عايزه اروع الهرم .. اروح ازاي؟

[AmatoALLAH]

هو احسن حاجة انا مجربها اروح بالعربية لحد ميدان الحجاز و منه اركب الاتوبيس المكيف 357 دة بيروح لحد هضبة الهرم من فوق, و علي فكرة مش وحش ولا حاجة لسة نضيف غير خطوط تانية كتير, و هو بردة بياخد شارع الهرم من اوله لاخره

انا كنت بركبه بس زمان اول ما نزل
و قريب شوفته لقيت حالته متدهورة جدا و بيسمحوا للناس تقف فيه :(

مش عارفه انا بئالي سنين ماركبتش مواصلات و مش عارفه نظامها ايه دلوئتي بالنسبه للستات , علشان كده متخوفه منها :(

علشان كده فكرت في المترو علشان عربية السيدات
بس الاتوبيس بياخد وقت اد ايه ؟
دا انا كنت بروح به الكليه كان بياخد ساعتين , امال الهرم بياخد اد ايه؟

[AmatoALLAH]

هاتبدأي تيجي من امته ؟

ان شاء الله هبتدي من اول الاسبوع اللي جاي

[aboomar22]

يافندم متتعبيش نفسك فى المواصلات لان الجو اليومين دول متقلب تراب ومطر والطريق بالعربية مش صعب لو حضرتك مشيتى دائرى ونزلتى المريوطية ومنها للهرم او من الدائرى محور صفط شارع فيصل وبعد الكوبرى شارع احمد كامل (شارع المحافظة) ومنها للشارع الهرم بس لو مشيتى فى الشارع ده وحضرتك بتاخدى اول ملف بعد الكوبرى للدخول ش احمد كامل هتلاقى كشرى حلاوة زمان مش هقولك بقى عليه محصلش هتخدى منه لاسترتك كل يوم

[SYD]

اولا اهلا بحضرتك في الهرم

ثانيا
حضرتك هتمشي في طريق النصر (الأوتوستراد) لحد طلعة الدائري من بعد منشية ناصر (بيسموه محور المنيب)
هتنزلي المريوطية (مميزة جدا بوجود لافتات كبيرة جدا وواضحة جدا تشير الي اليمين فيصل وهرم طوالي المنصورية وسقارة والشمال الي 6 أكتوبر)
حضرتك هتدخلي يمين كأنك رايحة الهرم وتنزلي اقصي اليمين علي ترعة المريوطية
هتفضلي ماشية علي يمين الترعة لحد لما تلاقي شارع الهرم
هتدخلي يمين وتمشي حوالي 2 كم لحد محطة المطبعة

دة اول سيناريو

تاني سيناريو هو المترو ولكن لا انصحك لأن عربيات السيدات سواء في المترو الخط الأول او الخط التاني ازحم واشد عنفا من عربيات الرجال

تالت سيناريو هو الأوتوبيس المكيف ودة نوعا ما هتلاقي فيه ادميتك

رابع سيناريو الميكروباص من التحرير او رمسيس ودة لا تعليق

والله المستعان
،
،

[sas5]

السلام عليكم ورحمه الله
نصيحه من اخ
انا ساكن فى منتصف الملك فيصل وشغلى فى اخر مكرم عبيد ( مدينه نصر )
يعنى المشوار ده ذهابا وعوده كل يوم
جربت الدائرى وخطر جدا ومزدحم بسبب نزله الجيزه
وجربت كوبرى 6 اكتوبر
اقصر الطرق واسهلها هو صلاح سالم ثم ميدان الجيزه
فى الصباح ياخذ ساعه ومساء ياخذ من ساعتين الى ثلاثه حسب كوبرى السيده عيشه وميدان الجيزه

انما بالنسبه لك وانت راجعه الساعه ثلاثه ظهرا سوف يكون اسهل

[AmatoALLAH]

