الى خبراء الانترنت

[mohamed3a]

عندى النت بيقطع عندى كل ربع ساعة تقريبا مدة 30 ثانية
حد منكم خبيير يقولى اعمل اية وانا عندى خط adsl سرعة 100 ميجا
وروتر net geer
افيدونا افادكم الله............................ شكرا لكل من يساعد فى الحل مقدما

[Land_Cruiser]

لمشكله دى يا اما من عند حضرتك او من الشركه بتاعه الانترنت يعنى ملهاش حل تالت و علشان تعرف اعمل restart للراوتر كخطوه اولى و ألافضل تفصله من الكهرباء ٥ دقايق و بعد كده شغله تانى و اعمل restart للكمبيوتر بتاعك كمان و شوف المشكله انحلت و لا لاء و بعد كده اذا الحكايه دى ما جبتش نتيجه ممكن تكلم شركه الانترنت اللى مشترك معاها و اشتكى جائز تكون المشكله من عندهم

[mohamed3a]

واللة انا عملت كدة وكلمت شركة الانترنت قلولى ان المشكلة مش عندنا دى عندك فى الاسلاك
غيرت السلك ولسة المشكلة مع فى ناس فى نفس العمارة مغيلروش السللك ولا حاجة ومشتركين فى نفس الشركة والنت عندهم ما بيقطعش يبقى المشكلة فين

[hussein]

كان عندى مشكلة شبيها وطلع العيب فى الراوتر
بس ازاى 100 ميجا دا؟؟

[Dr_Mido]

العيب فى المتنيل الاسبلتر غيرة بواحد تانى

[Land_Cruiser]

واللة انا عملت كدة وكلمت شركة الانترنت قلولى ان المشكلة مش عندنا دى عندك فى الاسلاك
غيرت السلك ولسة المشكلة مع فى ناس فى نفس العمارة مغيلروش السللك ولا حاجة ومشتركين فى نفس الشركة والنت عندهم ما بيقطعش يبقى المشكلة فين

حاول تجرب براوتر تانى بتاع حد من جيرانك اللى ما بيقطعش و شوف هيقطع عند حضرتك و لا هيشتغل كويس علشان تتاكد اذا كانت من الراوتر و لا لاء . لو قطع برضه يبقى دى مشكله مع خط تلفون حضرتك لانه مشترك مع خط تانى فى نفس الوصله فى بوكس التلفونات و دى اعتقد المفروض تكلم فيها المصريه للاتصالات علشان يحلوهالك بس جرب الاول حكايه الراوتر التانى دى.

[فتح الباب]

ايه ده 100 ميجا ازاى

[Car's Sniper]

لو فى اوقات معينة زى المغرب مثلا ممكن يكون العيب فى الكهربا زى معظم روترات tedata اللى بتلاقيها بتفصل وتيجى لوحدها من اول المغرب خصوصا فى الصيف

بس ايه سرعة ال100 ميجا دى؟؟

[النوبي]

المشله دي كانت عندي وحلها بسيط هتجيب حاجه اسمها مثبت تيار جهاز بيركب قبل الكمبيوتر علي الفيشه وبيطلعلك 220 فولت علشان التيار احيانا بيبقي ضعيف ومبيكونش مستقر والنت جير مع الاسف لما الكهرباء بتضعف بيرستر مع نفسه

[Hmatchy]

حاول توصل الراوتر على خط التليفون الرئيسى من غير الاسبليتور وجرب
اما بالنسبة لموضوع 100 ميجا هوا اكيد يقصد سرعة الشبكة lan ودى عندنا كلنا لكن سرعة النت اعلى سرعة فى مصر 24 ميجا و بيتعمل ليها خط مخصوص

[alrabeh]

شوف سيادتك لو عندك عدة تليفون على فيشة تانية لازم يتحطلها سبليتر
لو مفيش سبليتر حتلاقى كل ما ترفع السماعة الخط حيقطع
أرجو انك تكون فهمتنى

[نور القمر]

ممكن تكون مشكلة كهربا
في الصيف بعاني من الموضوع ده
كل ما التكييفات تقوم تسحب الكهرباء والرواتر يفصل

[mohamed3a]

شكرا لكل الردود وانا هاحاول اغير الروتر لانة من الواضح ان اراء حضراتكم معظمها على الروتر والكهرباء ويارب يفيد
واسف على الخطأ سرعة النت 1 ميجا

[MOK3336]

ممكن تكون مشكلة في البورت بتاعك في السنترال
ممكن يكون سبليتر
ممكن يكون روتر
ممكن يكون سلك التليفون في وصلات و كتيرة

[DreAmO]

جرب وصل خط التليفون مباشرة على الراوتر بدون سبليتر

لو ماقطعش .. غير الاسبليتر بواحد نضيف

لو قطع .. اتصل بالشركة الدعم الفني هيجبلك مالاخر

وبعدين انت ازاي مش عارف سرعة الخط بتاعك كام

ال 100 ميجا دول سرعة ال lan الشبكة الداخليه في جهازك يعني

انت بقى سرعة النت بتاعك ميجا ولا 512 كيلو ولا 2 ميجا ولا كام ؟