استفسار عن باب شقه متين وامان

[abo_anas]

السلام عليكم ورحمه الله وبركاته

ياريت اللى يعرف نوع باب شقه يكون امان وباب محترم يقول عليه واماكن بيعه وسعره
لانى هنقل فى شقه جديده والعماره فيها شقق كتير وفى ناس عامله بوابات حديد قدام باب الشقه ، بس انا مابحبش موضوع البوابه الحديد شكلا وموضوعا

فقولت اكيد حبايبنا هنا هيفدونى فى باب شقه محترم
انا سمعت عن باب امان صينى فهل حد جربه ، وياترى هيكون تمام ولا زيه زى المنتجات الصينى

ولا اجيب باب خشب عموله ومتين
ارجوا الافاده

[aboharb]

متابع معاك لانى عايز بردك باب محترم ومش عارف ممكن اجيبه منين ولا اعمل عموله احسن

[Abdelrahman.H]

باب معدني بالكامل ....

حتلاقيه عند محلات الباركيه اللي في شارع مكرم عبيد و عند شركة مصر إيطاليا ( تقاطع مصطفى النحاس مع مكرم عبيد ) وشركة السلاب للحدايد و الديكور ( أمام مصر إيطاليا ) و في محلات الحدايد و المعادن في ميدان الجامع في مصر الجديدة .. وفي الرويعي في العتبة ... و عند تجار الأبواب و الشبابيك اللي تحت الكوبري بتاع ميدان المطرية و إنت رايح على إبن الحكم

وكمان كان بيتباع في هايبر وان الشيخ زايد

متوسط سعره 2000 جنيه

[icahmed]

الابواب المصفحة كويسة جدا وشكلها زي الخشب بالظبط يمكن احسن بس ابعد تماما عن الصيني خاليك فى الماليزي او التركي او الايطالي.
كمان خالي بالك وزن الباب بيفرق في سعره الاخف ارخص

[abo_anas]

باب معدني بالكامل ....

حتلاقيه عند محلات الباركيه اللي في شارع مكرم عبيد و عند شركة مصر إيطاليا ( تقاطع مصطفى النحاس مع مكرم عبيد ) وشركة السلاب للحدايد و الديكور ( أمام مصر إيطاليا ) و في محلات الحدايد و المعادن في ميدان الجامع في مصر الجديدة .. وفي الرويعي في العتبة ... و عند تجار الأبواب و الشبابيك اللي تحت الكوبري بتاع ميدان المطرية و إنت رايح على إبن الحكم

وكمان كان بيتباع في هايبر وان الشيخ زايد

متوسط سعره 2000 جنيه

الاستاذ عبدالرحمن شكرا على اهتمامك ياغالى
بس مين من اللى حضرتك قولت عليهم افضل حد اشترى منه وهل فى ماركه معينه او بلد منشأ معينه اجيبها ، طبعا انت عارف انه بينزل مصر اصلى والف تقليد.
الصوره الاخيره اللى حضرتك منزلها دى لباب شقه راكب شكله كويس ممكن اعرف ده نوعه ايه وبكام.
ومنتحرمش من ذوقك

[abo_anas]

الابواب المصفحة كويسة جدا وشكلها زي الخشب بالظبط يمكن احسن بس ابعد تماما عن الصيني خاليك فى الماليزي او التركي او الايطالي.
كمان خالي بالك وزن الباب بيفرق في سعره الاخف ارخص

ماهو المشكله فى السعر يعنى انا لقيت على النت باب ماليزى ب 5000ج و8000ج
طبعا اسعار عاليه فهل كل الماليزى والتركى والايطالى اسعارهم عاليه قوى كده ، لانى فعلا عاوز ابعد عن الصينى .
ياريت لو حضرتك تعرف محل بعينه بيبيع ماركه كويسه بسعر معقول يعنى فى حدود 2000ج تقول عليه
وجزاك الله خيرا

[sas5]

خلال الايام الماضيه كنت بابحث على النت ووجدت ان اسعار الابواب المصفحه تتراوح مابين 1500 جنيها وثمانيه الاف جنيها.

