طلب مساعده من اهل المنصوره

[FunnyMickey]

سلام عليكم
انا عندي شغل لمده يومين في المنصوره
جمعه وسبت
ومعنديش فكره عن اي حاجه لاني اول مره اروح المنصوره

اولا انا رايح مواصلات فمش عارف احجز سوبر جيت منين
ثانيا : فيه اقتراحين

1- اقرص علي نفسي واخلص شغلي في يوم واحد وانجز وارجع في نفس اليوم
2- لو فيه اماكن نتفسح فيها ممكن اخد مراتي معايا ونقضي ويك اند ويبقي شغل وفسحه في نفس الوقت
ايه بقي الاماكن اللي الواحد يتبسط فيها كده

3- اسمع ان فيه مكان في المنصوره زي الحرفيين كده فيه قطع غيار استيراد الكلام ده صحيح ولا لا ؟
4- ياريت ترشحولي اماكن كويسه للحجز لو حبات هناك انا ومراتي واخبار الاسعار ايه

أرجو المساعده لاني لسه مش عارف ححجز الخميس والجمعه الجايين ولا اللي بعدهم

[freeman207]

تيجى بالسلامة ان شاء الله
المواصلات كتير جدا
عندك السوبرجيت هتركب من محطة القللى فى رمسيس
او ميكروباص برضه من رمسيس
او القطار
او ميكروباص من موقف عبود
اماكن للفسح مش زى القاهرة طبعا اخرك تنزل تتمشى على شارع المشاية ولب وترمس وكده
تتعشى احلى فول وطعمية فاى العالم عند مطعم البغل فى شارع الجلاء
وطبعا فى كنتاكى وكوك دور ومؤمن
البيات او النوم يبقى مارشال الجزيرة
الاسعار معرفش هات تيلفونهم من الدليل واحجز قبل ماتيجى احسن
واى خدمة

[FunnyMickey]

الف شكر ياباشا
وبانتظار اراء باقي الاعضاء

[A7MED_PHARMA]

المنصورة
تروح عند الكتب .. هتلاقي هناك الشباب الي مظبطه عربياتها
وتروح موقف التلاجة
لو عاوز تشوف الناس بتوع الاستيراد
وتنزل السكة الجديدة(شارع) لو عاوز تعمل شوبينج خفيف
ولو ع التمشية
يبقا المشاية أو تروح الجزيرة... بتاعت العشاق ههههههههههههههه
البيات ماعرفش بصراحة

والاحسن
روح بعربيتك.. المنصورة ممكن تلف فيها كتيرررررررررررر

[FunnyMickey]

لا يافارما
عربيتي لا
انا مش ناقص هسهس
انا رايح مواصلات

[kareem_adel]

تعالا يباشا وانا هظبطك هفسحك المنصورة كلها فى ساعة الا ربع ههههههههه هيا اساسا صغيرة بالنسبة للخروج فهيا مفيش غيرها المشاية كلها محلات لبس وكام كافيه على كام مطعم او تطلع تقعد عند الكتاب تدام كلية حقوق بس ده للشباب اللى مظبطين ومنفخين عربياتهم ههههه وكده عندك الاقامة فى فندق مارشال او رمادا هوا انضف فندق بس رمادا غالى فخليك مارشال احسن او تعالا بات عندى يباشا تنور والله بالنسبة للفسح للاسف مفيش اخرك تروح كام نادى معفن كده اسمه الحوار ونادى الجزيرة او استاد المنصورة او ممكن تروح تاكل فى مطعم او تتمشى على الكورنيش بالنسبة للمنطقة الى زى الحرفين فهيا مش زى الحرفين بردو اوى هههه دى اسمها الحسنية فيها معظم الحاجات اللى تحتاجها يعنى لعربيتك بس يباشا فى مدينة جنب المنصورة اسمها السنبلاوين دى بقا تقريبا بيصنعو عربيات هناك مقطورات النقل بتتعمل هناك فى هنا سمكرية فظاع بيطلعوا العربيات فبريكة فى نصب كتير فى العربيات عندنا عشان الصنايعية معظمهم شغلهم عالى اوى من الاخر البلد هتعجبك كمدينة تعيش فيها بس انما تخرج وتتفسح فمفيش حاجة التاكسيات عندنا بالنسبة للقاهرة رخيصة جدا يعنى اتخن مشوار اخره 5 جنيه بس ادفع ثلاتة بس هههههه لما تيجى بس ان شاء الله قلى وانا هظبطك وهقلك على كام مطعم كده نضاف تروح فيهم انتا والمدام بس بردو ميتقارنوش ببتوع القاهرة عشان متندمش هههههه

[FunnyMickey]

ربنا يخليك ياكريم باشا

ماهو طالما مفيش فسح يبقي مفيش داعي اجيب المدام
وممكن كده اعمل شغلي كله وارجع في نفس اليوم
وكويس اني عرفت موضوع التكاسي ده
لاني حنزل من السوبر جيت
حروح مكان اسمه مصنع عقل بتاع الفوانيس
طريق دمياط السريع ـ طلخا ـ المنصورة
مش عارف بقي ده انزل فين بالظبط ولا اركب ايه

[kareem_adel]

لا المشوار ده يعمله 10 جنيه يباشا هههههههه انا بنصحك من الاول ممكن تديله سبعة لان طريق دمياط طلخا بعيد شوية عن المنصورة ده عند الموقف الجديد

[FunnyMickey]

يعني الافضل اني انزل في الطريق ولا انزل المنصوره واركب من هناك
والاهم بقي
المصنع ده في حته مقطوعه اخلي التاكسي يستني ؟
ولا عادي الطريق شغال

[Samah AbdAllah]

متاخدش المدام هتتحسب عليها فسحة عالفاضى
مفيش اماكن للفسح
ممكن تخلص شغلك فى يوم ومتلاقيش حاجة تعملها تكمل بيها باقى اليوم

[kareem_adel]

لا الافضل تخليه يستنا بس لو هطول جوا اتفق معاه من الاول انك هتديله كام عشان ميستغلكش عشان لو المصنع على الطريق السريع يبقا صعب تلاقى تاكسى يقفلك

[FunnyMickey]

ربنا يسترها
شكله مشوار لبط
:)

[mohdamin18]

المنصورة مش بتاعت خروجات ... المنصورة بتاعت سندوتشات

[Samah AbdAllah]

المنصورة ولا بتاعة خروجات ولا ساندويتشات ولا حتى مظاهرت
المنصورة دى تبع انهى دولة :))

[FunnyMickey]

ههههههههههههه
ايه ياجدعان انتو جوعتوني
انا مش حاكل من دلوقتي