استفسار عن لاب توب

[Ralliart]

يا جماعة محدش هايثبت على ماركة
يعنى واحد يقول ديل تعبان
واحد تانى يقول ديل ممتاز
و قيس على كدة فى كل الماركات
كل واحد بيتكلم من وجهة نظره و تجربته
يعنى واحد جاب جهاز توشيبا و طلع فيه مشكلة فاخد فكرة وحشة عن الماركة و اتشائم منها و يقول توشيبا وحش على عكس واحد تانى معاه الجهاز و شغال تمام و مقابلش مشاكل بيقول جهاز محترم
هى فعلا بتحصل غصب عن الواحد لو اشترى جهاز و حظه ان الجهاز طلع معيوب بيتشائم من الماركة و طبعا اى حد يسالوا عن الماركة بيقولوا ماركة تعبانة و دة يقول لغيره
هى ماشية كدة :)

الكلام ده يسري على كل الماركات الا hp مشفتش حد الجهاز كمل معاه سنة من غير مشاكل!

[megamoudy]

محدش شكر خالص ف الاتش بي لا حول ولا قوة الا بالله :)

[Dr_Mido]

هات ديل او لينيفو ا واسوس او توشيبا او متجبش خالص بس متحطش ال اتش بى فى حسبانك والترتيب اللى انا حاطه دة من وه نظرى بناء على تجربه كل الماركات دى

[megamoudy]

انا هفتح الموضوع تاني ........ حد عارف جهاز اسمه

Dell vostro 1540

[ayman_omer2007]

بعتلك على الخاص

[ainshouka]

انا حقولك تجربتى مع التوشيبا فقط لانى مجربتش غيره

انا شاريه من شهر 9 اللى فات

موديل : ساتيلايت

core i3

vga intel 64 MB up to 1 giga

Hard disk 320 GB
RAM 2GB
سعره كان 3100 جنيه
وقت ماشتريته خليتهم يغيرولى الهارد بواحد 500 جيجا ويزودوا الرامات الى 4 جيجا ودفعت فرق 400 جنيه

الجهاز انا مش عامله للعب اوى بس بشغل عليه NFS most wanted وشغالة كويس بدون اى مشاكل

الجهاز وقع منى مرة قبل كده لانى كنت فاكر انى قافل الشنطة بتاعته وطلعت مفتوحة ومحصلوش حاجة
مش معنى كده انه خارق بس ربنا لطف

الجهاز بيقعد بطاربته 3 ساعات وربع تقريبا


هى خامته مش شيك زى الانواع الباقية

[micromoud]

أنا شايف يا جماعه ان كل الاجهزة زى بعض الفرق بيكون لصالح التقفيل والانسيابيه والوزن والكماليات فقط لا غير أما موضوع السخونه ده فانت لازم تفهم ايه اللى بيسخن فى الجهاز... طبعا الرد هيكون "البروسيسور "وكل الاجهزة المذكورة حاليا فيها نفس المعالج وفيها نفس كارت الشاشة والذاكرة يبقى كده الاختلاف فى البورد وبما ان البورد مش هى السبب الاساسى فى ان الجهاز يسخن فتستنتج من كده ان اللى بيفرق فى الجهاز مدى استخدامك ليه وهل انت اصلا عندك المقدرة انك تفرق ما بين عيوب السوفت ويير والهارد وير ولا لا طب منت جهازك ممكن يكون فيه فيروسات وبيحصل معاك مشاكل فى كل برنامج والجهاز بطىء فى اللعب يبقى اكيد انت لو مش واخد بالك هتحكم على ان الجهاز صناعته وحشة ورديئة... عشان كده انا شايف ان انت لما تشترى جهاز لازم تبقى محدد انت هتشتغل على ايه وتركز على مواصفات البروسيسور وكارت الشاشة والرامات والضمان والاهم امكانياتك عشان مترميش فلوس فى حاجه انت مممكن مش تستفاد بيها ومتركزش فى موضوع بقى بيسخن ولا لا دا رأي

[megamoudy]

شكرا لردودكو يا جماعه
:)

[د.اشرف هنداوى]

السوني رائع عن تجربة جازين لمدة 10 سنوات مشكلته : سعر اغلي شوية و بطارية ضعيفة شوية

[Ralliart]

أنا شايف يا جماعه ان كل الاجهزة زى بعض الفرق بيكون لصالح التقفيل والانسيابيه والوزن والكماليات فقط لا غير أما موضوع السخونه ده فانت لازم تفهم ايه اللى بيسخن فى الجهاز... طبعا الرد هيكون "البروسيسور "وكل الاجهزة المذكورة حاليا فيها نفس المعالج وفيها نفس كارت الشاشة والذاكرة يبقى كده الاختلاف فى البورد وبما ان البورد مش هى السبب الاساسى فى ان الجهاز يسخن فتستنتج من كده ان اللى بيفرق فى الجهاز مدى استخدامك ليه وهل انت اصلا عندك المقدرة انك تفرق ما بين عيوب السوفت ويير والهارد وير ولا لا طب منت جهازك ممكن يكون فيه فيروسات وبيحصل معاك مشاكل فى كل برنامج والجهاز بطىء فى اللعب يبقى اكيد انت لو مش واخد بالك هتحكم على ان الجهاز صناعته وحشة ورديئة... عشان كده انا شايف ان انت لما تشترى جهاز لازم تبقى محدد انت هتشتغل على ايه وتركز على مواصفات البروسيسور وكارت الشاشة والرامات والضمان والاهم امكانياتك عشان مترميش فلوس فى حاجه انت مممكن مش تستفاد بيها ومتركزش فى موضوع بقى بيسخن ولا لا دا رأي

كلام حضرتك صحيح وكارت الشاشة هو كمان بيسخن ،المشكلة هنا في تصميم الـcase نفسها وتوزيع الهواء فيها وفتحة دخول الهواء ونوعية المروحة والمبرد النحاس وطبعاً الخامات بتفرق خصوصاً ان hp بيقشر من الحرارة
يعني مثلاً جهاز زي alien ware بيكون خارق بس مش بيسخن بالدرجة الرهيبة دي لان تصميمه موزع الهواء كويس

[shery103]

محدش بيجتمع على ماركة على فكرة ، كل واحد و اللى جربه
انا مثلا لابتوبى HP ، و اللى قبله HP و عمره دلوقتى 6 سنين و لازال شغال فى البيت
و عندنا لابتوب تالت فى البيت برضو HP بقاله 5 سنين و مشفناش منه اى مشاكل
انا شخصيا بغير HP ب HP برضو لانى متعودة عليه و بحترم الماركة دى ، و توكيلها كويس جدا ، المشكلة الوحيدة اللى قابلتها كانت سلك الشاحن اتقطع ، و كان سوء استخدام من عندنا فعلا !! و اتغير فى الضمان ببلاش ، و برضو مش هقول ان ال dell و ال toshiba وحشين لأ خالص ، بس كل واحد و اللى بيرتاحله

[megamoudy]

الظاهر الموضوع بيكون نصيب :d

[alfath8]

طيب لبلد التصنيع مثلا الديل ايرلندى مثلا الموجود الوقتى صينى ده يفرق كتير ولا الخامات واحدة والتجميع بس هو اللى بيحتلف

[megamoudy]

طيب حد هنا جرب
hp dv6

في فيديوهات ليه حلوة على النت

[megamoudy]

محدش قالي معلومة عن
hp dv6