سوبر ماركت قريب

                المكان ده مش للعوم او نزول البحيرة كل المتعة اللي فيه هي منطقة الشلالات
                وخصوصا الشلال الافضل فيهم ده

                انا بحب اقف تحت الشلال ده في تجويف كده في الصخر تقف فيه والمياه نازلة قدام منظر وشعور رائع

                ممكن تدخل على جوجل واكتب وادي الريان وشوف الصور هتعجبك جدا

                احذر من الطحالب البحرية اللي ممكن تتسبب انك تقع وممكن تتصاب او تتزحلق من على شلال

                هي بالنسبة لي رحلة ممتعة جدااااااا بس محتاج صحبة حلوة وعدد كبير

                Comment


                • #9
                  الف شكر يا باشا
                  طب لو انا هروح باوتوبيس ( مينى باص ) هنأجره و نطلع انا و كتير من اصحابى هل هيعرف يدخلنا جوه و لا مش هيعرف و لو دخلناها مشى كتيره ولا ايه
                  و اخر سوال اروحلها ازاى من القاهره

                  Comment


                  • #10
                    المشاركة الأصلية كتبت بواسطة mostafa mahmod مشاهدة المشاركة
                    الف شكر يا باشا
                    طب لو انا هروح باوتوبيس ( مينى باص ) هنأجره و نطلع انا و كتير من اصحابى هل هيعرف يدخلنا جوه و لا مش هيعرف و لو دخلناها مشى كتيره ولا ايه
                    و اخر سوال اروحلها ازاى من القاهره
                    لو اجرت مايكروباص طبعا هيدخلك لحد جوه
                    مواصلات آخرك هتركب للفيوم وبعد كده تشوف حد يوصلك بس اعتقد ممكن ياخد مبلغ كبير وبعد كده يرجع ياخدك
                    على فكرة الطريق اللي في الرمل كويس ومفيش غرز وكلام من ده
                    لكن بقولك عربية كويسة من حيث انها تكون متصانة كويسة وخالية من الاعطال
                    ومشي طبعا مستحيل لانها بتاخد بالعربية حوالي نص ساعة والرجوع آخر النهار بعد تعب اليوم مرهق
                    بص ياباشا انتوا ممكن تاخدوا ميكروباص سوزوكي 7 اشخاص من القاهرة هيبقى كويس وموفر وهيقعد يستنى معاكم
                    وآخره 150-200جنيه
                    او اجر ميكروباص تويوتا 250-300 جنيه

                    على فكرة انا رحتها مرتين بعربية البرايد العصفورة وكنا 4 اشخاص في العربية
                    و 3 مرات بعربيتي الريو منهم مرة كنا 5 اشخاص

                    والدنيا زي الفل
                    المكان ده من احب الاماكن لقلبي

                    Comment


                    • #11
                      أنا رحته قبل كده مرتين...مرة بالعربية و مرة بأوتوبيس هو و وادى حيتان.

                      وادى حيتان أنساه شوية...........طريقه صعب شوية و بعد وادى الريان.

                      وادى الريان...........الطريق كله زى الفل و عادى جداً............ما عدا أخر كيلو أو أتنين دول عبارة عن مدق مش طريق أسفلت.....بس ولا فيه غرز و لا حاجة........كل ما فى الموضوع أنه مكسر شوية.

                      و زى ما قالك أبو صلاح........الموضوع محتاج صحبة و لمة علشان يبقى ظريف.

                      هناك مفيش حاجة تتعمل زى ما قالك ما عدا أنك تتفرج على الشلال و ممكن تاخد مركب تلف بيك فى البحيرة شوية.

                      قبل ما توصل لوادى الريان فيه حاجتين تانين يستحقو الزيارة.............قصر قارون........او بالأصح ما تبقى منه و بحيرة قارون........و دى فيها بعض القرى السياحية البسيطة جداً .........ممكن تأجر فيها شاليه يساع فردين ب 180 جم على ما أذكر........بس تكون مظبط قبلها علشان القرى صغيرة و كل اللى فيها 7 أو 8 شاليهات.

