الجواز وسنينه ! محتاج مشورتكم !

[Ashraf_Ibrahim]

ايييييييييييييييييييييه ولا دايم الا وجه الله
وجع دماغ الي يفكر يتجوز من كل ناحية
كان مالي مكونت في حالي متهني بقلبي الخالي
المهم ندخل في الموضوع يا شباب عشان أسمع رايكم
عن طريق زميلتي في الشغل قالتلي ان ليها بنت عمها كويسة وممكن اشوفها -زميلتي مكتوب كتابها-
كلمتهم في البيت وحسيت انهم رافضين الفكرة معرفش ليه -هي والدتي حاطة عينها على بنت اخت جوز خالتي
لفة حلوة صح
المهم بعد عناء ومناورات حربية قاتلة مع والدي ويمكن شدينا مع بعض بسبب الموضوع دا لأني عاوز اشوف البنت وهو بيأجل الموضوع
يمكن يكون من أحد أسبابه اني مش جاهز بس انا مقولتش اني رايح اتجوز بكرة انا لسة هنقرا فاتحة ونخطب والموضوع يطول واشوف دماغ البنت وطريقة تعاملها وكدة وبعد كدة نتجوز يعني مش خبط لزق هنتجوز
المهم قعدت افهم فيه كتير لحد ما وصلنا للمفهوم دا
الحمد لله استقرينا اني اشوفها قلي هاتلي عنوانهم أسأل عليهم
استغربت قلتله احنا مشوفناش البنت عشان نسأل عليهم قلي لا قبل ما نروح المهم جبتله العنوان فعلا
وللأسف مر شهر ومسألش عليهم
المهم بعد ما مر شهر انا اتعللت ان البنت بتمتحن -هي لسة في سنة رابعة مخلصتش- ففات الشهر بتاع الامتحانات فعلا
بعد كدة قلت لوالدي اني هروح اشوفها يوم الجمعة -اللي هو امبارح- وهاخد والدتي معايا عشان الموضوع ميبقاش رسمي اوي بحضوره يعني
اقنعته يعني الحمد لله
المهم جبت علبة شيكولاته -قلت مينفعش ادخل فاضي يعني- وان كنت مش عارف هل فعلا المفروض اخد حاجة واللا لا بس انا باعتبار انها زيارة لأول مرة وبغض النظر عن اني رايح اشوف بنتهم قلت لابد من هدية معايا وانا رايح
روحنا بالفعل وهحكيلكم الحوار اللي دار وقولولي رأيكم ايه:-
*دخلنا واتكلمنا وكدة فأول ما اتكلمنا جت سيرة الشغل والدتي قالت هو شرطه الاساسي انها مشتشتغلش دا شرط ومفيش فيه كلام طبعا مش شرط انتي بس اللي ربنا هيكرمه بيها يعني
*بعد كدة اتكلمنا فانا شقتي في بيت والدي يعني في نفس العمارة لأنها بتاعته فماما بتقلها هي القعدة كلها هتبقا عندنا هتطلع شقتها على النوم بس
طبعا والدتها قالت مينفعش يعني وكدة انا حماتي تعبانة بنزلها في اول اليوم بعملها الفطار ولما بتحتاجني عاملالها جرز جنبها ترن عليا بيه
المهم يعني كل دا انا ساكت فبيقولولي انت ساكت يعني انت المفروض بتتكلم كتير فقلتلهم اه فعلا انا شغلي كلام بس انا مستمع للحوار اللي بيتقال
ماما قالتلهم اه مهو تعبان من الكلام فبيسمع دلوقتي
اتكلمنا عادي الاول وبعدين بقلها انتي ليكي اصحاب ولاد؟!
فقالتلي اه قلتلها اصحاب واللا زمايل دراسة؟!
قالتلي لا اصحاب اخواتي يعني طبعا الموضوع دا لوحده بيضايقني اساسا
قالتلي وانت بحكم شغلك اكيد ليك المهم يعني قلتلها اه طبعا
انا منكرش ان ليا زمايل بنات بطبيعة شغلي ومش بقول اني راهب او الكلام دا بسطبيعي اني اضايق والا مبقاش راجل يعني
المهم الحاجة التانية اللي ضايقتني اوي اني بقلها انتي بتسلمي بايدك؟!
فقالتلي لو حد مدلي ايده بسلم عليه اه عشان ماكسفهوش!
في حين اني وانا داخل مسلمتش على والدتها بايدي خالص لأني بكره السلام بالايد ومش بعمله غير لو حد مد ايده ليا والوضع هنا مختلق مش تناقض بس الوضع مختلف فعلا
المهم قلتلها بس دا ملهوش دخل بالذوق او حاجة دي حاجة والذوق حاجة مش المفروض انك تسلمي على حد بايدك قالتلي مهو عشان ماحرجهوش وكدة حسيت انها هتقاوح فقفلت الموضوع
جينا بنتكلم في نقطة الشغل قالتلي انا بحلم اني اشتغل اه بس يمكن اتخطب او اتجوز الدنيا تتغير قلتلها تمام انا فهمت انتي عايزة تقولي ايه
هنا قاطعتهم عشان ادخل الحمام
لسببين اني كنت محتاج ادخله دا اولا وثانيا اني كنت هدخله هدخله حتى لو مش هحتاجه عشان اعرف شكله ايه ونضيف واللا لا
والدتي قالتلي انها بتحلم انها تشتغل ومعندهاش استعداد تعد في البيت بغض النظر انها قالتلي دا !
بعد كدة جه الكلام عن زيارة الاهل وكدة ماما قالتلهم انا بعد فترة طويلة مش بزور والدتي وكدة فمامتها قالت لوالدتي مبتحسيش بتأنيب الضمير؟!
فماما قالتلها مانا معاها على طول عالتليفون وكدة يعني
المهم دا الحوار اللي حصل
الملخص بقا
والدتي بتقول ان والدها بيشتم -عشان لما جت سيرة الصنايعيه قال انهم زبالة وعايزين قطم رقابيهم -
والدتها هي اللي ممشية البيت عشان والدها منطقش بحاجة
باختصار انا شايف ان والدتي رافضة القصة وفسرت كل حاجة بجانبها السيء!
يمكن انا ملتمس ليهم الاعذار شوية بس مش عارف اعمل ايه
بناء على اللي اتقال دا
انا عرفت ان الناس معندهمش اعتراض لكن معترضين على نقطة ان الاقامة تبقا كاملة في بيت والدي وان بنتهم لازم يكون ليها خصوصيتها وشقتها المستقلة وكدة
من ناحية تانية انهم خايفين اني اخد بنتهم منهم وامنعها من زيارتهم
بس غير كدة هما قالوا اني كويس وكدة !
من اللي حكيته انا ايه رأيكم وايه نصيحتكم أعزكم الله ؟!
انا صليت استخارة قبل ماروح وفي نيتي اصلي استخارة تانية قبل ماخد القرار النهائي
منكرش اني اول ما دخلت البيت حسيت بارتياح وحسيت بارتياح من والدتها برده
منتظر رأيكم يا شباب دوشتكم معلش

