مشروع "بداية" بحدائق اكتوبر ecrt

[emicko88]

السلام عليكم

لو سمحتو حد ليه تجربة عملية مع مشروع "بداية" ؟؟
يعني حد حاجز هناك...أو راح الموقع...
أو ليه اي تعاملات مع شركة بروج للتسويق العقاري ؟

كل اللي اعرفه عن المشروع انه مشروع اسكان شباب في حدائق اكتوبر
و اللي انشئه عرفة جروب

ده مكان المشروع :


وده لينك علي wikimapia
Bedaya - ECRT

ودول إعلانين للمشروع




أخر حاجة..ده البوم علي الفيس بوك فيه حبة صور عن المشروع : Bedaya - National Housing

[lad]

انا حاجز شقة هناك عاوز تسأل عن ايه

[AHMED1718]

متابع وياريت تفاصيل عن اسعر

[lad]

السعر من 96 الى 130 بتدفع 10% فى الأول وبعدين 10% بعد شهر نظام القسط حسب ما انت عاوز تستلم(بعد سنة سنتين ثلاث سنوات) يعنى عشان تستلم لازم تكون مسدد 74% من تمن الشقة وبتدفع 15% عند الاستلام و 5000 وديعة صيانة عند الاستلام فيه كذا نظام تقسيط خمس سنوات وده مباشر مع الشركة وفيه على 10 سنوات او 15 سنه بس ده تمويل عقارى بس احسن حاجة تروح الشركة نفسها تتكلم مع حد من السيلز يقولك التفاصيل كلها وكمان فيه اوتوبيسات بتروح الموقع عشان الناس تتفرج كلم الشركة وعرف مواعيد الاتوبيسات

[emicko88]

طيب انت متعاقد مع بروج ولا في شركة تاني ؟
وهل في عندك صور للموقع....هل البناء شغال هناك دلوقتي ولا متوقفين

هو بصراحة انا عايز احجز هناك بس عايز اطمئن الأول للمشروع وجودته وجدية الشركة في مواعيد التسلسم وشروط التسليم

وليا سؤال ...هو حضرتك شفت مشاريع تانية ؟؟ واشمعني اخترت ده
انا ماشفتش اي مشاريع تانية بس بتوع بروج كلموني

شكرا لردك :)

[Dr.Rayyan]

63 متر تانى !!!

[lad]

بعتلك عالخاص

[Hussein_Emara]

بعتلك عالخاص

استأذنك لو تبعتلي التفاصيل انا كمان.
شكراً.

[medododo]

63 متر الناس دي بتفكر ازاي
وبعد كام سنة الشباب تعمل ايه تطلع تدور تاني على سكن اوسع
وفيلا من بتوع اياهم تلاقي فيها حمامات 63 متر
والله احنا غلطانيين إن إحنا نعبرهم ونحجز في المساحات دي
الصحراء قدامهم واسعة ويبني شقق 63 متر
حسبي الله ونعم الوكيل

[lad]

بعتلك عالخاص

[AHMED1718]

63 متر الناس دي بتفكر ازاي
وبعد كام سنة الشباب تعمل ايه تطلع تدور تاني على سكن اوسع
وفيلا من بتوع اياهم تلاقي فيها حمامات 63 متر
والله احنا غلطانيين إن إحنا نعبرهم ونحجز في المساحات دي
الصحراء قدامهم واسعة ويبني شقق 63 متر
حسبي الله ونعم الوكيل

++++++++++++++1

[emicko88]

طيب هانعمل ايه...ده المتاح علي قد الامكانيات

[minicooper20]

كل مشاريع حدايق اكتوبر فيها مشاكل فى المرافق
وبدايه 80 متر صافى مش 63
و من افضل المشاريع كا تفسيم

[minicooper20]

كل مشاريع حدايق اكتوبر فيها مشاكل فى المرافق
وبدايه 80 متر صافى مش 63
و من افضل المشاريع كا تفسيم

انا اسف انا قصدى مشروع بيت المصريه و ليس بدايه
بدايه فعلا 63 و لو فستهم هتلاقيهم 50

[emicko88]

زيارة للموقع

الشركة اتصلوا بي من اسبوعين تقريبا وكان في زيارة للمشروع يوم الجمعة اللي فاتت..

المشروع ليه اكتر من مسوق عقاري....4 شركات تقريبا..الشركة اللي كلمتني بروج

ديه مجموعة صور من الموقع :
واجهة العمارة


جانب احد العمارات


العمارة من الداخل


العمارة من الداخل


عمارات انتهي التشطيب فيها


عمارات تحت التشطيب الخارجي


طوب احمر


اساسات ..


بس انا مش مستريح اوي للتشطيب ولما لفيت في الموقع شفت حاجات في الاساسات خلتني اقلق ..
زي الصور اللي تحت....لو في مهندس مدني او حد ليه خبرة في البناء يقول رايه المبدئي عن البناء والاساسات والتشطيب يا ريت يتفضل

حاسس الخرسانة اي كلام




رأيكو ايه ؟؟