مساعدة فى مشروع مغسلة سيارات

[hafez2001_a]

السلام عليكم
ارجو لو اى حد عنده معلومات عن هذا المشروع يساعدنى و ياريت لو واحد عنده مغسلة او يعرف حد عنده مغسلة
عايز اعرف كل حاجه عن المشروع ده .. عايز يكون عندى خلفية عن تفاصيل المشروع قبل ما انزل اسأل .. انا عايز اعمل حاجه تخلى الزبون يبقى مبسوط و هو مروح و مش مهتم اوى بالشكل .. يعنى بمعنى آخر يهمنى المضمون اوى .. عايز ابدأ بمشروع متوسط و بعدين بعد كده اطوره .. و لو واحد مش عنده معلومات ممكن يقولى ايه اللى ممكن انزل اسأل عنه ؟؟

ده اول مشروع هعمله ان شاء الله يا ريت لو اى حد عنده نصايح و هبقى مشكور لو اهداها لى

هل من مساعد ؟؟ :)

[hafez2001_a]

هو انا الوحيد فى مصر اللى فى دماغه الفكره :) !!

[أبو إياد]

ان شاء الله تكون فتحه خير عليك وربنا يوفقك
لو انت لسه ما اخترتش المكان لازم تراعى حاجات معينه منها مساحه المكان مساحه الشاره حاول يكون مافيش سكان قريبين منك او محلات مجاوره لو قريب منك قهوره يكون افضل لو هاتاسس المكان من الاول يكون افضل علشان تعمل صرف لوحدك وعزل تمام ماتخليش ولا ميكروباص ولا توك توك يغسلوا عندك علشان ناس مش تقليل منهم انما فى ناس كتير لو شافت توك توك عندك انسى انها تجيلك
ابداء بحاجات بسيطه الاهم عندك حاجتين
موتور مياه قوى
كومبوريسور كبير
اعمل مواسير مياه ومواسير هوا خارج الحيط واكتر من مخرج
مكنه فوم -مسدس هوا-مكنسه .
المستلزمات والمعدات كلها من شارع الجمهوريه عند البنك المركزى وهناك هتلاقى متخصصين فى تركيب المكن والمواسير وتشغيلها
اعمل حسابك ان فى مكن بيشتغل على الكهرباء العاديه 220v ومكن بيشتغل على 3 فاز

وبالتوفيق