[Ghosts]

خليك زى ما أنت ....
كدة أحسن لك صدقنى ....
لية تعمل فى نفسك كدة يا مسكين ؟؟!!
محلاها عيشة الحريةمن غير ست تنكد عليا ....

[أحمد كمال]

والدتك معاها حق في نقطة ان امها ممشية البيت و دي هتعمل لك كوارث انت مش حملها

[الغزالى]

امها ممشيه البيت .. عشان ابوها منطقش ...
طيب ماانت برضو منطقتش طول القاعده ...
وبعدين ولدتك شكلها ماشاء الله عليها .. شكلها عارفه انت بتعمل ايه احسن من نفسك .. لدرجه انها بتحكى حاجات انت الله اعلم هاتعملها ولا لاء .. ايه علاقه انت مماتك مبتزورش امها ...
ايه علاقه انك هاتقعدوا تتغدوا عند ولدتك فى جالسه تعارف ...
يا اشرف انتشيت ولدتك هيا الى اتكلمت فى كل حاجه زى مايكون هيا الى هاتتجوز مش انت ..

[rompo10]

بص ياباشا الام تمشي البيت يبقي خراااااااااااااااااب يبقي هي هاتعمل كل جهدها انها تمشي كلمتها عليك لانها اتعودت علي كده ودا غلط ثانيا اي مشكله الام هي اللي هاتحلها مش الاب والنساء الحكمه عندهم قليله شويه الصراحه انا برفض اي جواز بدون تعارف حاول تتعرف بواحده ويكون في حب بينكم لان الحب هو اللي بيطفي النار في اي مشكله بالنسبه انك تمنعها من زياره اهلها هي او اي واحده تانيه بلاش الحركه دي وقول انا مش هامنعها دا حقهم عليها وربنا يكرمك ويوفقك يارب وماتنساش تعزمنا علي الفرح

[smsm_hamada]

ياعم انت مالك ومال وجع الدماغ ده خليك حر طليق زى اخوك واهو احنا شبراويه زى بعض زستر وغطا
اسمع كلام والدتك عشان هيى منشنه على بنت معينه فمش هتبقى طايقه البنت حتى لو انت عايزها وهيبقى فيه مشاكل كتييييييييير
اسال مجرب .

