محتاج مساعدتكم ضرورى فى الاستقاله

[beshomilan]

دلوقتى انا بشتغل فى شركه من شهر 8 اللى فات وانا ماضى عقد معاهم وفيه شرط انى لازم ابلغهم باستقالتى قبلها بشهر وانا قدمت الاستقاله يوم 22/1/2012 ومش عايز افضل معاهم لحد 22/2/2012 وماضى وصل على نفسى ب 750 جنيه لو سبتهم فى اى وقت ومش عارف تفاصيل عقدى كويس لانى عملته بسرعه..
اعمل ايه عشان مكملش الشهر ده معاهم لان جايلى شغل تانى جديد علما انى مستلمتش مرتب شهر 1 الحالى ودايما بيقبضونا متأخر جدا فى نص الشهر اللى بعده
ايه الحل انا مش عارف اعمل ايه؟؟
وياترى شهر الاستقاله ده اللى من 221/2012 لحد 22/2/2012 هشتغله ببلاش ولا هتحاسب عليه عادى؟؟

[beshomilan]

41 مشاهده و ولا رد؟؟؟
هو انا عارض موبيل والسعر غالى؟؟؟
متشكر

[Dr_Mido]

انا هرد ورد مش مقتنع برضه ليك محدش هيفيدك لان محدش شاف عقدك ايه وهلى عندك عهد بتتسوى ولا لا وهلى فى بنود فى العقد تضرك ولا ل و الوصل اللى انت ماضيه هتاخدة ولا لا ولو مش هتاخد هيتعملك بيه قضيه لو ممشيتش الامور بشكل ودى هل متامن عليك ولا لا علشان تبقى عارف هتاخد استمارة 6 وتتفصل من التائمينات ولا لا هلى انت وفرتلنا كل الحاجات دى فى السؤال

[mostafabakry]

أعتقد ان الشهر دا بمرتب عادي زي اي شهر

المفروض انك معاك نسخة من العقد

ايه معني الشرط بتاع ال ٧٠٠ جنيه دا ؟؟؟
هل انت أخدت كورسات معينة و انت عندهم و دي تكلفتها ؟؟؟

[mostafabakry]

أعتقد ان الشهر دا بمرتب عادي زي اي شهر

المفروض انك معاك نسخة من العقد

ايه معني الشرط بتاع ال ٧٠٠ جنيه دا ؟؟؟
هل انت أخدت كورسات معينة و انت عندهم و دي تكلفتها ؟؟؟

[walidzakzok]

لشهر دة بمرتب عادي جدا

[beshomilan]

اشكركم للردود بجد
وردا على الاسئله:
معنديش عهد بتتسوى ومش متأمن عليا بتاتا
وبالنسبه لوصل ال 750 جنيه ده اتعمل مع بدايه العقد عشان لو حصل وسبتهم بدون سابق انذار بس انا مش فاكر الغرامه دى لو سبتهم فى اول 3 شهور شغل بس ولا ممتد معايا علطول..للاسف مش عارف
وانا مخدتش اى كورسات خالص
هاه..ايه الحل؟؟

[ابو سيف]

الحل ببساطه انك تشوف العقد اللى مضيت عليه و تراجع شروطه

[maka]

الشهر هتاخده و ده حقك لانك اشتغلته

العقد لو فيه شروط جزافية يخبطوا راسهم فى الحيط

بس حاول تقعد الشهر طالما اتفاقت معهم على كده من الاول و المكان التانى فهمهم انك هتكون معهم من 23 - 2 احتراما لعهدك مع المكان القديم

[beshomilan]

اشكركم للردود يا اخواتى وهحاول اعدى الايام على خير وربنا يستر