                      و فيه برضه قرية (عادية مش سياحية) تانية بس مش على البحيرة و أسمها قرية تونس..........القرية دى مشهورة جداً بصناعة الأوانى الفخارية......و فيها بعض القرى السياحية البسيطة قوى........على ما أذكر كان فيهم واحدة فيها حمام سباحة حوالى 20 متر مربع :)

                      راجع الموضوعين دول لمزيد من التفاصيل



                      [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                      [/CENTER]

                      Comment


                      • #12
                        الف شكر يا جدعان و الله
                        انا كل حاجه بلاقيلها حل على نايل موتورز

                        ربنا يكرمكوا

                        Comment


                        • #13
                          المشاركة الأصلية كتبت بواسطة icehearted girl مشاهدة المشاركة
                          لآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآه

                          بلاااااااااااااااااااااااااااااش ارجوك

                          اقوم اشرب بق مية عشان انسي ذكرياته اجي احكيلك
                          تقريبا كده بق المياه بتاع حضرتك سبب قطع في المياه في منطقتنا ليومين متواصلين


                          كل ده بق مياه ؟

                          انا بجد مستني ايه اللي ضايقك من المكان ده ؟

                          Comment


                          • #14
                            انا روحتها من 4 سنين تقريبا
                            الدخول مجانا على ما اتذكر ومفيش تذاكر دخول لأنها محمية طبيعية
                            تروح بعربيتك عادي جدا
                            تقدر تستمع بالشلالات
                            تاخد مركب وتنزل البحيرة
                            تشوف صائد الثعابين يطلعلك الكوبرا وبقية التعابين من الرمل
                            لو هتخيم هناك يوم او اتنين هتشوف الحيوانات الليلية واشهرهم ثعلب الفنك طبعا
                            بحيرة قارون من اجمل الاماكن اللي ممكن تشوفها قبل وادي الريان طبعا
                            ممكن تروح وادي الحيتان برده بس بينه وبين وادي الريان اعتقد 25 كم طريق مدق -ان لم اكن مخطيء-
                            انا عايز اروح والله بس مش لاقي حد يشجعني :d
                            Ashraf_Ibrahim

                            Comment


                            • #15
                              انا اقول لحضرتك...انا شغلي قبل مدخل ابشواي والاوبرج دا بشوية فساعتها رحت بعد الاوبرج لحد البحيرة وقلنا بالمرة نروح وادي الريان سألنا كام كيلو؟؟ لقينا ناس متطوعين بيقولولنا 20 كيلو

                              وعنكم بقالي بعد 20 بنسأل يقولوا 40..مشينا مسافة بشعة وطبعا الطريق بين الزراعة والترعة رايح جاي ومطبات ما انزل الله بها من سلطان غير كمية الحوادث ف الطريق وصمدنا وكملنا لحد ملقيت البنزين يادوب يرجعني بلعافية ادور علي بنزين بح مفيش غير 80

                              طبعا رجعت وكلنا أمل نكرر التجربة مرة تانية...وفعلا فولنا التانك من وطنية قبل مدخل ابشواي ودخلنا مشينا بلاد تشيلنا وبلاد تحطنا...

                              لحد موصلنا فعلا المدخل ودفعنا رسوم تقريبا 10 جنيه جاجة كدا... ودخلنا مشينا ف رمال مسافة 12 كيلو ربك والحق منظر الرمال نفسها ومرتفاعتها ومنخفضاتها هو دا المنظر الوحيد اللي شدني وعجبني سبحان الخالق..بعد كدا بتمشي ف مدقات وبتتحول العربية ل vibration من الطوب والزلط لحد متوصل قرب البحيرة..هتلاقي كمية باصات ورحلات ما انزل الله من سلطان

                              مفيش غير كافتريتين ف منتهي السوء والحمامات انسي تماما

                              منظر البحيرة مشوة من كتر الناس اللي نازلة تغسل همومها _وهدومها برده_

                              بقينا بنتسائل طب فين الشلالات دي..مش شايفنها فعلا...لقينا حتة مقطوعة كدا فيها شوية زرع .. والمفروض الصخرة اللي نازلة دي شلال

                              شلال؟؟ ينهار ابيض دنا ريحة وعاملة حسابي ابص برقبتي لفوووووووووووووق

                              اقوم ابص تحت؟؟ اتصدمت بصراحة..دا غير كمية للناس اللي قعدة جوا عشان المية تنزل عليها ولا كأنه حمام كليوباترا مثلا..فكرتني بماسورة مجاري ضاربة ف ش من شوارع القاهرة

                              دي نافورة اللي ورا تمثال نهضة مصر احلي ميت مرة منها

                              من ساعتها كرهت كلمة شلال..وكرهت فيلم تامر حسني اكتر من كارهه تامر شخصيا

                              وكرهت الفيوم اكتر واكتر وندمت جدا ع اليوم اللي باظ
                              [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
                              لن نطيَل آلمكوُث فيهآ . . !
                              فلمآذآ آلكدَر ؟!
                              وهُنآك ربّ آلبشر
                              إن عصينآ ستر وإن تبنآ غفر
                              إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
                              ابتسم وعيش احلى حياه[/COLOR][/CENTER]

                              Comment

                              Working...
                              X