تكلفة نقل عفش من الدور الأول للتامن كام؟

[shaddadfalcon1]

السلام عليكم

انا ان شاء الله بكره عايز انقل عفش من الدور الأول للتامن من نفس العماره علي السلالم وعايز اعرف المفروض ياخد كام تكلفه

الشقه في سيدي بشر قبلي وهي صالون واوضة نوم ومطبخ بس

هل الأفضل اظبط مع الجماعه الصعايده ولا اشوف ناس متخصصه وتكلفة كل واحد كام

صاحب الشقه لسه منزل العفش بتاعه وقالي ناس كويسه ومخدوش اكتر من ساعه وبيغلفو العفش ونزلو الأوضه ب 200 جنيه وبيقولي مش عارف الطلوع بكام يعني الموضوع ممكن يدخل في 500 او اكتر وطبعا من غير نجار لانهم بينقول العفش مفكوك جاهز

دلوني الله يكرمكم عشان انا مش عايز ابهدل حد معايا - اهل مراتي كانو بيقولو في ناس كتير عايزين يجيو بس انا مستحرمها عشان حرام اجيب حد يخدمني واقطع نفسه المشوار ده كله ومفيش واحد فيهم هياخد مليم

ياريت تردو عليا بسرعه

[AhMeD EzZ]

نصيحة مجرب
يا تشوف ناس متخصصة يا تنقلة بنفسك انت و ناس حبايبك و تردهلهم في اي حاجة و ابعد عن الصعايدة لانهم بينقولو بغشومية و حاجات كتير بتبوظ

[Dr_Mido]

نصيحة مجرب
يا تشوف ناس متخصصة يا تنقلة بنفسك انت و ناس حبايبك و تردهلهم في اي حاجة و ابعد عن الصعايدة لانهم بينقولو بغشومية و حاجات كتير بتبوظ

بيعاملو العفش معامله اشوله الاسمنت بالظبط يعنى تبيعه اكرلمك متنقله


انت ممكن تقفش اى معرض موبيليا جنبك وتتفق مع العيال اللى بتنقل فيه انهم يجلوك وانت اتفق معاهم عاوزين ايه وصدقنى لو اغلى شويه من الفواعليه انت الكسبان

[shaddadfalcon1]

بس انا حاسس اني هبهدلهم جامد معايا لو جبت حد ينقلي
هو الموضوع كله يادورب الصالون واوضة النوم يعني

[shaddadfalcon1]

بيعاملو العفش معامله اشوله الاسمنت بالظبط يعنى تبيعه اكرلمك متنقله


انت ممكن تقفش اى معرض موبيليا جنبك وتتفق مع العيال اللى بتنقل فيه انهم يجلوك وانت اتفق معاهم عاوزين ايه وصدقنى لو اغلى شويه من الفواعليه انت الكسبان

يعني لو اوضة نوم وصالون ومطبخ وياخد 500 جنيه كتيير ولا شويه ؟

[Dr_Mido]

فاصل معاهم طبعا بس احسن ماتدفع 200 وتجيب نجار يورنش اللى اتخبط

[shaddadfalcon1]

فاصل معاهم طبعا بس احسن ماتدفع 200 وتجيب نجار يورنش اللى اتخبط

ماهو ال 200 ده اللي الراجل لسه دافعهم في التنزيل اللي هو اسهل من الطلوع يعني انا متوقع اكتر
وعمره ماهيرضي باقل من كده بس الراجل بيقولي مخدش اكتر من ساعه وبيغلف العفش وكده

والله بفكر دلوقتي اكلم الناس اللي كانت عايزه تعمل معايا واجب واجيب عربيه واجيبهم وابقي اعزمهم علي العشاء واردلهم في اي مناسبه وخلاص

هما 3 واخو مراتي وانا يعني هنبقي 5 والنجار اصلا جوز بنت عمتي يعني معانا

[wa7d]

بص الافضل انك تجيب حد بيفهم وحتي اصحابك واهلك مش حيبقي متخصصين برضوا والعفش حيدبهدل , جيب ناس متخصصة واديهم اللي هما عايزينه علشان لو حصل حاجة فى العفش تحاسبهم عليها

[Ahmed_lol2007]