اولا اهلا بحضرتك في الهرم

ثانيا
حضرتك هتمشي في طريق النصر (الأوتوستراد) لحد طلعة الدائري من بعد منشية ناصر (بيسموه محور المنيب)
هتنزلي المريوطية (مميزة جدا بوجود لافتات كبيرة جدا وواضحة جدا تشير الي اليمين فيصل وهرم طوالي المنصورية وسقارة والشمال الي 6 أكتوبر)
حضرتك هتدخلي يمين كأنك رايحة الهرم وتنزلي اقصي اليمين علي ترعة المريوطية
هتفضلي ماشية علي يمين الترعة لحد لما تلاقي شارع الهرم
هتدخلي يمين وتمشي حوالي 2 كم لحد محطة المطبعة

دة اول سيناريو

تاني سيناريو هو المترو ولكن لا انصحك لأن عربيات السيدات سواء في المترو الخط الأول او الخط التاني ازحم واشد عنفا من عربيات الرجال

تالت سيناريو هو الأوتوبيس المكيف ودة نوعا ما هتلاقي فيه ادميتك

رابع سيناريو الميكروباص من التحرير او رمسيس ودة لا تعليق

والله المستعان
،
،

شكرا لذوق حضرتك

ما انا قلت احنا في اجازة نص السنه و هتكون عربيات السيدات مش زحمة اوي

انا الصراحة ركبتها حوالي 4 مرات في حياتي كلها بس كانت معقوله , يمكن علشان ركبتها في الصيف فكانت كويسه

السلام عليكم ورحمه الله
نصيحه من اخ
انا ساكن فى منتصف الملك فيصل وشغلى فى اخر مكرم عبيد ( مدينه نصر )
يعنى المشوار ده ذهابا وعوده كل يوم
جربت الدائرى وخطر جدا ومزدحم بسبب نزله الجيزه
وجربت كوبرى 6 اكتوبر
اقصر الطرق واسهلها هو صلاح سالم ثم ميدان الجيزه
فى الصباح ياخذ ساعه ومساء ياخذ من ساعتين الى ثلاثه حسب كوبرى السيده عيشه وميدان الجيزه

انما بالنسبه لك وانت راجعه الساعه ثلاثه ظهرا سوف يكون اسهل

و عليكم السلام و رحمة الله و بركاته

شكرا لحضرتك جدا يا فندم

احي حضرتك ما شاء الله بتروح يوميا من الهرم لمدينة نصر

دا انا لما عرفت اني هروح يوميا لمدة 3 اسابيع للهرم , جالي انهيار عصبي و كنت هتراجع :)


انا ان شاء الله هروح بالعربيه و ربنا يعيني

و ان شاء الله هجرب الطريق الدائري اول يوم و ان ما عجبني هروح كالعادة صلاح سالم

شكرا للجميع :)

[نور القمر]

خلاص على اتصال ان شاء الله لو مكنش رقمك اتغير وماكنتيش مسحتي رقمي :)
وانا مضطرة ابوظ موضوعك ومن خلاله بنادي يا بنات اللي تحب نعمل مقابلة جماعية في الهرم تراسلنا نظبط يوم بس ده مالوش دعوة بيوم مقابلة اسبيشيال انا وامة الله

[mahmoud_afifi]

على فكره انا النهارده اكتشفت طريق جامد جدا ومختصر للمطبعه. عشان بروح لصاحبي كل اسبوع قصاده بالظبط.

حضرتك هتاخدي الدائري لغاية كوبري المريوطيه بس بدل ما تطلعيه حضرتك هتنزلي من تحت وهيكون في مفترق طرق. حضرتك هتدخلي يمين بحيث تبقي ماشيه تحت الكوبري وتفضلي ماشيه على طول لغاية اول تقاطع وتدخلي منه يمين. وبعدين تفضلي ماشيه على طوووول مسافه كده (موازي لشارع الهرم) لغاية لما تلاقي تقاطع (قبليه في سور بتاع معهد او حاجه) وبعدين تدخلي شمال من التقاطع ده هيوديكي على طول قصاد المطبعه. التقاطع ده انا بعلمه بواحد كده فكهاني باين جدا. والشارع ده اسمه شارع المحولات معروف جدا.

