محلات بيع نظارات هاي كوبي

[amm70]

السلام عليكم
لو حد من اعضاء المنتدي يعرف محلات لبيع نظارت الشمس ماركات هاي كوبي تكون اسعارها معقوله ومضمونه ومش بتبالغ في الاسعار ياريت يقولي عليها
وشكرا

[Eng_hatemfathy]

قدام قصر عابدين فى شارع كامل للنظارات الشمسيه والنظر قطاعى وجمله وطبعا بيفاصلوا موت يعنى محتاج نلف الشارع مرتين وتخش محل محل تركز على نوعين تلاته وتجيب اخرهم وتروح غيره وهكذا لحد متجيب اخلى سعر وطبعا هيفرق عن بره 30 او 40 فى الميه وحاجه نصيفه وكله تقليد ريبان وكاريرا وبيرسول وبولس وكارتير وليفيز وحاجات مش فاكرها تانيه
الشارع على اليمين والقصر على الشمال وانت رايح التحرير وعلى ناصيته قهوه

[amm70]

شكرا علي المعلومه..بارك الله فيك ... كويس جدا ان فيه مكان واحد يجمع عدد كبير من المحلات ....ياريت بس تقولي الشارع ده اسمه ايه او مكانه فين تحديدا.

[tarekzein]

شارع عبد العزيز جاويش

مشهور جدا فى الفلكى أو محطه محمد نجيب للمترو

وممكن من محمد محمود برضه

[amm70]

الف شكر ليك ياباشا

[amarakl]

فى مول للنظارات فى محمد محمود

[bakkoor]

قدام قصر عابدين فى شارع كامل للنظارات الشمسيه والنظر قطاعى وجمله وطبعا بيفاصلوا موت يعنى محتاج نلف الشارع مرتين وتخش محل محل تركز على نوعين تلاته وتجيب اخرهم وتروح غيره وهكذا لحد متجيب اخلى سعر وطبعا هيفرق عن بره 30 او 40 فى الميه وحاجه نصيفه وكله تقليد ريبان وكاريرا وبيرسول وبولس وكارتير وليفيز وحاجات مش فاكرها تانيه
الشارع على اليمين والقصر على الشمال وانت رايح التحرير وعلى ناصيته قهوه

ياريت حد يقولنا بالظبط فين من قصر عابدين ؟

عاوز وصف المكان علشان اروحه