[hussein]

معلش بس واضح برده ان امك هى اللى ممشيا البيت او على الاقل شخصية مسيطرة
ولو هى فعلا كده يبقى انت مش هتلاقى مشكلة مع البنت دى لكن هيحصل خناقات بينها و بين مامتك

[harmadan]

بص ياباشا الام تمشي البيت يبقي خراااااااااااااااااب يبقي هي هاتعمل كل جهدها انها تمشي كلمتها عليك لانها اتعودت علي كده ودا غلط ثانيا اي مشكله الام هي اللي هاتحلها مش الاب والنساء الحكمه عندهم قليله شويه الصراحه انا برفض اي جواز بدون تعارف حاول تتعرف بواحده ويكون في حب بينكم لان الحب هو اللي بيطفي النار في اي مشكله بالنسبه انك تمنعها من زياره اهلها هي او اي واحده تانيه بلاش الحركه دي وقول انا مش هامنعها دا حقهم عليها وربنا يكرمك ويوفقك يارب وماتنساش تعزمنا علي الفرح

استاذ اشرف
انت راجل شبرااااااااااااااااوى زيى وانت عارف شبراوى يعنى ايه طبعا بص سا سيدى اولا جميل جدا جدا جدا انك تشرك اسرتك الكبيره(اعضاء المنتدى) وتستشيرهم - ما خاب من استشار - ثانيا عن الرسول صلى الله عليه وسلم قال ( اذا احب الله عبدا رزقه بالزوجه الصالحه) صدق رسول الله صلى الله عليه وسلم حكايات مين اللى بيتكلم دلوقتى ومين اللى ممشى البيت كل دى حاجات مالهاش لازمه اللهم ما الا ان يكون فيه انطباعات سابقه - فى المبدأ اساسا- وبيتم تفسير وتتطويع كل كلمه وكل تصرف لخدمه هذه الانطباعات المسبقه. فان كان فيه تحفظات مسبقه - من جانب والدتك اووالدك ومالهاش سكه فى الاقناع يبقى اعلم تماما ان الموضوع دا مالكش فيه نصيب لانه هيكون بدايه مشاكل كثير مستقبلا وبلاش اساسا عند من طرفك اما لو فيه اقتناع تام تام من ناحيه حضرتك للاكمال فى هذا الموضوع - لراحتك النفسيه - يبقى حاول بالحسنى والاقناع مع الاهل ان الامور تهدا شويه لان دا اختيارك اللى انت مقتنع به. خللى بالك موضوع القعده فى بيت العيله حتى لو فى شقه مستقله دائما وابدا عليه تحفظات وكمان (تحفزات) من جانب اهل العروسه حتى وان كانت البنت كويسه (ودا من واقع احتكاكى بنفس نوعيه الامور دى مع اصدقائى وفى محيط عائله زوجتى ايضا) نصيحتى لك القرار قرارك والرؤيه لك وان اخترت ان تكمل فى ذات الموضوع يكون بالاقناع والهدوء والحسنى وفقك الله للخير دائما فى حياتك يالا بقى يا عم خلينا نعمل لك فرحك عندنا

[abokoko]

1- الوزاج - علقه - لابد منها ( ده راى واحد صاحبي وانا مقتنع بيه )
2- الزيارة الاولانيه بتبقي مجرد انطباع يخلي البموضوع يكمل او يقف
3- رضا الوالدين رضا الوالدين رضا الوالدين من هنا للصبح - اهم حاجة - لو عايز الزواجة تستمر
وتستمر ومن غير رضاهم مش هتستمر اسلاميا واجتماعيا

ربنا يكرمك بالزوجة الصالحة

[wa7d]

بصراحة جدا والدتك حما حما , وهي كمان والدتها حما واضح ان الاتنين حيتعبوا بعض , بلاش منها الجوازة دي , مفيش كلام من اللي اتقال بصراحة عجبني

[walidzakzok]