انا لى استفسار فيه ناس تقول بلاش الصينى لماذا انا مش عارف اريد رد مقنع فحياتنا كلها صينى فى صينى

انا شايف ان الباب مفهوش شى يضره ان يكون صينى فباره عن الحلق ولوحين صاج واربع مفصلات والكالون فماذا يضر ان يكونوا صينى

[icahmed]

خلال الايام الماضيه كنت بابحث على النت ووجدت ان اسعار الابواب المصفحه تتراوح مابين 1500 جنيها وثمانيه الاف جنيها.

انا لى استفسار فيه ناس تقول بلاش الصينى لماذا انا مش عارف اريد رد مقنع فحياتنا كلها صينى فى صينى

انا شايف ان الباب مفهوش شى يضره ان يكون صينى فباره عن الحلق ولوحين صاج واربع مفصلات والكالون فماذا يضر ان يكونوا صينى

انا هقول لحضرتك عن تجربة المميزات والعيوب

العيوب
- الباب مش صاج حديد ده صاج الوميتال يعني زي اللي بيتعمل بيه الشبابيك الالوميتال
- الباب بعد 6 شهور فقط بداء يزيق
- مفتاح من المفاتيح اتكسر بعد شهرين تقريبا
- المفاتيح بدات تدخل لمكنها بصعوبة

المميزات
- السعر
- الشكل

[lonedoctor]

الصينى عندى من سنتين تقريبا زى الفل

[mostafa53]

السلام عليكم ورحمة الله وبركاته
أنا حامشى فى الأمان وأجيب باب مش صينى لو أختار من الماليزى والإيطالى والتركى أختار أيه؟ الأضمن مش الأرخص, وسؤال أخر لو مش عاجبنى أشكال الأبواب المصفحة ونويت أركب باب خشب إيه وسائل الأمان اللى تخليه صعب الإقتحام؟

[icahmed]

الايطالي غالي جد بس فيه منه بكود زي الخزنة كدة وفية بالبصمة
اعتقد التركي مش وحش بس لو مش فارق معك خاليك فى الايطالي

[mostafa53]

السلام عليكم ورحمة الله وبركاته
منذ بدأ الحديث فى هذا الموضوع لم يتطرق أحد للإجابة على سؤال وسائل حماية الأبواب الخشبية. عندى استفسار أخر عن حماية أبواب أو منافذ أخرى بالدور الأرضى مثل باب البلكونة أو أى باب جانبى

[Karim Salem]

شوف يا سيدى انا حصلى حادثة مع الباب المصفح الصينى
اولا اشتريتة ب2300 بالتركيب
شكله محترم جدا
شيك
متين
العيوب اللى حصلت
اولا المفتاح اتكسر فى المكنة و نطينى من عند الجران جوة الشقة علشان نعرف نفتح الباب
لان النجار معرفش يعمل حاجة
ثانيا حد ابن تيت مسك الباب و خربشة من اوله الى اخره بمسمار - زى اللى بيحصل فى العربيات
النتيجة انى مش عارف ارجع شكله زى الاول و الاستورجى قاعد بيفتى و مش عارف هيصلحه ازاى
الحل الوحيد اللى انا شايفه انه هيترش كله بس بكده هيبقه كله لون واحد و شكل الخشب اللى هو عليه هيختفى

[chicobon]

انا شايف حضرتك تعمل باب حديد اضمن هو في الاول بيبقي صعي انما هتتعود عليها و خلاص صدقني ارخص من الباب الصيني و التركي

[mostafa53]

انا شايف حضرتك تعمل باب حديد اضمن هو في الاول بيبقي صعي انما هتتعود عليها و خلاص صدقني ارخص من الباب الصيني و التركي

رأيك معقول ويؤخذ فى الإعتبار إنما الباب الحديد له قفل ممكن تطفيشه وسؤالى عن وسائل أخرى مثل الأقفال الإلكترونية والإنذار لأن فيه ناس بتقول إن الحاجات دى ممكن تعطيلها بفصل الكهرباء