[AmatoALLAH]

خلاص على اتصال ان شاء الله لو مكنش رقمك اتغير وماكنتيش مسحتي رقمي :)
وانا مضطرة ابوظ موضوعك ومن خلاله بنادي يا بنات اللي تحب نعمل مقابلة جماعية في الهرم تراسلنا نظبط يوم بس ده مالوش دعوة بيوم مقابلة اسبيشيال انا وامة الله

لا رقمي لسه زي ما هو , اما رقمك فطار مع كل الارقام لما تليفوني اتدمر :)

ابعتهولي بئي علي الخاص :)

[SYD]

على فكره انا النهارده اكتشفت طريق جامد جدا ومختصر للمطبعه. عشان بروح لصاحبي كل اسبوع قصاده بالظبط.

حضرتك هتاخدي الدائري لغاية كوبري المريوطيه بس بدل ما تطلعيه حضرتك هتنزلي من تحت وهيكون في مفترق طرق. حضرتك هتدخلي يمين بحيث تبقي ماشيه تحت الكوبري وتفضلي ماشيه على طول لغاية اول تقاطع وتدخلي منه يمين. وبعدين تفضلي ماشيه على طوووول مسافه كده (موازي لشارع الهرم) لغاية لما تلاقي تقاطع (قبليه في سور بتاع معهد او حاجه) وبعدين تدخلي شمال من التقاطع ده هيوديكي على طول قصاد المطبعه. التقاطع ده انا بعلمه بواحد كده فكهاني باين جدا. والشارع ده اسمه شارع المحولات معروف جدا.

حضرتك بتتكلم عن شارع ترسة

بس دة طريق منيل خالص وكله مطبات وتوك توك وميكروباصات فولكس ماشية بعشوائية ولا يصلح للأستخدام الأدمي

انا بطلت امشي فيه نهائيا وارحملي زحمة شارع الهرم وفي النهاية اكتشفت ان رغم الزحمة بوصل اسرع بدون تحطيم السيارة من المطبات او حرقة دم من سواق ميكروباص جاهل

والله المستعان
،
،

[نور القمر]

هههههههههههه انا شوفت وصفتين هنا ماشاء الله
انا اللي عايشة عمري كله في الهرم مفهمتش منهم حاجة انا بعترف اني خايبة في الشوارع جدااااا
بس اكيد الغريب اخيب
انتم عايزين تضيعوا البنت ولا ايه :)

[mahmoud_afifi]

حضرتك بتتكلم عن شارع ترسة

بس دة طريق منيل خالص وكله مطبات وتوك توك وميكروباصات فولكس ماشية بعشوائية ولا يصلح للأستخدام الأدمي

انا بطلت امشي فيه نهائيا وارحملي زحمة شارع الهرم وفي النهاية اكتشفت ان رغم الزحمة بوصل اسرع بدون تحطيم السيارة من المطبات او حرقة دم من سواق ميكروباص جاهل

والله المستعان
،
،

مش عارف اسمه بصراحه بس بيبقى رايق بيوفر اكتر من نص ساعه. وبيطلع على شارع المحولات قدام المطبعه بالظبط.

[sas5]

حضرتك بتتكلم عن شارع ترسة

بس دة طريق منيل خالص وكله مطبات وتوك توك وميكروباصات فولكس ماشية بعشوائية ولا يصلح للأستخدام الأدمي

انا بطلت امشي فيه نهائيا وارحملي زحمة شارع الهرم وفي النهاية اكتشفت ان رغم الزحمة بوصل اسرع بدون تحطيم السيارة من المطبات او حرقة دم من سواق ميكروباص جاهل

والله المستعان
،
،

انا ايضا لو دفعوا لى فلوس لا امشى به - ده يحرق الدم

[ahmed_mido1889]

مش عارف اسمه بصراحه بس بيبقى رايق بيوفر اكتر من نص ساعه. وبيطلع على شارع المحولات قدام المطبعه بالظبط.

شكلك مظبط مصلحه مع عفشجي

الشارع ده عايز مدرعه جيش علشان تمشي فيه بسلام

[mahmoud_afifi]

شكلك مظبط مصلحه مع عفشجي

الشارع ده عايز مدرعه جيش علشان تمشي فيه بسلام

ههههههههههههههههههه اييييه يا جدعاااان انتم كلكم عليا ولا ايييييييه

انا ااااسف ده طريق وحش وبلاش حد يمشي فيه .. وانا غلطان اني عاوز اوفر اللفه بتاعت محور المريوطيه وبعدين شارع الهرم من اوله