شكر خاص جدا لسيادة العقيد خالد

[islamnabil]

السلام عليكم ورحمة الله وبركاته
من فترة و انا عندي شوية شغل سمكرة في الرفرف اليمين و تغيير اكصدام عشان كنت واخد خبطة كسرته و طبعا محتاج ارش الرفرف و الاكصدامات
المهم
بما اني جربت التوكيل قبل كده في السمكرة و الدوكو و مكانش قد كده غير طبعا التكلفة الخرافية
قررت اني اعمل الكلام ده بره التوكيل
و قد كان روحت اشتريت الاكصدام الجديد من التوكيل و مشيت نصف الطريق الدائري تقريبا لغاية الحرفيين
و انا في الطريق كلمت سيادة العقيد خالد و الراجل الصراحة جالي مخصوص رغم عدم وجود سابق معرفة لكن انا قلتله كلمة السر ( نايل موتورز )
الصراحة انا كنت خايف على العربية عشان اول مرة اعمل فيها حاجة برة التوكيل
لكن بعد مقابلة العقيد خالد و كلامي معاه حسيت فعلا ان الراجل ده فاهم و هوا الصراحة طمني
و عليها اتفقنا على شغل السمكرة عنده في الورشة و طلعنا على بتاع الدوكو من طرفة و كان الاتفاق كأنه بيتفق على عربيته مش واحد اول مرة يشوفه

الحمد لله الشغل طلع كويس جدا و العقيد خالد كان معايا خطوة بخطوة و يوم الاستلام الراجل فضل معايا طول اليوم و استلم معايا العربية من البوهيجي و كمان وقف معايا عند بتاع الزوايا و انا بظبط الزوايا

اخيرا شكرا جزيلا يا سيادة العقيد و جزاك الله خيرا

[أبو إياد]

ربنا يجازيه كل خير ومبارك عليك الشغل وربنا يباركلك فيها و يكفيك شرها

[M.Alaa92]

ده الطبيعى من سيادة العقيد وربنا يجازيه خير عنا كلنا ان شاء الله

[نور القمر]

العقيد خالد رجل محترم بمعنى الكلمة

[gebreel]

و هو ده العادي من سيادة العقيد =)

[nicegypt]

دة العادي من ورشة العقيد خالد ما شاء عليها .. والعقيد رجل يثق بة

[Col. Eng. Khaled]

أخجلتم تواضعي جميعا و إن شاء الله ربنا يديم بيننا المعروف

باشمهندس إسلام ... أنا عاجز جدا عن الشكر لتشريفك لي بالزيارة الكريمة

[mostafabakry]

سلاااااام كبيييييييير لسيادة العقيد خالد

يا باشا دا الطبيعي بتاع سيادة العقيد

ربنا يبارك لنا فيه و يرزقه دوام الصحة و العافية

[ASKAFRAWY]

بصراحة راجل محترم
انا طلبت منه كذا خدمة وهو متأخرش بصراحة

[mrwho1982]

حاجة مش جديدة ومتوقعة من الجنرال

[madyyuri]

أي قول يقال بعد الذي قيل

[zicooo2008]

هل من الممكن رقم التليفون

[ahmed_h_g]

ياااااااه أنت لسه فاكر . موضوع قديم جدا