بصراحة كلام البنت معجبنيش زي ما عجبكش برده ...دة الاساس ...شوف واحدة تريح قلبك بتصرفاتها ومتبقاش قلقان منها

[Ahmed_Ramadan]

امها ممشيه البيت .. عشان ابوها منطقش ...
طيب ماانت برضو منطقتش طول القاعده ...
وبعدين ولدتك شكلها ماشاء الله عليها .. شكلها عارفه انت بتعمل ايه احسن من نفسك .. لدرجه انها بتحكى حاجات انت الله اعلم هاتعملها ولا لاء .. ايه علاقه انت مماتك مبتزورش امها ...
ايه علاقه انك هاتقعدوا تتغدوا عند ولدتك فى جالسه تعارف ...
يا اشرف انتشيت ولدتك هيا الى اتكلمت فى كل حاجه زى مايكون هيا الى هاتتجوز مش انت ..

+111111111111
أنا شايف برضه إن والدتك رايحة متحفزة و انت مخدتش فرصتك فى الكلام

[Mado_2005]

هههههههههههههه... فرحانه فيك اوي... بص يا بيه أولا كده خلينا نتفق على كام نقطة ..
دخول البيوت مش هزار... لو كنت مش عايزها تسلم فمن باب اولى تحط في بالك انك رحت شفتها بنية الجواز او الخطبة ... عامة... الخطبة مش جواز يعني هي اصلا معمولة عشان الناس يعرفوا بعض ويختبروا بعض مش يخرجوا ويتفسحوا ويحبوا في بعض... اتفقنا؟؟؟ يعني تقعد معاها بنية انك عايز تفهم شخصيتها وطباعها اكتر وتعمل كده سيبك من القمر والورد ده حتى الدنيا شتا ومغيمة لا فيه قمر ولا ورد...
الفاصل في الموضوع ده حسيت بقبول ناحية البنت؟ مستواهم مناسب ليك؟ طريقتهم قريبة من طريقتكوا؟ لو الاجابة نعم عن كل ما سبق توكل على الله...
طبعا عندهم حق في مسألة انها لما تحب تقعد في بيتها تقعد ما هي مش هتتجوزك انت ووالدتك اسمحلي... بس طبعا البر بوالدتك لازم ومطلوب لكن لو مش عارفه تتعامل معاها (خلال الخطبة) صدقني صدقني بناقص الجوازه دي...
وفي النهاية مش ممكن تعرف حاجة غير لما تتمم الخطبة وتفهموا بعض اكتر... وخلي الرأي الأول والأخير ليك في المسائل دي بهدوء طبعا من غير ما نزعل ولا نشد مع بابا وماما....

[momen_ivf]

فاظفر بذات الدين تربت يداك

[shaddadfalcon1]

بص يامعلم فكك من كلام حبايبنا هنا اللي بيقولو خليك كده والكلام الفارغ ده

بس رايي من خلال كلامك هو الأتي

1- من ناحيتك انت اللي فاهمه انو بيت عيله وانت هتعيش في البيت مع اهلك واكلك وشربك معاهم زي والدتك ماقالت وصدقني دي نااااااااااااااااااار وعذاب وهتحس انك متجوزتش ولا ليك اي خصوصيه وبالتالي من اولها لو مش هيبقي ليك حياتك الخاصه كاملة ومراتك مفيش مشكله تساعد والدتك وتطلع شقتها وكل يوم جمعه مثلا تتغدو مع اهلك يبقي بلاش منه خالص واصبر لما تجيبلك شقه بتاعتك بعيد عن اهلك
ده مش كلام من الهواء - ده واقع مرير مريت بيه لمدة 3 سنوات جواز في بيت عيله من اول ليلة الدخله لحد اخر يوم في ال 3 سنين شفت اسود ايام حياتي بالرغم من ان والدتي طيبه وبتحب مراتي والحمد لله بس صدقني ماهتحس انك متجوز وكفايه انك ممكن تبقي عايز مراتك ومتقدرش تقولها كلمه وتستني لما كل البيت ينام

2- اهل البنت - البنت شكلها مش متدينه او ليست علي قدر عالي من التدين وده واضح من خلال انها بتسلم وليها اصحاب ولاد
تاني حاجه موضوع االشغل - طالما مدتكش عقاد نافع وامها بتقول انها عايزه تشتغل يبقي عمرها ماهترضي تقعد في البيت ولو قعدت هتذلك بيها

انا رايي انك تفكك من الموضوع لانك مش مستعد والعروسه مش مناسبة