بص ياباشا
أنا رأى إن حضرتك وأصحابك تقومو بالليلة دى
والله العملية مش صعبة ممكن كل دورين واحد يقف وتبدلو مع بعض بدل ما كل واحد يأخد حاجة ويطلع بيها كل دة
ولو على موضوع إنهم مش هيأخدو حاجة إبقى ردهالهم ف أى حاجة أو ممكن تردها ف خروجة

[shaddadfalcon1]

الحمد لله خلصت الموضوع
اخو مرات وولاد عمها وجواز اخوتها واخواتها البنات جم معايا وطلعنا العفش والموضوع مخدش اكتر من ساعتين والحمد لله الموضوع عدي بالرغم من اني مش فرحات بالشقه ولا حاسس باي سعاده ليها مش عارف ليه
جايز عشان مش الشقه اللي بحلم بيها

المهم الراجل صاحب الشقه كان قالي ان البوتاجاز لازم اجيب شركة صيانكو تركبه عشان غلط اركبه انت وبعدين لقيت اخو مراتي قام مركبه وعمله احتبار بالكبريت كمان

فهل كده قشطه ولا لازم اجيب حد فعلا ؟

[Salamonti]

بالأول ربنا يباركلك في بيتك ويرزقك بالحلال إن شاء الله..

أنا بس ليا نصيحة صغيرة..
الغاز الطبيعي بالذات مافيهوش هزار لأن تسريبه أسهل من غاز الأنابيب المضغوط، وده بسبب ان كثافته أقل وبالتالي خطورته أشد..

شركة صيانكو بتاخد مبلغ هايف مش فاكر 50 ولا 60 جنيه لما ركبولي البوتاجاز بتاعي من 3 سنين وده شامل التركيب + ضبط البوتاجاز

فاشتري الأمان وراحة البال عشان تبقا متطمن على بيتك ومراتك وانت في شغلك او برة البيت..

ولو تقدر تعود المدام على عادة بسيطة ولكنها فعالة جدا
هي ان محبس الغاز يتقفل بعد ما تطفي البوتاجاز ويتفتح وقت الحاجة فقط ويتم غلقه تاني فور الانتهاء..
حركة بسيطة آه بس صدقني بتفرق كتير أوي خصوصا لو البوتاجاز مافيهوش خاصية الفصل الأوتوماتيكي في حالة التسريب..

[د.أبونضال]

مريت بالتجربة دي من 6 شهور .... ذهبت لعدة معارض موبيليا حتى حصلت على أفضل سعر وكان كالتالي الدور الأول ب20 ، وبقية الأدوار ب 10. يعني من الآخر في حالتك شيل الغرفة من الأرضي للثامن يساوي 90 جنيها .. في حالتي نقلت 5 غرف من الثالث للأرضي ثم من الأرضي للتاسع ودفعت 600 جنيها للمعرض و120 جنيها دخانا للعمال بعد انتهاء العملية

[shaddadfalcon1]

مريت بالتجربة دي من 6 شهور .... ذهبت لعدة معارض موبيليا حتى حصلت على أفضل سعر وكان كالتالي الدور الأول ب20 ، وبقية الأدوار ب 10. يعني من الآخر في حالتك شيل الغرفة من الأرضي للثامن يساوي 90 جنيها .. في حالتي نقلت 5 غرف من الثالث للأرضي ثم من الأرضي للتاسع ودفعت 600 جنيها للمعرض و120 جنيها دخانا للعمال بعد انتهاء العملية

كويس والله بس اللي قفلني ان الراجل صاحب العماره نزل العفش بتاعه الاوضه بس ب 200 يعني عشان اطلع انا بقي العفش عايزلي مش اقل من 600 جنيه

والحمد لله كانت مجرد ساعتين زمن والعفش كله طلع بالهدوم بالاجهزه بالفرض بكل حاجه وربنا يخليلي اهل مراتي الصراحه وابويا واخويا

[human]

انا دفعت 100 فى الدور ... 2 نوم و صالون وسفره وانتريه و شويه هكش

[shaddadfalcon1]

انا دفعت 100 فى الدور ... 2 نوم و صالون وسفره وانتريه و شويه هكش

يعني ايه 100 في الدور ؟ في المره اللي بيطلعو فيها قصدك ولا ايه؟