عرض نايل هولدنج لاعضاء نايل موتورز

[harmadan]

مادام الفيلا والعربية موجودين
اعتبره موافق وجهز بقا الشبكة ولوازم الفرح :-)

شبكه ولوازم فرح كمان ؟؟؟؟!!!!! ماشى يا ستى كله يجهز علشان خاطر عيونه وعلشان خاطر المحترم جدا والده وحضرتك طبعا.
بس اللى اوله شرط اخره نور انا ماليش دعوه بجرس الفيللا .......اااااااااه .............احسن كده يبقى كتير .......... الجرس عليكم ااااااااااااااااااه.
سلامى للاستاذ جمال ولعريس المستقبل
شوفى بنتى من ساعه لما عرفت بموافقته قاعده بتعمل ايه؟؟؟؟

[Hmatchy]

استاذ هشام ممكن تعرفنى لو حبيت اجى ايه اقرب مكان ممكن اركن فيه ويا ترا ممكن ادفع بالفيزا ولا كلو كاش؟؟؟

[harmadan]

استاذ هشام ممكن تعرفنى لو حبيت اجى ايه اقرب مكان ممكن اركن فيه ويا ترا ممكن ادفع بالفيزا ولا كلو كاش؟؟؟

استاذى الفاضل
مرحب بحضرتك ضيف عزيز
بالنسبه للركنه فهى متاحه امام المطعم , وبالنسبه للدفع فمتاح كما تريد فيزا او كاش.
مره تانيه اهلا وسهلا بحضرتك فى اى وقت فقط برجاء الاتصال للحجز
01274999908 - 01274999911
هشام رمضان

[SAMEH_FOUAD]

طبعا انا احب اشكر حضرتك جدا على ذوقك اولا وبجد من قبل مااتعرف على حضرتك من اللى انا بسمعة يسرنى ويشرفنى انى اتعرف على حضرتك يأستاذ هشام

بالنسبة بقى لمواعيد الحجز يفضل انى احجز قبل موعد الحضور بفترة قد اية ؟؟؟

ودلوقتى انا عايز عشاء لفردين حضرتك فياريت بس عايز اعرف مثلا التكلفة هتكون فى حدود كام وافضل المأكولات اللى ممكن اطلبها وحضرتك عارف مع انى ساكن فى ضريح سعد ومش عارف زاى ماعرفتش المكان دة قبل كدة ,

ومعلش سؤال تانى هو المكان على النيل مباشرا وهل مثلا فية حاجة متحركة والاسعار هتبقى زى ماهية , ولا هتغلى ؟؟؟؟

وكيفية تفعيل الخصم عند معرفة اننى من نايل موتورز ؟؟؟

وهل يوجد باركينج امام المطعم ولا ركنات منفصلة وهل الباركينج امان يعنى الواحد يسيب عربيتة وهو مطمئن ؟؟؟

وان شاء الله اكون موجود حتى بس عشان اتعرف على حضرتك

[harmadan]

طبعا انا احب اشكر حضرتك جدا على ذوقك اولا وبجد من قبل مااتعرف على حضرتك من اللى انا بسمعة يسرنى ويشرفنى انى اتعرف على حضرتك يأستاذ هشام
الشرف لى حضرتك اكيد واللى انت لتسمعه دا بس من كرم اخلاق قائله وانا مااستحقهوش .

بالنسبة بقى لمواعيد الحجز يفضل انى احجز قبل موعد الحضور بفترة قد اية ؟؟؟.
الحجز يفضل يمون قبلها بيوم على الاقل مادام العدد قليل وممكن حضرتك تتصل بى وانا ارتب لحضرتك كل شيء.

ودلوقتى انا عايز عشاء لفردين حضرتك فياريت بس عايز اعرف مثلا التكلفة هتكون فى حدود كام وافضل المأكولات اللى ممكن اطلبها وحضرتك عارف مع انى ساكن فى ضريح سعد ومش عارف زاى ماعرفتش المكان دة قبل كدة ,
يمكن مشكله من مشكلات المكان انه على طريق اتجاة واحد(الكورنيش) وغير مرئى ويه بسبب الاشجار الكثيفه على جانب الكورنيش.اما المكان فهو امام فندق الفورسيزونز مباشره قبل فندق جراند حياه وبجوار مرسى مراكب شرعيه مشهور اسمه (دقدق)
بالنسبه للماكولات فالتكلفه فى حدود من 100 الى 150 جنيه للفرد وطبعا دى عشوائيه وتتوقف على ماستقوم بطلبه ومن افضل الاشياء هنا لطلبها (باستا ايطالى - صدور دجاج - فيليه بقرى - شوربه فواكه البحر)

ومعلش سؤال تانى هو المكان على النيل مباشرا وهل مثلا فية حاجة متحركة والاسعار هتبقى زى ماهية , ولا هتغلى ؟؟؟؟
احنا موجودين مباشره على النيل وثابتين غير متحركين ولكن نستطيع التحرك فى حاله طلب ذلك بمعرفه العميل ان كان هناك مناسبه خاصه او ما شابه.

وكيفية تفعيل الخصم عند معرفة اننى من نايل موتورز ؟؟؟
مجرد ذكر اسم المكان لى يتم تفعيل الخصم وهو 20% على اجمالى الفاتوره ويتم اظهاره لك بمعرفه (المضيف) عند طلبك للحساب.

وهل يوجد باركينج امام المطعم ولا ركنات منفصلة وهل الباركينج امان يعنى الواحد يسيب عربيتة وهو مطمئن ؟؟؟
الباركنج امام المطعم خاص بالمطعم ولايوجد ادنى مشكله لركن السياره وامان جدا.

وان شاء الله اكون موجود حتى بس عشان اتعرف على حضرتك

حضرتك تشرف فى اى وقت والشرف لنا .

[mxz911]

شكرا للعرض المميز

[bondok20002002]

موضوع حلو جداً بجد

[Moustafa.yonis]

السلام عليكم

ياتري هل العرض لسه ساري

انا للاسف لسه واخد بالي من الموضوع

وجزاكم الله خيرا