عز الرجال..... وقصة

[A7MED_PHARMA]

السلام عليكم

واحد عليه فلوس(بتاع إمبارح).. النهاردة عمه داخل
وبيقولي إزاي تكتب إسم العيلة مع المشبوهين
ههههههههههههههههههه
المهم
جع جع شوية
وشال الورقة ... ومشي
حطيت الورقة تاني عادي جدااا
وورحت أتغدى
رجعت لقيته بعد مامشيت رجع الصيدلية
وشتم البنات .. وقل أدبه
وقال أنا هجيب سبراي وهكتب عليها بيت دعارة
.
البنات قالولي إنه زعق بس
وماقالوش حكاية بيت الدعارة دي
المهم ف الموضوع

أبن عمتي دخل ف الموضوع.. وقعد مع الراجل يتكلموا ف حل
البنت بتحكيله)لابن عمتي) على الي حصل.. أول ماقالت كلمة بيت دعارة دي


.
دماغي ولعت
.
أخدت سبع الليل(والله العظيم) ونطيت ف العربية رااااااايح على بيت الراجل أدبحه
مالقتوش في بيته
ابن عمتي كان معايا بيهدي فيا
لحد ماهديت... وقولت أعمل زي الناس
أروح لشيخ البلد
روحتله.. قالي والله يادكتور العالم دي عالم وسخة.. ومش بيكبروا لحد
والحل أنك تعمل بلاغ
طبعا زي مانتوا عارفين .. هعمل بلاغ.. هيعملوا بلاغ فيا .. وتمشي قصص سخيفة
رجعت وأنا بغلي نااااااار
جبت لووووووحة 2 متر في متر
وكتبت إسمه تاني.. وعلقتها على باب المخروبة
وأديني قاعد أنا وسبع الليل..وعز الرجال مستنيه ييجي
علشان أقتله وأخلص


..
محدش يعرفلي كلب محترم من النوع المرعب؟
بجد مش بهزر
أنا شايف انها حاجة كويسة.. لحد ماخرج من البلد دي
وماحدش يقولي سلاح.. معاييش تمن سلاح مترخص
غاااااااالي جداااااااااااااااااا


دي صورة
عز الرجال

[walidzakzok]

يعني اتابع اخبار الحوادث والا ايه يا فارما....استهدى بالله كدة

[rompo10]

لو انت عملت بلاغ يا دكتور اي بلاغ منهم بعد كده هايبقي بلاغ كيدي روح اعمل بلاغ وقول انه جه وهددك بالقتل وهما هايعملوا اللازم

[AHMEDCAR]

يعم اهدى واقفل المخروبه اللى هتجيبلك الهم دى

[kar!m]

ربنا يكون فى عونك .. التعامل مع النوعيات دى من الناس صعب جدا.

بس مش مشكلتهم .. مشكلة النظام اللى زرع ثقافة الجهل.

[alfath8]

يا احمد استهدى بالله شوية انتا مش هاتخلص فى محل تانى وخلاص ربنا يسترها عليك بس اهدى الايام دى وعديها على خير وموضوع الكلب ده انا شايفه حل حلو لغاية اما تمشى من الصيدلية والمكان الغريب ده

[wa7d]

اهدي كدا يا ابو حميد , انا موافق علي موضوع الكلب مؤقتا برضوا , اهو حل كويس لغاية لما تنقل من المكان الزبالة دا

[mohdamin18]

هو اية سبع الليل دا؟

[AirForces]

انا ليه حاسس انك مداين البلد كلها :d

[aif]

يا عم بطل تبيع شكك وريح دماغك
لما بيعك يقل احسن ما تبيع وما تحصلش ثمن البيع

[aif]

واليافطة المترين دي اكتب عليها
الشكك ممنوع والزعل مرفوع

[A7MED_PHARMA]

الي حصل كالأتي
.
إبن أخو الكائن الي جه زعق
جه
وشايف إني غلطان .. إني أكتب إسم(العيلة) على باب الصيدلية
ويك ويك ويك
وكلام ورغي طووووووووووويل

قالي الفلوس هتيجي أول الشهر.. يوم الجمعة الجاية.. يوم المقابلة يعني
وشهدت عليه 4 رجالة كانوا واقفين
وقلتله
الفلوس ماجتش..قدام الرجالة أهه .. الإسم هيتكتب بالبوهية علشان مايطلعش
والبلد كلها تعرف
ينفع .. ماينفعش.. لو قعدناك في حق هنغلطك
كان واقف شيخ .. سألته ياشيخ (إسمهم ع الصيدلية) حرام ولا مش حرام
وفكرت بالأية
" لايحب الله الجهر بالسوء من القول إلا من ظُلم "
الشيخ قالي حقك تعمل الي انت عاوزه.. طالما مش بتفتري على حد
قولتله بسسسسسسسسسسسسس .. سمعت ياسيدي
قالي: بس العرف يغلطك.
قلتله : العرف ده تحطه فــ ...... في صفيحة زبالة وترميه البحر
شرع ربنا حلل الي انا بعمله.. يبقا ماتجيش تقولي مايصحش

المهم
الفلوس دلوقتي التزم بيها اخو الواد الكبير.
وبس

وفكرة الكلب مازالت قائمة

ولو على كلمة بيت دعارة
قالي" كان بيقول .. يعني ينفع أني أكتب ع الصيدلية بيت دعارة؟؟"
قال إنه ماقالهاش .. كان بيقول يعني ينفع أكتبها؟؟


قولتله والله لو شايف انها بيت دعارة ؟؟إكتب طالما صح

[AmatoALLAH]

ممكن اسال حضرتك سؤال

مادا انت مش عارف تتأقلم انك تعيش في الريف

ماتروح الزقازيق احسن حتي لو ايجار الصيدلية اكيد اغلي هناك بس هيرجعلك

بدل قصص الرعب اللي كل شوية بتكتبها دي

انا اعصابي تعبت و انا بقرأ كلامك دلوئتي

[A7MED_PHARMA]

انا مش لاقي صيدليات ف الزقازيق
إحتمال أنا ووسيم .. ناخد واحدة ف القاهرة وأسيب الشرقية على بعضها
وكمان بدور ف إسكندرية

هخرج منها إن شاء الله
قريب
بس إدعولي الله يكرمكم أنا جبت أخر .. وشحرت والله

[blazer]

ربنا معاااك والله يا دكتور
فكره الكلب ممتازه بس الفكره هتحطه فين؟
اعتقد مينفعش عشان دى صيدليه واشتراطات النظافه وممكن حد يعمل بلاغ انك حاطط كلب جوه الصيدليه
عموما أفضل نوع كلااب ممكن ياكل اى حد البتبول
Pitbull




او ال rottweiler